ລັດຖະມົນຕີກະຊວງການຕ່າງປະເທດ ຊົມເຊີຍຄູ່ຮ່ວມຕຳແໜ່ງ
ພະນະທ່ານ ດຣ.ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດແຫ່ງ ສປປ ລາວ ໄດ້ສະແດງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດຜ່ານໂທລະເລກເຖິງພະນະທ່ານ ໂສມານາຮາລີ ມາເລຮາ ຄຣິສນາ, ລັດຖະມົນຕີກະຊວງກິດຈະການຕ່າງປະເທດແຫ່ງ ສ.ອິນເດຍ ໃນໂອກາດທີ່ພະນະທ່ານໄດ້ຖືກແຕ່ງຕັ້ງໃຫ້ດຳລົງຕຳແໜ່ງເປັນລັດຖະມົນຕີ ກະຊວງກິດຈະການຕ່າງປະເທດແຫ່ງ ສ.ອິນເດຍ ຈົ່ງມີພະລານາໄມທີ່ສົມບູນ, ມີຄວາມຜາສຸກ ແລະ ປະສົບຜົນສຳເລັດໃນການດຳເນີນ ພາລະກິດອັນສູງສົ່ງຂອງພະນະທ່ານ.
ຂ້າພະເຈົ້າຫວັງວ່າຈະໄດ້ຮ່ວມມືກັບພະນະທ່ານ ໃນການສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສອງປະເທດພວກເຮົາ ເພື່ອຜົນປະໂຫຍດຂອງປະຊາຊົນສອງຊາດ ລາວ ແລະ ອິນເດຍ ກໍ່ຄືພາລະກິດເພື່ອສັນຕິພາບ, ສະຖຽນລະພາບ ແລະ ການຮ່ວມມືພັດທະນາໃນພາກພື້ນ ແລະ ໃນໂລກ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
