ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ລາວ-ຫວຽດນາມ ຮັດແໜ້ນການຮ່ວມມືໃນດ້ານວຽກງານຕ່າງປະເທດ
ພະນະທ່ານ ດຣ.ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມ ສສ.ຫວຽດນາມ (ແຂວງເທືອທຽນເຫວ້ ແລະ ນະຄອນດານັງ) ໃນລະຫວ່າງວັນທີ 26-29 ກໍລະກົດ 2009, ຊຶ່ງໄດ້ຮັບການຕ້ອນຮັບຢ່າງອົບອຸ່ນ ແລະ ສົມກຽດຈາກຄະນະນຳຂັ້ນສູງຂອງ ສສ.ຫວຽດນາມ.
ການຢ້ຽມຢາມຄັ້ງນີ້ ໄດ້ດຳເນີນພາຍໃຕ້ບັນຍາກາດທີ່ສ້າງສັນ ແລະ ເປັນມິດສະຫາຍອ້າຍນ້ອງລະຫວ່າງສອງຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ ແລະ ສູນກາງພັກກອມມູນິດຫວຽດນາມ ຄັ້ງທີ່ 5. ໃນໂອກາດດັ່ງກ່າວ ໄດ້ຈັດໃຫ້ມີການແຂ່ງຂັນຕີດອກປີກໄກ່ມິດຕະພາບຮ່ວມກັນ ໂດຍມີທ່ານ ໂຮ່ຊ້ວນມານ, ກຳມະການສູນກາງພັກ, ເລຂາພັກແຂວງເທືອທຽນເຫວ້ ທີ່ໄດ້ໃຫ້ການຕ້ອນຮັບຢ່າງອົບອຸ່ນຖານມິດສະຫາຍອ້າຍນ້ອງ. ໃນຂະນະດຽວກັນກໍ່ໄດ້ມີການປະດັບຫລຽນກາທີ່ລະນຶກ “ພາລະກິດການຕ່າງປະເທດຂອງສູນກາງພັກ” ຂອງຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ໃຫ້ແກ່ຄະນະຜູ້ແທນຂັ້ນສູງຂອງ ຄະນະພົວພັນສູນກາງພັກ ປປ ລາວ.
ນອກຈາກນັ້ນ, ທ່ານຮອງນາຍົກລັດຖະມົນຕີ ດຣ.ທອງລຸນ ກໍ່ໄດ້ນຳພາຄະນະສືບຕໍ່ຢ້ຽມຢາມ ນະຄອນດານັງ ແລະ ຕາງໜ້າໃຫ້ລັດຖະບານ ສປປ ລາວ ປະດັບຫລຽນໄຊມິດຕະພາບ, ຫລຽນໄຊແຮງງານ, ຫລຽນກາມິດຕະພາບຂອງລັດຖະບານແຫ່ງ ສປປ ລາວ ໃຫ້ແກ່ກົມກອງ ແລະ ບຸກຄົນທີ່ດີເດັ່ນຂອງດານັງ ທີ່ມີຜົນງານປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມື ຮອບດ້ານ ລະຫວ່າງສອງຊາດ ລາວ-ຫວຽດນາມ, ເຊິ່ງໃນງານສ້າງສັນນີ້ໄດ້ມີພະນັກງານຂັ້ນສູງທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມຢ່າງພ້ອມພຽງ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
