ນາຍົກລັດຖະມົນຕີລາວ ຕ້ອນຮັບຄະນະຜູ້ແທນທະຫານໄທ
ໃນວັນທີ 4 ມິຖຸນາ 2009, ຢູ່ທີ່ສຳນັກງານນາຍົກລັດຖະມົນຕີ, ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານພົນເອກ ປະວິດ ວົງສຸວັນ, ລັດຖະມົນຕີກະຊວງປ້ອງກັນປະເທດແຫ່ງ ຣາຊະອານາຈັກໄທ ໃນໂອກາດທີ່ທ່ານພ້ອມຄະນະເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແຕ່ວັນທີ 4-5 ມິຖຸນາ ນີ້.
ໃນໂອກາດນີ້, ພະນະທ່ານນາຍົກລັດຖະມົນຕີ ໄດ້ສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານ ປະວິດ ວົງສຸວັນ ພ້ອມຄະນະ, ທີ່ໄດ້ເດີນທາງມາເຄື່ອນໄຫວຢ້ຽມຢາມ ສປປ ລາວ ຢ່າງເປັນທາງການ ຊຶ່ງເປັນການປະກອບສ່ວນອັນສຳຄັນຕໍ່ການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືລະຫວ່າງ ລາວ ແລະ ໄທ ໃຫ້ມີບາດກ້າວຂະຫຍາຍຕົວຍິ່ງໆຂຶ້ນ. ພ້ອມນີ້, ທ່ານ ປະວິດ ວົງສຸວັນ ຍັງໄດ້ສະແດງຄວາມຂອບໃຈຕໍ່ພະນະທ່ານນາຍົກລັດຖະມົນຕີລາວ ທີ່ໄດ້ໃຫ້ການຕ້ອນຮັບອັນອົບອຸ່ນ ແລະ ໄດ້ລາຍງານເຖິງ ຈຸດປະສົງຂອງການເດີນທາງມາຢ້ຽມຢາມ ສປປ ລາວ ໃນຄັ້ງນີ້ໃນທ່ານນາຍົກລັດຖະມົນຕີລາວຊາບ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
