ຄະນະນຳກະຊວງ /
ຄະນະກົມ /
ຊື່ບັນດາກົມຕ່າງໆ /
ຄວາມຕ້ອງການຂອງປະຊາຊົນແມ່ນຖືເອົາເປັນປັດໄຈສຳຄັນ
ໃນວັນທີ
25 ເມສາ 2008 ທີ່ຜ່ານມານີ້, ທ່ານ ອາລຸນແກ້ວ ກິດຕິຄຸນ,
ຜູ້ຊ່ວຍລັດຖະມົນຕີກະຊວງການ ຕ່າງປະເທດ ພ້ອມດ້ວຍຄະນະ
ໄດ້ລົງມາຢ້ຽມຢາມພໍ່ແມ່ປະຊາຊົນເຂດເມືອງອຸທຸມພອນ
ແລະ ເມືອງອາດສະພອນ, ແຂວງສະຫວັນນະເຂດ ເພື່ອເປັນການຕິດຕາມກວດກາ
ການປະຕິບັດວຽກງານໂຄງການຂອງອົງການສຸພານິມິດ (World
Vision) ປະຈຳແຂວງສະຫວັນນະເຂດ.
ຕາມການລາຍງານຂອງຫົວໜ້າໂຄງການໃນແຕ່ລະເຂດຮັບຜິດຊອບເປັນຕົ້ນແມ່ນເຂດຈຸດສຸມເມືອງ
ອຸທຸມພອນ, ໂຄງການດັ່ງກ່າວແມ່ນໄດ້ເຂົ້າມານັບແຕ່ປີ
2006 ແລະ ໄດ້ເລີ່ມສຳຫຼວດພາຍໃນ 96 ບ້ານ, ພົບວ່າມີບ້ານເປົ້າໝາຍທີ່
ທາງໂຄງການຈະໄດ້ສຸມໃສ່ເຂົ້າໃນການພັດທະນາທັງໝົດແມ່ນມີ
21 ບ້ານ ແລະ ໃນນີ້ກໍ່ໄດ້ໃຫ້ການຊ່ວຍເຫຼືອເປັນໂຄງ ການໃຫຍ່ໆເຊັ່ນ:
ໄດ້ມອບເຂົ້າໃຫ້ປະຊາຊົນໃນ 21 ບ້ານເປົ້າໝາຍເພື່ອສ້າງເປັນທະນາຄານເຂົ້າປະຈຳບ້ານ,
ມີເຂົ້າ ເປືອກ 30.000 ກິໂລກຣາມ ແລະ ເຂົ້າສານອີກ
10.000 ກິໂລ ລວມເປັນເງິນທັງໝົດ 133 ລ້ານກີບ. ນອກນັ້ນ,
ຍັງມີກອງທຶນລ້ຽງແບ້, ເຊຶ່ງໄດ້ມີ 10 ບ້ານເປົ້າໝາຍທີ່ໂຄງການເຫັນວ່າເໝາະສົມໃນການລ້ຽງແບ້,
ໂຄງການໄດ້ມອບ ແບ້ທັງໝົດ 648 ໂຕໃຫ້ 30 ຄອບຄົວ ໂດຍແຕ່ລະຄອບຄົວແມ່ນໄດ້ແບ້້ຜູ້ໜຶ່ງໂຕ
ແລະ ແບ້ແມ່ຖືພາອີກສອງໂຕ. ໃນທຸກໆປີ, ຫາກໄດ້ລູກແມ່ນຈະໄດ້ແບ່ງໃຫ້ຄອບຄົວອື່ນໆນຳໄປລ້ຽງ
ແລະ ຂະຫຍາຍພາຍໃນບ້ານຂອງຕົນຈົນຄົບທຸກ ຄອບຄົວ.
ວຽກສາທາລະນະສຸກກໍ່ຖືເປັນສິ່ງສຳຄັນເປັນຕົ້ນແມ່ນສ້ວມຖ່າຍ.
ທາງໂຄງການກໍ່ໄດ້ໃຫ້ການຊ່ວຍເຫຼືອມອບວິດ ຖ່າຍໃຫ້ແກ່
21 ບ້ານເປົ້າໝາຍມີ 300 ໜ່ວຍເຊິ່ງລວມມູນຄ່າ 118 ລ້ານກວ່າກີບ,
ນຳໃຊ້ແລ້ວ 178 ຄອບຄົວ. ນອກນັ້ນກໍ່ຍັງໄດ້ຈັດຫານ້ຳກິນນ້ຳໃຊ້ໃຫ້ແກ່ພໍ່ແມ່ປະຊາຊົນພາຍໃນ
21 ບ້ານຕື່ມອີກ, ໃນນີ້ໄດ້ຕິດຕັ້ງໂປມນ້ຳ (ຫົວເຫຼັກ
ໃຊ້ດ້ວຍແຮງຄົນ) ຈຳນວນ 60 ໜ່ວຍຄິດເປັນເງິນ 210
ລ້ານກີບ ແລະ ໃຊ້ໄປແລ້ວ 33 ໜ່ວຍ. ສ່ວນເມືອງ ອາດສະພອນ
ກໍ່ເປັນອີກເມືອງໜຶ່ງທີ່ທາງໂຄງການຈະສຸມເຂົ້າໃສ່ເພື່ອພັດທະນາ,
ປະຈຸບັນທົ່ວເມືອງມີບ້ານທັງໝົດ 56 ບ້ານ, ໃນນີ້ແມ່ນມີ
31 ບ້ານທີ່ແມ່ນເປົ້າໝາຍເພື່ອກຽມເຂົ້າເປັນບ້ານພັດທະນາ
ແລະ ຈັດຕັ້ງປະຕິບັດນັບແຕ່ນີ້ຫາປີ 2012. ໃນໄລຍະນີ້
ກໍ່ແມ່ນໄລຍະກະກຽມຂອງໂຄງການ, ເຊຶ່ງມີຄວາມຄືບໜ້າສົມຄວນ
ຄື: ການປະເມີນຄວາມຕ້ອງ ການຂອງຊຸມຊົນໃນ 12 ບ້ານ
ແລະ ກໍ່ໄດ້ຈັດຕັ້ງປະຕິບັດໄປພ້ອມໆກັນຕາມຄວາມຕ້ອງການຂອງປະຊາຊົນ
ທີ່ເຫັນວ່າ ເປັນອັນຮີບດ່ວນທີ່ສຸດເຊັ່ນ: ສຳເລັດການກໍ່ສ້າງວາງທໍ່
11 ແຫ່ງໃນຈຳນວນ 4 ບ້ານ, ເຂດນີ້ພໍຕົກຍາມຝົນ ແມ່ນບໍ່
ສາມາດໄປມາຫາສູ່ກັນໄດ້, ຕອບສະໜອງຄວາມຕ້ອງການທີ່ເຫັນວ່າຈຳເປັນໃຫ້ແກ່ໂຮງຮຽນເຊັ່ນ:
ໂຕະ ຕັ່ງຈຳນວນ 24 ຊຸດ, ໜາມໝາກຈັບ 11 ກໍ້, ກະດານດຳ 15 ແຜ່ນ,
ສັງກະສີ 66 ແຜ່ນ (ສ້ອມແປງບ່ອນທີ່ຮົ່ວ), ອຸປະກອນການຮຽນ,
ເຄື່ອງຫຼິ້ນກິລາ ແລະ ຊຸດນັກຮຽນອີກຈຳນວນໜຶ່ງ, ຕັດທາງໃໝ່ໄດ້
4 ກິໂລແມັດ ແລະ ນຳພາປະຊາຊົນປ້ານຝາຍໄດ້ 5 ແຫ່ງ,
ໃນນີ້ໄດ້ນຳໃຊ້ແຮງງານປະຊາຊົນ ແລະ ທາງໂຄງການໄດ້ອອກເປັນວັດຖຸ
(ຊີມັງ - ເຫັກ) ແລະອຶ່ນໆ.
ພ້ອມນີ້,
ທ່ານ ອາລຸນແກ້ວ ກິດຕິຄຸນ ພ້ອມຄະນະ ກໍ່ໄດ້ລົງຢ້ຽມຢາມປະຊາຊົນທີ່ຢູ່ໃນເຂດຂອງການປະຕິບັດ
ໂຄງການເປັນຕົ້ນ: ບ້ານໂນນສະຫວ່າງ, ເມືອງອຸທຸມພອນ ແລະ
ບ້ານສົ້ມໂຮງ, ເມືອງອາດສະພອນ ອີກດ້ວຍ.
