ສົມເດັດພະເທບ ພະຣາຊະທານ ທຶນບູລະນະໂຮງຮຽນ
ແລະ ສະໜັບສະໜູນເດັກນ້ອຍຜູ້ດ້ອຍໂອກາດ
ສົມເດັດພະເທບ ຣັດ ຣາຊະສຸດາ ສະຫຍາມບໍຣົມຣາຊະກຸມາລີ
ແຫ່ງຣາຊະອານາຈັກໄທ ໄດ້ມອບເງິນພະຣາ ຊະທານ ຈຳນວນ
761.700 ບາດ ເພື່ອນຳໃຊ້ເຂົ້າໃນການຊ່ວຍເຫລືອ ບູລະນະບັນດາໂຮງຮຽນ
ແລະ ສະໜັບ ສະໜູນບັນດາເດັກນ້ອຍຜູ້ທີ່ດ້ອຍໂອກາດຢູ່ ສປປ
ລາວ, ທັງເປັນການຜັນຂະຫຍາຍຜົນການຢ້ຽມຢາມ ສປປ ລາວ ຂອງ
ສົມເດັດພະເທບ ໃນຄັ້ງກ່ອນ.
ພິທີມອບ-ຮັບ
ເງິນພະຣາຊະທານຄັ້ງນີ້ ມີຂຶ້ນໃນວັນທີ 2 ພຶດສະພາ
2008, ທີ່ ກະຊວງການຕ່າງປະເທດ ຂອງ ລາວ. ຕ່າງໜ້າຝ່າຍໄທ
ແມ່ນທ່ານ ວິບູນ ຄູສະກຸນ, ເອກອັກຄະຣາຊະທູດ ແຫ່ງ ຣາ ຊະອານາຈັກໄທ
ປະຈຳ ສປປ ລາວ ເປັນຜູ້ມອບ ແລະ ທ່ານ ດຣ. ທອງລຸນ ສີສຸລິດ,
ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງການ ຕ່າງປະເທດ
ແຫ່ງ ສປປ ລາວ ເປັນຜູ້ຮັບ ໂດຍມີບັນດາຫົວໜ້າຫ້ອງການ,
ຫົວໜ້າກົມຈາກກະຊວງການຕ່າງປະເທດ, ຜູ້ຕາງໜ້າຈາກກະຊວງສຶກສາ,
ພະນັກງານທີ່ກ່ຽວຂ້ອງຂອງສະຖານທູດໄທ ແລະ ພາກສ່ວນກ່ຽວຂ້ອງຂອງລາວເຂົ້າ
ຮ່ວມ. ທ່ານ ດຣ. ທອງລຸນ ສີສຸລິດ ກໍໄດ້ກ່າວສະແດງຄວາມຂອບໃຈຢ່າງຈິງໃຈ
ຕໍ່ການຊ່ວຍເຫລືອ ແລະ ສະໜັບ ສະຫນູນດັ່ງກ່າວ ເພື່ອຈະນຳໄປໝູນໃຊ້
ເຂົ້າໃນແຜນການທີ່ກຳນົດໄວ້ ໃຫ້ເກີດຜົນປະໂຫຍດສູງສຸດ.
