ສັນຕິພາບ ເອກະລາດ ມິດຕະພາບ ການຮ່ວມມື ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ ຜູ້ນຳອວຍພອນວັນຊາດມົງໂກລີ      ບັນດາ​ທ່ານ​ຜູ້ນຳ ​ແຫ່ງ ສປປ ລາວ ຊຶ່ງລວມ​ມີ ພະນະ​ທ່ານ ຈູມ​ມາລີ ໄຊ​ຍະ​ສອນ, ປະທານ​ປະ​ເທດ, ພະນະ​ທ່ານ ບົວ​ສອນ ບຸບຜາ​ວັນ, ນາຍົກລັດຖະມົນຕີ ແລະ ພະນະ​ທ່ານ ດຣ. ທອງລຸນ ສີສຸລິດ, ຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຕ່າງກໍ່ໄດ້ສະ ແດງຄວາມຊົມເຊີຍອັນອົບອຸ່ນ ແລະ ຄຳ​ອວຍພອນໄຊອັນປະເສີດຜ່ານທາງໂທລະເລກເຖິງຜູ້ນຳ​ຄູ່ຮ່ວມຕຳແໜ່ງ ແຫ່ງ ມົງໂກລີ ພະນະ​ທ່ານ ຊາເຄຍ ກີນ ເອລເບັກດໍຣຈ໌, ປະທານາທິບໍດີ, ພະນະ​ທ່ານ ຊັນຈາອາກລິນ ບາຢາ, ນາຍົກລັດຖະມົນຕີ; ພະນະທ່ານ ບັດໂບລດ໌ ສຸກບາຕາຣິນ, ລັດຖະມົນຕີວ່າການ ກະຊວງການຕ່າງປະເທດ ໃນໂອກາດວັນສ້າງຕັ້ງລັດ ມົງໂກລີ ຄົບຮອບ 803 ປີ, ວັນບຸນປະເພນີນາດຳ ແລະ ວັນຄົບຮອບ 88 ປີແຫ່ງວັນໄຊຊະ ນະຂອງການປະຕິວັດປະຊາຊົນມົງໂກລີ. ​ເນື້ອ​ໃນ​ຂອງ​ບັນດາ​ໂທລະເລກ ດັ່ງກ່າວເວົ້າວ່າ: “ພວກຂ້າພະເຈົ້າ ມີຄວາມຮູ້ສຶກປະທັບໃຈເປັນຢ່າງຍິ່ງທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນດີງາມມາແຕ່ດົນນານລະຫວ່າງສອງປະເທດ ສປປ ລາວ ແລະ ມົງໂກລີ ໄດ້ສືບຕໍ່ຂະຫຍາຍຕົວ ໃນໄລຍະໃໝ່ໂດຍສະເພາະການຢ້ຽມຢາມຂອງປະທານປະເທດໃນປີ 2007, ​ແລະ ເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນ ດີງາມດັ່ງກ່າວ ຈະໄດັຮັບການສືບຕໍ່ພັດທະນາ​ໃຫ້​ເຂັ້ມ​ແຂງ ​ແລະ ​ເກີດ​ດອກ​ອອກ​ຜົນ​ຍິ່ງຯຂຶ້ນເລື້ອຍໆໃນຊຸມປີຕໍ່ໜ້າເພື່ອນຳເອົາຜົນປະໂຫຍດລວມມາສູ່ປະ ຊາຊົນສອງຊາດລາວ-ມົງໂກລີ.

ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ  ,ອີເມວ : ict@mofa.gov.la