ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ທ່ານຮອງນາຍົກ ດຣ. ທອງລຸນ ສີສຸລິດ ຕ້ອນຮັບຜູ້ແທນບໍລິສັດຜະລິດເຮືອບິນອາເຕເເອຣ
ໃນວັນທີ 10 ກໍລະກົດ 2009, ທີ່ກະຊວງການຕ່າງປະເທດ, ທ່ານຮອງນາຍົກ, ລັດຖະມົນຕີວ່າການກະຊວງການຕ່າງປະເທດ ທ່ານດຣ. ທອງລຸນ ສີສຸລິດ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ JACGUES DESBATS, ຮອງປະທານຜູ້ອາວຸໂສຂອງບໍລິສັດຜະລິດເຮືອບິນອາເຕເເອຣ(ATR) ປະເທດຝຣັ່ງ, ໃນໂອກາດທີ່ທ່ານເດີນທາງມາຢ້ຽມຢາມ ສປປ ລາວ ເພື່ອເຂົ້າຮ່ວມພິທີມອບ - ຮັບເຮືອບິນໂດຍສານ(ATR) ລຳທີ່ໜຶ່ງໃນຈຳນວນ 02 ລຳ ທີ່ບໍລິສັດການບິນລາວໄດ້ສັ່ງຊື້ນຳບໍລິສັດດັ່ງກ່າວ.
ໃນໂອກາດນີ້ ທ່ານຮອງນາຍົກ, ລັດຖະມົນຕີວ່າການກະຊວງການຕ່າງປະເທດເຮົາໄດ້ສະແດງຄວາມຍິນດີຕ້ອນຮັບ ແລະ ຄວາມຂອບໃຈຕໍ່ທ່ານ JACGUES DESBATS ທີ່ໄດ້ໃຫ້ຄວາມສຳຄັນ ແລະ ປະກອບສ່ວນໃນການສະໜອງເຮືອບິນທີ່ນຳໃຊ້ເຕັກນິກໃໝ່ໃນການຜະລິດ ແລະ ມີການພັດ ທະນາຄຸນນະພາບທາງດ້ານເຕັກໂນໂລຊີ, ຮັບປະກັນຄວາມປອດໄພ ອັນເປັນເງື່ອນໄຂສຳຄັນໃນການຮອງຮັບຜູ້ໂດຍສານ, ໂດຍສະເພາະແມ່ນການອຳນວຍ ຄວາມສະດວກໃຫ້ແກ່ນັກທ່ອງທ່ຽວ. ພ້ອມນີ້ ທ່ານຍັງໄດ້ສະແດງຄວາມຫວັງວ່າທາງບໍລິສັດຈະໃຫ້ການຮ່ວມມືກັບ ສປປ ລາວ ໃນການຍົກລະດັບພະນັກ ງານການບິນໃນຕໍ່ໜ້າອີກດ້ວຍ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
