ທ່ານ ຮູຈິນທາວ ພົບປະກັບ ທ່ານ ຈູມມາລີ ໄຊຍະສອນ

ວັນທີ 7 ສິງຫາ 2008, ຢູ່ຫໍສະພາປະຊາຊົນທີ່ປັກກິ່ງ, ທ່ານ ຮູຈິນທາວ, ປະທານປະເທດຈີນ ໄດ້ພົບປະຜູ້ນຳ 5 ປະເທດ, ທ່ານ ຈູມມາລີ ໄຊຍະສອນ, ປະທານປະເທດລາວທີ່ເຂົ້າຮ່ວມພິທີໄຂງານກິລາໂອລິມປິກປັກກິ່ງ, ທ່ານປະທານ ຮູຈິນທາວ ຍິນດີຕ້ອນຮັບບັນດາທ່ານມາເຂົ້າຮ່ວມພິທີໄຂງານກິລາໂອລິມປິກປັກກິ່ງ. ທ່ານ ຈູມມາລີ ໄຊຍະສອນ ແມ່ນຜູ້ນຳຕ່າງປະເທດຜູ້ທຳອິດທີ່ທ່ານ ຮູຈິນທາວ ພົບປະໃນບັນດາທ່ານທີ່ມາເຂົ້າຮ່ວມ ພິທີໄຂງານ ໂອລິມປິກ, ຈາກນັ້ນກໍ່ເລີ່ມເປີດການເຄື່ອນໄຫວ ທາງການທູດໂອລິມປິກ ໃນໄລຍະງານ ໂອລິມປິກປັກກິ່ງ ຂອງຜູ້ນຳ ລະດັບສູງຂອງຈີນ.

ເມື່ອ 2 ປີກ່ອນ, ທ່ານປະທານ ຮູຈິນທາວ ເຄີຍມາຢ້ຽມຢາມ ສປປ ລາວ ແລະ ພົບປະເຈລະຈາກັບທ່ານ ຈູມມາລີ ໄຊຍະສອນ, ຢູ່ນະຄອນຫລວງວຽງຈັນ. ມື້ດຽວກັນ, ທ່ານ ອູປາງໂກ, ປະທານສະພາປະຊາຊົນ ແຫ່ງຊາດຈີນ ກໍ່ໄດ້ພົບປະທ່ານປະທານ ຈູມມາລີ ໄຊຍະສອນ. ຫລັງຈາກນັ້ນ, ທ່ານ ຮູຈິນທາວ ກໍ່ໄດ້ພົບ ປະທ່ານ ທາຕີຊີ, ປະທານາທິບໍດີແຊກບີ; ທ່ານ ລູກາເຊັນໂຄ, ປະທານາທິບໍດີເບລາຣຸດຊີ; ທ່ານ ອຸຢັດໂນເວັສ, ປະທານາທິບໍດີມົງເຕເນໂກຼ ແລະ ທ່ານລູລາ ດາຊິນວາ, ປະທານາທິບໍດີເບຼຊິນ. ໃນເວລາພົບ ປະກັບຜູ້ນຳ 5 ປະເທດ, ທ່ານ ຮູຈິນທາວ ລ້ວນແຕ່ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ລັດຖະບານ ແລະ ປະຊາຊົນ 5 ປະເທດດັ່ງກ່າວທີ່ໃຫ້ຄວາມເຫັນໃຈອັນຈິງໃຈ ແລະ ການຊ່ວຍເຫລືອອັນລໍ້າຄ່າແກ່ ປະຊາຊົນຈີນໃນເວລາປະສົບໄພ ແຜ່ນດິນໄຫວອັນຮຸນແຮງ.