ນາຍົກລັດຖະມົນຕີ ຊົມເຊີຍ ຄູ່ຮ່ວມຕຳແໜ່ງ ສ. ລັດເຊຍ

ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີ ແຫ່ງ ສປປ ລາວ ໄດ້ສົ່ງຄວາມຊົມເຊີຍ ຜ່ານສານ ເຖິງ ພະນະທ່ານ ວາລາດີເມຍ ປູຕິນ, ນາຍົກລັດຖະມົນຕີ ແຫ່ງ ສະຫະພັນລັດເຊຍ ເນື່ອງໃນໂອກາດ ທີ່ພະນະທ່ານ ໄດ້ ຮັບການແຕ່ງຕັ້ງໃຫ້ດຳລົງຕຳແໜ່ງ ເປັນນາຍົກລັດຖະມົນຕີ ແຫ່ງ ສ. ລັດເຊຍ. ພ້ອມທັງສະແດງຄວາມຫວັງວ່າ: ໃນ ໄລຍະທີ່ ພະນະທ່ານນາຍົກ ວາລາດີເມຍ ປູຕິນ ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສ. ລັດເຊຍ ນີ້ ຈະໄດ້ ມີໂອກາດປຶກສາຫາລື ແລະ ເຮັດວຽກຮ່ວມກັນເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນເປັນມູນ ເຊື້ອລະຫວ່າງສອງປະເທດ ໃຫ້ແຕກດອກອອກຜົນຍິ່ງໆຂຶ້ນ, ເພື່ອຜົນປະໂຫຍດຂອງປະຊາຊົນສອງຊາດ ລາວ-ລັດເຊຍ, ເພື່ອການຮ່ວມມືພັດທະນາ ແລະ ສັນຕິພາບໂລກ.