ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ທ່ານປະທານປະເທດຕ້ອນຮັບຄະນະຜູ້ແທດພັກກອມມູນິດຈີນ ແຂວງກວາງຊີ
ໃນຕອນບ່າຍຂອງວັນທີ 13 ກໍລະກົດ 2009, ພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າ ຢ້ຽມຂ່ຳນັບຂອງຄະນະຜູ້ແທນເຂດປົກຄອງຕົນເອງເຜົ່າຈ່ວງກວາງຊີ ສປ ຈີນ, ນຳໂດຍທ່ານ ກົວເຊິງຄຸນ ເລຂາຄະນະພັກ ປະທານຄະນະປະຈຳສະພາ ເຂດປົກຄອງຕົນເອງເຜົ່າຈ່ວງກວາງຊີ ໃນໂອກາດທີ່ຄະນະຜູ້ແທນໄດ້ເດີນທາງມາຢ້ຽມຢາມເຮັດວຽກຢູ່ ສປປ ລາວ.
ໃນໂອກາດນີ້ ພະນະທ່ານ ຈູມມະລີ ໄຊຍະສອນ ໄດ້ຕີລາຄາສູງ ແລະ ໃຫ້ການຕ້ອນຮັບຢ່າງອົບອຸນຕໍ່ຄະນະຜູ້ແທນ ເຊິ່ງເປັນການເສີມຂະຫຍາຍ ສາຍພົວພັນມິດຕະພາບອັນແໜ້ນແກ່ນລະຫວ່າງສອງປະເທດ ໂດຍສະເພາະກໍແມ່ນລະຫວ່າງ ສປປ ລາວ ແລະ ແຂວງກວາງຊີ ທີ່ມີມາແລ້ວນັ້ນ ໃຫ້ ແຕກດອກອອກຜົນຢ່າງງອກງາມຍິ່ງຂຶ້ນ, ພ້ອມກັນນັ້ນ ສອງຝ່າຍຍັງໄດ້ປຶກສາຫາລືຄວາມເປັນໄປໄດ້ໃນການຮ່ວມມືເຊິ່ງກັນ ແລະ ກັນ ໃນຂອບສອງຝ່າຍ ແລະ ຫຼາຍຝ່າຍ ທັງໃນຂົງເຂດເສດຖະກິດ ແລະ ວັດທະນະທຳ-ສັງຄົມ. ໃນຂະນະດຽວກັນນັ້ນ ພະນະທ່ານ ກົວເຊິງຄຸນ ຍັງໄດ້ສະແດງຄວາມຂອບອົບ ຂອບໃຈຢ່າງສູງຕໍ່ພະນະທ່ານປະທານປະເທດເຮົາທີ່ໃຫ້ກຽດຕ້ອນຮັບ ພ້ອມທັງໄດ້ສະເໜີຈຸດປະສົງຂອງການມາຢ້ຽມຢາມ ສປປ ລາວນຳອີກ ເຊິ່ງເຫັນວ່າ ໄດ້ຮັບຜົນສຳເລັດເປັນຢ່າງດີ ໂດຍມີການລົງນາມບົດບັນທຶກການຮ່ວມມືລະຫວ່າງແຂວງກວາງຊີ ແລະ ສປປ ລາວ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
