ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ທ່ານນາຍົກຕ້ອນຮັບຄະນະຜູ້ແທນພັກກອມມູນິດຈີນ ແຂວງກວາງຊີ
ໃນວັນທີ 13 ກໍລະກົດ 2009, ພະນະທ່ານ ບົວສອນ ບຸບຜາວັນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ, ໄດ້ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນເຂດປົກຄອງຕົນເອງເຜົ່າຈ່ວງກວາງຊີ ສປ ຈີນ, ນຳໂດຍທ່ານ ກົວເຊິງຄຸນ ເລຂາຄະນະພັກ ປະ ທານຄະນະປະຈຳສະພາເຂດປົກຄອງຕົນເອງເຜົ່າຈ່ວງກວາງຊີ ໃນໂອກາດທີ່ຄະນະຜູ້ແທນໄດ້ເດີນທາງມາຢ້ຽມ ຢາມເຮັດວຽກຢູ່ ສປປ ລາວ ໃນລະຫວ່າງ ວັນທີ່ 12-14 ກໍລະກົດ 2009.
ໃນໂອກາດຕ້ອນຮັບຄັ້ງນີ້, ພະນະທ່ານບົວສອນ ບຸບຜາວັນ ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບ ຊຶ່ງການມາຢ້ຽມຢາມຄັ້ງນີ້ຂອງຄະນະຜູ້ ແທນ ແມ່ນຢູ່ໃນບັນຍາກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວ ພວມມີການຈັດຕັ້ງການສະເຫລີມສະຫລອງວັນຄ້າຍວັນເກີດຂອງທ່ານປະທານ ສຸພານຸວົງ ຄົບຮອບ 100 ປີ ແລະ ການກະກຽມມະຫາກຳກິລາຊີເກມ ຄັ້ງທີ່ 25 ທີ່ ສປປ ລາວ ຈະເປັນເຈົ້າພາບ. ນອກນີ້ ທ່ານນາຍົກລັດຖະມົນຕີ ຍັງ ໄດ້ສະແດງຄວາມເຊື່ອໝັ້ນວ່າ ການມາຢ້ຽມຢາມຄັ້ງນີ້ຂອງຄະນະ ຈະເປັນການເສີມຂະຫຍາຍສາຍພົວພັນທີ່ເປັນມູນເຊື້ອອັນດີງາມລະຫວ່າງ ສປ ຈີນ ແລະ ສປປ ລາວ ກໍຄື ສປປ ລາວ ກັບ ແຂວງ ກວາງຊີ ໃຫ້ນັບມື້ນັບຈະເລີນງອກງາມຍິ່ງໆຂຶ້ນໄປ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
