ປະທານປະເທດແຫ່ງ ສປປ ລາວ ຕ້ອນຮັບຄະນະຜູ້ແທນພັກກອມມູນິດ ຈີນ
ໃນວັນທີ 15 ມິຖຸນາ 2009, ທີ່ຫ້ອງຮັບແຂກຂອງຫ້ອງວ່າການສູນກາງພັກ, ສະຫາຍ ຈູມມາລີ ໄຊຍະສອນ, ເລຂາທິການໃຫຍ່ຄະນະ ບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດແຫ່ງ ສປປ ລາວ ໄດ້ຕ້ອນຮັບສະຫາຍ ຫລີເຢັນຊາວ, ກຳມະການ ກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກກອມມູນິດຈີນ ພ້ອມຄະນະເຂົ້າຢ້ຽມຂ່ຳນັບ.
ໃນໂອກາດນີ້ສະຫາຍເລຂາທິການໃຫຍ່ຄະນະບໍລິຫານງານສູນກາງພັກ ປປລາວ ໄດ້ສະແດງຄວາມຕ້ອນຮັບຊົມເຊີຍ ແລະ ຕີລາຄາສູງ ຕໍ່ການມາຢ້ຽມຢາມ ສປປ ລາວ ໃນຄັ້ງນີ້ຂອງ ສະຫາຍ ຫລີເຢັນຊາວ ເຊິ່ງເປັນການປະກອບສ່ວນອັນສຳຄັນຕໍ່ການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືຊ່ວຍເຫລືອລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຈີນ, ໂດຍສະເພາະ ແມ່ນການຮ່ວມມືຊ່ວຍເຫລືອລະຫວ່າງຄະນະຈັດຕັ້ງສູນກາງພັກ ປປ ລາວ ແລະ ຈີນໃຫ້ງອກງາມຂຶ້ນເລື້ອຍໆ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
