ສປປ ລາວ
ເປັນຫ່ວງໃນສະຖານະການໃນໂອເຊເຈຍໃຕ້
ໂຄສົກກະຊວງການຕ່າງປະເທດແຫ່ງ ສປປ ລາວ ໄດ້ໃຫ້ຄຳເຫັນຕໍ່ຄວາມສົນໃຈຂອງສື່ມວນຊົນລາວກ່ຽວກັບ
ການປະທະກັນທາງທະຫານຢ່າງຮຸນແຮງໃນໂອເຊເຈຍໃຕ້
ວ່າ:
ເຫດການປະທະກັນດ້ວຍກຳລັງອາວຸດຢ່າງຮຸນ
ແຮງໃນ
ແຄ້ວນໂອເຊເຈຍໃຕ້ລະຫວ່າງກອງກຳລັງລັດເຊຍ
ແລະ ຈໍເຈຍນັບແຕ່ວັນທີ
8
ສິງຫາ
2008
ເປັນຕົ້ນມາ,
ອັນເປັນເຫດໃຫ້ປະຊາຊົນໄດ້ຮັບບາດເຈັບ ແລະ ເສຍຊີວິດຈຳນວນຫລາຍພ້ອມທັງໄດ້ສ້າງຄວາມເສຍຫາຍຢ່າງ
ມະຫາສານແກ່ຊັບສິນ
ແລະ
ເຮືອນຊານບ້ານຊ່ອງຂອງ
ຊາວໂອເຊເຈຍໃຕ້ຈົນໄດ້ອົບພະຍົບອອກຈາກ
ພື້ນທີ່ເປັນ
ຈຳນວນຫລາຍສິບພັນຄົນ.
ສປປ ລາວ ໄດ້ຕິດຕາມດ້ວຍຄວາມຫວ່ງໃຍທີ່ສຸດ ແລະ
ມາບັດນີ້ມີຄວາມຍິນດີເປັນຢ່າງຍິ່ງທີ່ໄດ້ຊາບວ່າໄດ້ມີ
ການຕົກລົງຢຸດຍິງ
ແລະ ຫວັງວ່າທຸກຝ່າຍຈະສືບຕໍ່ເຈລະຈາຫາວິທີ
ແກ້ໄຂບັນຫາຢ່າງສັນຕິບົນພື້ນຖານ
ເອກະສານ
ສົນທິສັນຍາຕ່າງໆລະຫວ່າງ
3
ຝ່າຍຄື: ສະຫະພັນລັດເຊຍ,
ໂອເຊເຈຍໃຕ້ ແລະ ຈໍເຈຍ ທີ່ໄດ້ຕົກລົງເຊັນກັນໃນປີ
1992
ເພື່ອຮັກສາສັນຕິພາບ,
ສະຖຽນລະພາບ ແລະ ຄວາມເປັນບ້ານໃກ້ເຮືອນຄຽງ ແລະ
ຢູ່ເຢັນເປັນສຸກ
ຂອງ
ປະຊາຊົນທັງສອງຊາດດ້ວຍກັນ.
