ລັດຖະບານລາວໃຫ້ຄວາມສຳຄັນຕໍ່ວັນສາກົນຊົນເຜົ່າພື້ນເມືອງໂລກ
ສູນກາງແນວລາວສ້າງຊາດ ຮ່ວມກັບ ກະຊວງການຕ່າງປະເທດ
ແລະ ອົງການ ສປຊ ເພື່ອການພັດທະນາປະຈຳລາວ
ໄດ້ຈັດການລະດົມ
ຄວາມຄິດເຫັນດ້ວຍການສຳມະນາກ່ຽວກັບຊົນເຜົ່າໃນລາວເມື່ອວັນທີ
15
ສິງຫາ
2008,
ທີ່ນະຄອນຫລວງວຽງຈັນ ເນື່ອງໃນໂອກາດ
ວັນສາກົນຊົນເຜົ່າພື້ນເມືອງໂລກ ວັນທີ
9
ສິງຫາ
1994
ໂດຍມີຜູ້ຕາງໜ້າຈາກບັນດາກະຊວງ,
ອົງການທຽບເທົ່າກະຊວງ,
ສຳນັກງານ ແລະ ອົງການຈັດຕັ້ງຕ່າງໆຂອງລາວ,
ມີຜູ້ຕາງໜ້າຈາກອົງການ ສປຊ ເພື່ອການພັດທະນາປະຈຳລາວ
ແລະ ອົງການຈັດຕັ້ງສາກົນຕ່າງໆເຂົ້າຮ່ວມ.
ທ່ານ ສຈ.
ດຣ. ໄຊຍະມັງ
ວົງສັກ,
ຮອງປະທານສູນກາງແນວລາວສ້າງຊາດໄດ້ກ່າວວ່າ:
ໃນປີ
1994
ອົງການ ສປຊ ໄດ້ຕົກລົງຮັບຮອງເອົາວັນທີ
09
ສິງຫາ ເປັນວັນສາກົນຊົນເຜົ່າພື້ນເມືອງ ແລະ ນັບແຕ່ນັ້ນມາອົງການສະຫະປະຊາດ
ແລະ ບັນດາປະເທດສະມາຊິກໄດ້ຈັດຕັ້ງສະເຫຼີມສະຫລອງວັນສາກົນດັ່ງກ່າວໃນຮູບແບບຕ່າງໆ.
ສປປ ລາວ
ກໍ່ໄດ້ເອົາໃຈໃສ່ໃຫ້ການຮ່ວມມືກັບສາ
ກົນໃນບັນຫາທີ່ພົວພັນກັບຊົນເຜົ່າພື້ນເມືອງໂລກ.
ໃນເດືອນກັນຍາ
2007,
ລັດຖະບານລາວ ໄດ້ລົງຄະແນນສຽງສະໜັບສະໜູນຕໍ່ຖະແຫຼງການຂອງອົງການສະຫະປະຊາຊາດວ່າດ້ວຍສິດທິ
ຂອງຊົນເຜົ່າພື້ນເມືອງ,
ຊຶ່ງໄດ້ຖືກຮັບຮອງເອົາໂດຍສະມັດຊາໃຫຍ່
ສປຊ ທີ່ມີ
143
ປະເທດເຫັນດີ. ນອກຈາກນີ້,
ສປປ ລາວ ຍັງໄດ້ໃຫ້ການຮ່ວມມືກັບໜ່ວຍງານ
ແລະ ກົນໄກທີ່ກ່ຽວຂ້ອງ,
ຂະນະທີ່ໃນລະດັບປະເທດ,
ລັດຖະບານ ລາວ ໄດ້ມອບໃຫ້ສູນກາງແນວລາວ
ສ້າງຊາດໂດຍ ປະສານກັບກະຊວງ ແລະ
ອົງການທີ່ກ່ຽວຂ້ອງຕ່າງໆເປັນໃຈກາງ,
ປະສານງານໃນບັນຫາທີ່ພົວພັນກັບຊົນເຜົ່າພື້ນເມືອງ
ໃນໂລກ,
ສູນກາງແນວລາວສ້າງຊາດເປັນອົງການຈັດຕັ້ງການເມືອງທີ່ມີພາລະບົດບາດ
ແລະ ໜ້າທີ່ເຕົ້າໂຮມຄວາມສາມັກຄີຂອງປະຊາຊົນ
ບັນດາເຜົ່າ,
ທຸກຊັ້ນຄົນ,
ທຸກສາດສະໜາ,
ນັກຮຽນຮູ້ປັນຍາຊົນ ເພື່ອປຸກລະດົມການປະກອບສ່ວນເຂົ້າໃນການພັດທະນາ
ແລະ ສ້າງສາປະເທດຊາດ,
ສ່ວນບັນດາກະຊວງຂະແໜງການ ແລະ ອົງການຕ່າງໆຂັ້ນສູນກາງ
ແລະ ທ້ອງຖິ່ນກໍ່ລ້ວນແຕ່ມີສວ່ນຮ່ວມ
ໃນການສົ່ງເສີມຄວາມສາມັກຄີ,
ຄວາມສະເໝີພາບລະຫວ່າງປະຊາຊົນບັນດາເຜົ່າໃນການເສີມຂະຫຍາຍສິດເປັນເຈົ້າຂອງປະເທດຊາດ
ຂອງພວກເຂົາ.
ສປປ ລາວ
ເປັນປະເທດທີ່ປະກອບດ້ວຍຫລາຍຊົນເຜົ່າທີ່ມີຈຸດພິເສດສະເພາະຂອງຕົນ
ແລະ ແຕກຕ່າງກັບຫລາຍ
ປະເທດໃນໂລກ.
ບັນດາເຜົ່າໃນ
ສປປ ລາວ
ດຳລົງຊີວິດຢູ່ສະຫຼັບຊັບຫວ່າງກັນແຕ່ເໜືອຮອດໃຕ້,
ບໍ່ມີຊົນເຜົ່າໃດໜື່ງດຳລົງຊີວິດ
ຢູ່ຕ່າງຫາກເປັນບໍລິເວນໃດໜຶ່ງທີ່
ກ້ວາງໃຫຍ່ໄພສານ
ຕັ້ງແຕ່ໃດໆມາເຂົາເຈົ້າຢູ່ຮ່ວມກັນໂດຍສັນຕິ,
ສາມັກຄີຮັກແພງ ແລະ ຊ່ວຍເຫຼືອເຊິ່ງກັນ
ແລະ ກັນ,
ຊົນເຜົ່າໃດກໍ່ລ້ວນມີຈຸດພິເສດລວມແຫ່ງວົງຄະນາຍາດແຫ່ງຊາດລາວ.
ກອງປະຊຸມສຳມະນາຄັ້ງນີ້ ແມ່ນເປັນໂອກາດໃຫ້ແກ່ຜູ້ເຂົ້າຮ່ວມໄດ້ສຶກສາຄົ້ນຄ້ວາກ່ຽວກັບຊົນເຜົ່າພື້ນເມືອງໃນໂລກ
ແລະ ຊົນເຜົ່າໃນ ສປປ ລາວ ເຊິ່ງຈະເປັນການເສີມຂະຫຍາຍຄວາມຮັບຮູ້
ແລະ ຄວາມເຂົ້າໃຈອັນຖືກຕ້ອງຂອງພວກເຮົາກ່ຽວກັບບັນຫາດັ່ງກ່າວ,
ທັງເປັນການສະແດງ
ເຖິງຄວາມເອົາໃຈໃສ່ໃຫ້ຄວາມສຳຄັນຂອງ ສປປ ລາວ ຕໍ່ວັນສາກົນຊົນເຜົ່າພື້ນເມືອງໃນໂລກ,
ໃຫ້ການຮ່ວມມືກັບວົງຄະນາຍາດສາກົນຕໍ່ກັບບັນຫາເຊິ່ງງພົວພັນກັບຊົນເຜົ່າພື້ນເມືອງໂລກໂດຍສະເພາະແລ້ວເພື່ອປະກອບສ່ວນເຂົ້າໃນທົດສະວັດ
ວ່າດ້ວຍຊົນເຜົ່າພື້ນເມືອງຂອງອົງການສະຫະປະຊາຊາດ.
