ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ກົງສູນໃຫຍ່ຫວຽດນາມ ປະຈຳແຂວງສະຫວັນນະເຂດ ແລະ ຫລວງພະບາງ ຂອງລາວ ເຂົ້າຍື່ນຈົດໝາຍແຕ່ງຕັ້ງ
ເມື່ອວັນທີ 21 ກໍລະກົດ 2009 ຜ່ານມາ, ຢູ່ທີ່ກະຊວງການຕ່າງປະເທດ, ທ່ານ ພົງສະຫວັດ ບຸບຜາ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງທ່ານ ຫງວຽນ ຕຽນ ຫງອກ ເພື່ອຍື່ນຈົດໝາຍແຕ່ງຕັ້ງເປັນທ່ານກົງສຸນໃຫຍ່ແຫ່ງ ສສ ຫວຽດນາມ ປະຈຳແຂວງສະຫວັນນະເຂດ. ນອກນີ້, ໃນວັນທີ 23 ກໍລະກົດ, ທ່ານ ດັງ ວັນ ລ້ຽວ ກໍ່ໄດ້ເຂົ້າຍື່ນຈົດໝາຍແຕ່ງຕັ້ງເປັນທ່ານກົງສຸນໃຫຍ່ແຫ່ງ ສສ ຫວຽດນາມ ປະຈຳແຂວງຫລວງພະບາງ ເຊັ່ນດຽວກັນ.
ໂອກາດດັ່ງກ່າວ, ທ່ານ ພົງສະຫວັດ ບຸບຜາ ໄດ້ສະແດງຄວາມຍິນດີຕ້ອນຮັບທ່ານກົງສຸນໃຫຍ່ທັງສອງ, ພ້ອມທັງອວຍພອນໃຫ້ທ່ານທັງສອງ ຈົ່ງປະສົບຜົນສຳເລັດ ໃນການປະຕິບັດໜ້າທີ່ອັນມີກຽດ ແລະ ສຳຄັນນີ້, ເພື່ອສືບຕໍ່ປະກອບສ່ວນເຂົ້າໃນການເສີມສ້າງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສປປ ລາວ ແລະ ສສ ຫວຽດນາມ ໃຫ້ຂະຫຍາຍຕົວຍິ່ງໆຂຶ້ນ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
