ຜູ້ນຳເຮົາສົ່ງສານອວຍພອນວັນຊາດ ຮົງກາລີ

ພະນະທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ ໄດ້ຕາງຫນ້າໃຫ້ປະຊາຊົນລາວສະແດງ ຄວາມຊົມເຊີຍອັນອົບອຸ່ນ ແລະ ອວຍພອນໄຊອັນປະເສີດເຖິງ ພະນະທ່ານ ລາສະໂລ ໂຊລີໂອມ, ປະທານາທິບໍດີ ແຫ່ງ ສ. ຮົງກາລີ ແລະ ຜ່ານພະນະທ່ານ ໄປຍັງປະຊາຊົນຮົງກາລີທຸກຖ້ວນຫນ້າ, ເນື່ອງໃນໂອກາດວັນຊາດປະ ເທດດັ່ງກ່າວ ພ້ອມທັງສະແດງຄວາມຫວັງວ່າມູນເຊື້ອແຫ່ງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ສ. ຮົງກາລີ ຈະໄດ້ຮັບການສືບຕໍ່ເສີມຂະຫຍາຍເພື່ອຜົນປະໂຫຍດຂອງປະຊາຊົນສອງຊາດ ແລະ ເພື່ອ ສັນຕິພາບໂລກ.
ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີ ແລະ ພະນະທ່ານ ດຣ. ທອງລຸນ ສີສຸລິດ, ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດກໍ່ໄດ້ສະແດງຄວາມຊົມເຊີຍເຖິງຄູ່ຮ່ວມຕຳແຫນ່ງທີ່ ສ. ຮົງກາລີ ຕາມລຳດັບເຊັ່ນດຽວກັນ.