ຜູ້ນຳລາວ ສົ່ງສານອວຍພອນວັນຊາດ ນອກແວ
ພະນະທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ ໄດ້ສົ່ງສານອວຍພອນວັນຊາດນອກແວ ເຖິງສົມເດັດ ຮາຣານທິນີ V, ເຈົ້າຊີວິດແຫ່ງ ນອກແວ ທີ່ໂອສໂລ ເຊິ່ງມິເນື້ອໃນວ່າ:
ເນື່ອງໃນໂອກາດວັນຊາດແຫ່ງຣາຊະອານາຈັກນອກແວ, ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າມີຄວາມປິຕິຍິນດີເປັນ ຢ່າງຍິ່ງຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະອົງ ແລະ ຜ່ານພະອົງໄປຍັງປະຊາຊົນນອກແວ ຈົ່ງມີພາລານາໄມ ສົມບູນ, ມີຄວາມຜາສຸກ ແລະ ມີຄວາມວັດທະນາຖາວອນ.
ຂ້າພະເຈົ້າເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືທີ່ດີເຊິ່ງມີມາຢ່າງຍາວນານລະຫວ່າງສອງປະເທດຂອງພວກເຮົາ ຈະໄດ້ ຮັບການສືບຕໍ່ຮັດແໜ້ນ ແລະ ຂະຫຍາຍຕົວຍິ່ງຂຶ້ນເພື່ອຜົນປະໂຫຍດ ຂອງປະຊາຊົນສອງຊາດພວກເຮົາ ແລະ ເພື່ອການຮ່ວມມືສາກົນ.
ໃນໂອກາດດຽວກັນນີ້, ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີ ແລະ ພະນະທ່ານ ດຣ.ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດແຫ່ງ ສປປ ລາວ ກໍ່ໄດ້ສົ່ງສານອວຍພອນເຖິງ ພະນະທ່ານ ເຈນສໂທນເທັນເບີກ, ນາຍົກລັດຖະມົນຕີ ແລະ ພະນະທ່ານ ໂຈນັສ ກາຣຊະຕຣໍ, ລັດຖະມົນຕີວ່າການກະຊວງການຕ່າງປະເທດແຫ່ງ ຣາຊະອານາຈັກນອກແວ ຕາມລຳດັບເຊັ່ນກັນ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
