ເສີມຂະຫຍາຍການພົວພັນຮ່ວມມື ລາວ-ກູເວດ
ໃນວັນທີ
22
ສິງຫາ
2008,
ຢູ່ທີ່ສຳນັກງານນາຍົກລັດຖະມົນຕີ,
ທ່ານ ບົວສອນ ບຸບຜາວັນ,
ນາຍົກລັດຖະມົນຕີ ແຫ່ງ ສາທາລະນະລັດ
ປະຊາທິປະໄຕ ປະຊາຊົນລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ
ອິສມາຢູ,
ທີ່ປຶກສາ
ນາຍົກລັດຖະມົນຕີແຫ່ງປະເທດກູເວດ ໃນໂອກາດເດີນທາງມາຢ້ຽມຢາມ
ສປປ ລາວ ໃນລະຫວ່າງວັນທີ
21-24
ສິງຫາ
2008
ເພື່ອພົບປະປຶກສາຫາລືກ່ຽວກັບການເສີມຂະຫຍາຍການຮ່ວມມືລະຫວ່າງສອງຝ່າຍ
ລາວ - ກູເວດ
ແລະ ເພື່ອຮຽນເຊີນ ທ່ານນາຍົກລັດຖະມົນຕີ, ບົວສອນ ບຸບຜາວັນ ໄປຢ້ຽມຢາມສັນຖະວະໄມຕີປະເທດກູເວດຢ່າງເປັນທາງການ.
ໂດຍໃນໂອກາດດັ່ງກ່າວ,
ທ່ານນາຍົກລັດຖະມົນຕີ ບົວສອນ ບຸບຜາວັນ
ໄດ້ຕີລາຄາສູງຕໍ່ການຢ້ຽມຢາມ ແລະ ເຮັດວຽກຢູ່
ສປປ ລາວ ຂອງຄະນະຜູ້ແທນຂັ້ນສູງກູເວດ
ຊຶ່ງມີຄວາມໝາຍສຳຄັນຫລາຍຕໍ່ການເສີມຂະຫຍາຍການພົວພັນຮ່ວມມືລະຫວ່າງ
ສອງປະເທດ
ລາວ-ກູເວດ ໃຫ້ກ້າວສູ່ລະດັບໃໝ່,
ຂະນະດຽວກັນກໍ່ເປັນການຜັນຂະຫຍາຍຜົນສຳເລັດການຢ້ຽມຢາມ
ສປປ ລາວ
ຢ່າງເປັນທາງການຂອງ ສົມເດັດນາຍົກລັດຖະມົນຕີແຫ່ງກູເວດໃນລະຫວ່າງຕົ້ນເດືອນສິງຫານີ້
ຊຶ່ງທັງສອງຝ່າຍໄດ້ປຶກສາຫາລື ແລະ ຕົກລົງຮ່ວມມືພັດທະນາໃນຂົງເຂດເສດຖະກິດເຊັ່ນ:
ການລົງທຶນ,
ການແລກປ່ຽນການຄ້າຂາຍນຳກັນ ແລະ ທັງສອງຝ່າຍໄດ້ມີການຮ່ວມລົງນາມໃນສັນຍາຫລາຍສະບັບທີ່ເຫັນວ່າເປັນການຮັດແໜ້ນສາຍພົວພັນມິດຕະພາບອັນດີງາມດ້ວຍກັນ.
ພ້ອມນີ້, ທ່ານນາຍົກລັດຖະມົນຕີ ບົວສອນ ບຸບຜາວັນ
ກໍ່ໄດ້ສະແດງຄວາມຍິນດີຕອບຮັບຕາມຄຳເຊີນຂອງສົມເດັດນາຍົກ
ລັດຖະມົນຕີແຫ່ງກູເວດ ຈະເດີນທາງໄປຢ້ຽມຢາມສັນຖະວະໄມ
ຕີກູເວດຢ່າງເປັນທາງການໃນໄລຍະເວລາອັນເໝາະສົມ ໂດຍຈະແຈ້ງຜ່ານສາຍການທູດກູເວດເຖິງລາຍ
ລະອຽດດັ່ງກ່າວ.
ທ່ານທີ່ປຶກສານາຍົກລັດຖະມົນຕີກູເວດ
ໄດ້ສະແດງຄວາມຂອບໃຈຕໍ່ ທ່ານນາຍົກລັດຖະມົນຕີ,ບົວສອນ ບຸບຜາວັນ
ທີ່ໄດ້ສະລະເວລາໃຫ້ກຽດຕ້ອນຮັບຄະນະຜູ້ແທນດັ່ງກ່າວໃນຄັ້ງນີ້.
