|
|
|
|
ຍົກລະດັບຄວາມຮູ້ການເຊື່ອມໂຍງເຂົ້າກັບອາຊຽນຂອງ ສປປ ລາວ
ຊຸດສຳມະນາກ່ຽວກັບການເຊື່ອມໂຍງເຂົ້າກັບອາຊຽນຂອງ ສປປ ລາວ, ກາລະໂອກາດ ແລະ ສິ່ງທ້າທາຍຕໍ່ພະນັກງານ ລັດຖະກອນຂອງ ລາວ ໄດ້ຈັດຂຶ້ນໃນທ້າຍອາທິດຜ່ານມາຢູ່ແຂວງ ຄຳມ່ວນ ໂດຍການເປັນປະທານຂອງ ທ່ານ ອາລຸນແກ້ວ ກິດຕິຄຸນ, ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດ, ຫົວໜ້າເຈົ້າທີ່ອາວຸໂສ ອາຊຽນ ຂອງ ລາວ ແລະ ໃຫ້ກຽດເຂົ້າ ຮ່ວມຂອງ ທ່ານ ໂອໄດ ສຸດາພອນ, ຮອງເຈົ້າແຂວງຄຳມ່ວນ, ນອກຈາກນັ້ນກໍ່ຍັງມີພະນັກງານຈາກຫ້ອງວ່າການແຂວງຄຳມ່ວນ ແລະ ບັນດາແຂວງພາກກາງ ແລະ ພາກໃຕ້ເຂົ້າຮ່ວມ ຫຼາຍກວ່າ 50 ທ່ານ.
ຊຸດສຳມະນາຄັ້ງນີ້ຈັດຂຶ້ນເພື່ອເຜີຍແຜ່ຜົນສຳເລັດຂອງກອງປະຊຸມສຸດຍອດ ອາຊຽນ ຄັ້ງທີ່ 14, ໂດຍສະເພາະແມ່ນຫຼັງຈາກ ກົດບັດອາຊຽນ ມີຜົນບັງຄັບໃຊ້ ໃນວັນທີ 15/12/2008, ຄວາມຄືບໜ້າໃນ ການສ້າງຕັ້ງຄະນະກຳມະການຜູ້ຕາງໜ້າຖາວອນ ອາຊຽນ ແລະ ບັນຫາອື່ນໆ ທີ່ກ່ຽວຂ້ອງກັບກອງເລຂາແຫ່ງຊາດ ອາຊຽນ ລາວ. ພ້ອມກັນນັ້ນ, ທ່ານ ອາລຸນແກ້ວ ກິດຕິຄຸນ ຍັງ ໄດ້ຍົກໃຫ້ເຫັນ ສະພາບການທີ່ເກີດຂຶ້ນພາຍໃນ ອາຊຽນ ຕະຫຼອດເຖິງຄວາມສຳຄັນ, ຜົນປະໂຫຍດ, ສິດ ແລະ ພັນທະທີ່ບັນດາປະ ເທດສະມາຊິກ ອາຊຽນ ຈະໄດ້ຮັບໃນປະຈຸບັນ ແລະ ອານາຄົດ ແລະ ໄດ້ຊີ້ໃຫ້ເຫັນກາລະໂອກາດ ແລະ ສິ່ງທ້າທາຍທີ່ມີຕໍ່ບັນດາ ປະເທດສະມາຊິກ ອາຊຽນ ໃນການເລັ່ງລັດສ້າງປະຊາຄົມ ອາຊຽນ ຈາກປີ 2020 ລົງມາເປັນປີ 2015.
ການຮ່ວມມືດ້ານສຶກສາ, ວັດທະນະທຳ, ການທະຫານ ແລະ ອື່ນໆ ກໍ່ໄດ້ຮັບການເສີມຂະຫຍາຍຂຶ້ນເປັນລຳດັບ. ພ້ອມກັນນີ້, ທັງສອງຝ່າຍຍັງໄດ້ປຶກສາກັນ ເພື່ອຮ່ວມກັນຊອກຫາຊ່ອງທາງແກ້ໄຂບັນຫາທາງການຄ້ານຳກັນ ແລະ ເຫັນວ່າບັນຫາຄ້າງຄາເຫລົ່າ ນີ້, ກໍ່ໄດ້ຮັບການແກ້ໄຂທາງດ້ານຫລັກການແລ້ວ ຊຶ່ງເປັນທີ່ເພິ່ງພໍໃຈໃຫ້ແກ່ທັງສອງຝ່າຍ. ໃນໄລຍະເຂົ້າຮ່ວມກອງປະຊຸມດັ່ງກ່າວ ທ່ານຮອງນາຍົກລັດຖະມົນຕີ ດຣ. ທອງລຸນ ສີສຸລິດ ຍັງໄດ້ພົບປະກັບທ່ານ ອາເລັກຊັນເດີ ກູດຣິນ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທ່ານ ເຊຣເກລາວະລົບ, ລັດຖະມົນຕີຊ່ວຍວ່າການກະຊວງການຕ່າງປະເທດ ລັດເຊຍ, ຊຶ່ງໃນນັ້ນທັງ ສອງຝ່າຍໄດ້ຕີລາຄາສູງໝາກຜົນຂອງການຮ່ວມມື ແລະ ການສະໜັບສະໜູນ ເຊິ່ງກັນ ແລະ ກັນ ຕະຫລອດມາໃນເວທີພາກພື້ນ ແລະ ສາກົນ. ຫວ່າງບໍ່ດົນມານີ້, ສປປ ລາວ ກໍ່ໄດ້ສະໜັບສະໜູນ ລັດເຊຍ ທີ່ສະໝັກເຂົ້າເປັນສະມາຊິກອາເຊັມ. ນອກຈາກນີ້, ສປປ ລາວ ຍັງໄດ້ຕີລາຄາສູງການປະກອບສ່ວນຫ້າວຫັນຂອງ ລັດເຊຍ ໃນການສົ່ງເສີມການຮ່ວມມືກັບອາຊຽນ.
ພ້ອມດຽວກັນນີ້, ທ່ານລັດຖະມົນຕີກະຊວງການເງິນ ແລະ ກະຊວງການຕ່າງປະເທດລັດເຊຍ, ກໍ່ຢືນຢັນທີ່ຈະຊຸກຍູ້ໃຫ້ນັກລົງ ທຶນລັດເຊຍ ເຂົ້າມາລົງທຶນຢູ່ ສປປ ລາວຫລາຍຂຶ້ນຕຶ່ມ.
ກອງປະຊຸມຄະນະກຳມະທິການຮ່ວມມືລາວ - ລັດເຊຍ ຄັ້ງນີ້ ໄດ້ດຳເນີນໄປດ້ວຍຜົນສຳເລັດອັນຈົບ ງາມ, ເຊິ່ງໃນນັ້ນປະທານ ຮ່ວມທັງສອງຝ່າຍໄດ້ຮ່ວມກັນລົງນາມໃນບົດບັນທຶກກອງປະຊຸມ, ແລະຜູ້ຕາງໜ້າແຕ່ລະຝ່າຍຍັງຮ່ວມກັນລົງນາມໃນສັນຍາ ເພື່ອພັດ ທະນາໂຄງການໄຟຟ້ານ້ຳຕົກ 1 ແຫ່ງຢູ່ພາກໃຕ້ຂອງລາວ. ພິເສດ, ທ່ານຮອງນາຍົກລັດຖະມົນຕີ, ຍັງໄດ້ຖືເອົາໂອກາດນີ້ ພົບປະ ກັບສະມາຄົມມິດຕະພາບລັດເຊຍ-ລາວ ອີກດ້ວຍ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
