ກອງປະຊຸມແຈ້ງສະພາບຜົນກະທົບໄພນໍ້າຖ້ວມ
ວັນທີ 25 ສິງຫາ 2008 ນີ້,
ທີ່ຫ້ອງປະຊຸມສູນຮ່ວມມືລາວ-ຍີ່ປຸ່ນໄດ້ຈັດກອງປະຊຸມແຈ້ງສະພາບຜົນກະທົບຈາກໄພນໍ້າ
ຖ້ວມ, ພາຍໃຕ້ການເປັນປະທານຂອງທ່ານ ດຣ. ທອງລຸນ ສີສຸລິດ,
ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ເຊິ່ງມີບັນດາລັດຖະມົນຕີເຂົ້າຮ່ວມ.
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອແຈ້ງສະ
ພາບຜົນກະທົບຂອງໄພນໍ້າຖ້ວມໃຫ້ບັນດາທູຕານຸທູດ ແລະ
ອົງການຈັດຕັ້ງສາກົນປະຈຳ ສປປ ລາວ ຮັບຊາບເຖິງຜົນ ເສຍຫາຍ ແລະ
ຄວາມຕ້ອງການອັນຮີບດ່ວນເພື່ອແກ້ໄຂບັນຫາ ແລະ
ຄວາມຫຍຸ້ງຍາກທີ່ກຳລັງປະເຊີນຢູ່ໃນ ປະຈຸບັນ.
ມາເຖິງປະຈຸບັນນີ້, ໃນທົ່ວປະເທດເກີດມີໄພນໍ້າຖ້ວມທັງໝົດຢູ່
8 ແຂວງຄື: ແຂວງຫົວພັນ, ບໍ່ແກ້ວ, ໄຊຍະບູລີ, ຫລວງພະບາງ, ແຂວງວຽງຈັນ,
ນະຄອນຫລວງວຽງຈັນ, ບໍລິຄຳໄຊ ແລະ ແຂວງຄຳມ່ວນ; ໃນນີ້ມີ 53 ເມືອງ
ແລະ 679 ບ້ານ; ມີຜູ້ເສຍຊີວິດເຖິງ 5 ຄົນ ແລະ
ຜູ້ປະສົບໄພພິບັດເຖິງ 178.329 ຄົນ; ເນື້ອທີ່ກະສິກຳ 381.116
ເຮັກຕາ ຖືກທຳລາຍ
ພ້ອມນັ້ນອັນທີ່ປາສະຈາກບໍ່ໄດ້ກໍ່ຄືຫົນທາງກໍ່ຖືກຜົນກະທົບເສຍຫາຍຫລາຍພໍສົມຄວນ.
ປະຈຸບັນນີ້, ລັດຖະບານ ສປປ ລາວ ແມ່ນມີຄວາມຕ້ອງການການສະໜັບສະໜູນ
ແລະ ຊ່ວຍເຫລືອຈາກບັນດາ ປະເທດເພື່ອນມິດ,
ອົງການຈັດຕັ້ງສາກົນປະຈຳລາວ
ຊ່ວຍເຫລືອບັນເທົາທຸກແກ່ປະຊາຊົນທີ່ຖືກເຄາະຮ້າຍເຊິ່ງເຄື່ອງ
ຊ່ວຍເຫລືອທີ່ຈຳເປັນແມ່ນສະບຽງອາຫານ ໂດຍສະເພາະແມ່ນເຂົ້າກິນ
ແລະ ນໍ້າດື່ມ, ເຄື່ອງໃຊ້ໃນຄົວເຮືອນ, ຢາປົວ ພະຍາດ ແລະ
ອຸປະກອນການແພດທີ່ຈຳເປັນ.
