ໂທລະເລກສະແດງຄວາມເສົ້າສະຫລົດໃຈ
ພະນະທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ ໄດ້ສະແດງຄວາມເສົ້າສະຫລົດໃຈຜ່ານທາງໂທລະເລກເຖິງ ພະນະທ່ານ ລີ ມຽງບັກ, ປະທານາທິບໍດີແຫ່ງ ສ.ເກົາຫລີ ເຊິ່ງມີເນື້ອໃນສຳຄັນວ່າ: ຂ້າພະເຈົ້າຮູ້ສຶກເສົ້າສະຫລົດໃຈທີ່ໄດ້ຮັບຊາບຂ່າວ ການມໍລະນະກຳຂອງ ພະນະທ່ານ ໂຣມູຮຸນ, ອະດີດປະທານາທິບໍດີແຫ່ງ ສ.ເກົາຫລີ ເມື່ອວັນທີ 23 ພຶດສະພາ 2009 ທີ່ຜ່ານມາ.
ໃນນາມລັດຖະບານແຫ່ງ ສປປ ລາວ ແລະ ໃນນາມສ່ວນຕົວ, ຂ້າພະເຈົ້າັຂໍແບ່ງເບົາຄວາມທຸກໂສກ ແລະ ສະແດງຄວາມເຫັນອົກ ເຫັນໃຈ ມາຍັງລັດຖະບານ ແລະ ປະຊາຊົນ ສ.ເກົາຫລີ ເພື່ອນມິດ ກໍ່ຄືມາຍັງສະມາຊິກຄອບຄົວຂອງ ພະນະທ່ານ ໂຣມູຮຸນ ຕໍ່ການສູນ ເສຍໃນຄັ້ງນີ້ດ້ວຍ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
