ນາຍົກລັດຖະມົນຕີແຫ່ງ ສປປ ລາວ ສົ່ງສານສະແດງຄວາມຊົມເຊີຍເຖິງ ນາຍົກລັດຖະມົນຕີແຫ່ງ ສ.ເນປານ ຄົນໃໝ່
ໃນວັນທີ 27 ພຶດສະພາ 2009, ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີແຫ່ງ ສປປ ລາວ ໄດ້ສະແດງຄວາມຊົມເຊີຍເຖິງ ພະນະທ່ານ ມັດຮັບ ກຸມາ, ນາຍົກລັດຖະມົນຕີແຫ່ງ ສ.ເນປານ ທີ່ກັດມັນດູ ເຊິ່ງມີເນື້ອໃນສຳຄັນດັ່ງນີ້: ພະນະທ່ານ ເນື່ອງໃນໂອກາດ ທີ່ພະນະທ່ານໄດ້ຮັບການເລືອກຕັ້ງເປັນ ນາຍົກລັດຖະມົນຕີແຫ່ງ ສ.ເນປານ, ໃນນາມລັດຖະບານ ແລະ ປະຊາຊົນແຫ່ງ ສປປ ລາວ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດມາຍັງພະນະທ່ານ, ຂໍໃຫ້ພະນະທ່ານຈົ່ງມີພະລານາໄມ ສົມບູນ ແລະ ໄດ້ຮັບຜົນສຳເລັດຢ່າງສະຫງ່າງາມໃນການດຳເນີນພາລະກິດອັນສູງສົ່ງຂອງພະນະທ່ານ.
ຂ້າພະເຈົ້າຫວັງວ່າ ຈະໄດ້ຮັບການຮ່ວມມືກັບພະນະທ່ານ ໃນການສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສອງປະເທດເຮົາ ເພື່ອຜົນປະໂຫຍດຂອງປະຊາຊົນສອງຊາດ ລາວ ແລະ ເນປານ ກໍ່ເພື່ອພາລະກິດສັນຕິພາບ, ສະຖຽນລະພາບ ແລະ ການຮ່ວມມືພັດທະນາໃນພາກພື້ນ ແລະ ໃນໂລກ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
