ໜ້າທຳອິດ | ກະຊວງ |ບົດປາໃສ | ນະໂຍບາຍການຕ່າງປະເທດ | ສາຍພົວພັນການທູດ | ກ່ຽວກັບ ສົນທິສັນຍາ | ຂ່າວຕ່າງໆ | ກ່ຽວກັບກົງສູນ
ພະນະທ່ານປະທານປະເທດເຮົາ ສົ່ງສານຊົມເຊີຍ ປະທານາທິບໍດີ ອິນໂດເນເຊຍ
ໃນວັນທີ 25 ກໍລະກົດ 2009, ພະນະທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ ໄດ້ສົ່ງສານຊົມເຊີຍເຖິງພະນະທ່ານ ຊູຊີໂລ ບຳບັງ ຢູໂດໂຢໂນ, ປະທານາທິບໍດີແຫ່ງ ສ.ອິນໂດເນເຊຍ, ທີ່ນະຄອນຫລວງຈາກາຕາ ເຊິ່ງມີເນື້ອໃນວ່າ: ເນື່ອງໃນໂອກາດທີ່ທ່ານ ໄດ້ຮັບເລືອກຕັ້ງ ເປັນ ປະທານາທິບໍດີແຫ່ງ ສ.ອິນໂດເນເຊຍ ອີກເທື່ອໜຶ່ງ, ຂ້າພະເຈົ້າຂໍຖືເປັນກຽດສົ່ງຄວາມຊົມເຊີຍຢ່າງຈິງໃຈ ແລະ ພອນໄຊອັນປະເສີດມາຍັງພະນະທ່ານ ແລະ ຫວັງຢ່າງຍິ່ງວ່າ ຈະໄດ້ຮັບການຮ່ວມມືຈາກພະນະທ່ານ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນດີງາມ ແລະ ການຮ່ວມມື ທີ່ມີມາແຕ່ດົນນານລະຫວ່າງ ສອງປະເທດພວກເຮົາ ທັງໃນຂອບສອງຝ່າຍ ແລະ ໃນຂອບອາຊຽນໃຫ້ເພີ່ມທະວີຍິ່ງໆຂຶ້ນໃນຊຸມປີຕໍ່ໜ້າ, ເພື່ອຜົນປະໂຫຍດ ຂອງປະຊາຊົນສອງຊາດພວກເຮົາ ກໍ່ຄືເພື່ອສັນຕິພາບ ສະຖຽນລະພາບ ແລະ ການຮ່ວມມືພັດທະນາໃນພາກພື້ນ ແລະ ໃນໂລກ.
ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ພະນະທ່ານຈົ່ງມີສຸຂະພາບເຂັ້ມແຂງ, ມີຄວາມຜາສຸກຕະຫລອດໄປແລະປະສົບຜົນສຳເລັດໃນພາລະກິດ ອັນສູງສົ່ງຂອງ ພະນະທ່ານ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
