|
|
|
|
ລັດຖະບານລາວ ແລະ ທະນາຄານໂລກ ໄດ້ຈັດຊຸດສຳມະນາປຶກສາຫາລື ແລກປ່ຽນບົດຮຽນກ່ຽວກັບວິກິດການການເງິນໂລກ
ໃນວັນທີ 27 ມີຖຸນາ 2009, ທີ່ໂຮງແຮມລາວພລາຊາ, ລັດຖະບານລາວ ແລະ ທະນາຄານໂລກ ໄດ້ຈັດຊຸດສຳມະນາປຶກສາ ຫາລື ແລກປ່ຽນບົດຮຽນກ່ຽວກັບວິກິດການການເງິນໂລກຂຶ້ນ, ໂດຍການເປັນປະທານຂອງ ທ່ານ ບົວສອນ ບຸບຜາວັນ, ນາຍົກລັດຖະ ມົນຕີ ແຫ່ງ ສປປ ລາວ, ນອກນັ້ນຍັງມີ ທ່ານ ດຣ. ຈັດສະຕິນ ຍີຟູລິນ, ຮອງປະທານອາວຸໂສ, ຫົວໜ້າຊ່ຽວຊານເສດຖະກິດ ຂອງທະນາຄານໂລກ, ບັນດາລັດຖະມົນຕີວ່າການກະຊວງ, ອົງການທີ່ກ່ຽວຂ້ອງ, ພ້ອມດ້ວຍບັນດາຜູ້ຕາງໜ້າອົງການຈັດຕັ້ງສາກົນ ປະຈຳລາວ ແລະ ພະນັກງານທີ່ກ່ຽວຂ້ອງ ຈາກທະ ນະຄານໂລກ ແລະ ລັດ ຖະບານເຂົ້າຮ່ວມ.
ໃນການສຳມະນາຄັ້ງນີ້, ທ່ານ ດຣ. ຈັດສະຕິນ ຍີຟູລິນ ໄດ້ສະເໜີກ່ຽວກັບວິກິດການເງິນໂລກ ຕໍ່ທ່ານ ນາຍົກລັດຖະມົນຕີ ແລະ ແລກປ່ຽນບົດຮຽນກັບລັດຖະບານ ກ່ຽວກັບເຄື່ອງມືຕ່າງໆ, ຊຶ່ງປະເທດທີ່ມີຄວາມຫຍຸ້ງຍາກທາງດ້ານການເງິນ ສາມາດນຳໃຊ້ເພື່ອຮັບມື ກັບວິກິດການດັ່ງກ່າວ, ໂດຍສະເພາະກ່ຽວກັບຜົນກະທົບຈາກວິກິດການ ການເງິນໂລກ ຕໍ່ການຫຼຸດຜ່ອນຄວາມທຸກຍາກ, ພ້ອມທັງແນະ ນຳວິທີທາງທີ່ດີທີ່ສຸດ ໃນການຮັບມືກັບຜົນກະທົບດັ່ງ ກ່າວ. ນອກນີ້ ທ່ານ ຍັງໄດ້ສະເໜີທາງເລືອກຕ່າງໆ ວ່າດ້ວຍການກູ້ຍືມໃຫ້ແກ່ ປະເທດທີ່ຄ້າຍຄືກັບ ສປປ ລາວ ທີ່ເຄີຍໄດ້ຮັບຜົນກະທົບ ແລະ ເຮັດສຳເລັດມາແລ້ວ, ເພື່ອນຳມາເປັນບົດຮຽນໃນການແລກປ່ຽນ ຄວາມຄິດຄວາມເຫັນ. ພ້ອມນີ້ ທ່ານຍັງໄດ້ສະແດງວິໄສທັດປີ 2020 ກ່ຽວກັບຊັບພະຍາກອນທຳມະຊາດ ແລະ ການເຕີບໂຕທາງເສດ ຖະກິດ, ລວມທັງໄດ້ແລກປ່ຽນຄວາມຄິດຄວາມເຫັນກ່ຽວກັບວິໄສທັດປີ 2020 ຂອງລັດຖະບານລາວ ວ່າດ້ວຍການພັດທະນາ, ຊຶ່ງລັດ ຖະບານລາວໄດ້ວາງເປົ້າໝາຍທີ່ຈະຫລຸດພົ້ນຈາກປະເທດດ້ອຍພັດທະນາ ໂດຍຜ່ານການພັດ ທະນາພາກເອກະຊົນໃຫ້ມີຄວາມຫຼາກ ຫຼາຍ, ສົ່ງເສີມການສົ່ງອອກ ແລະ ສຸມໃສ່ວຽກງານຫຼຸດຜ່ອນຄວາມທຸກຍາກ.
ທີ່ຢູ່: ຖະໜົນ 23 ສິງຫາ, ບ້ານ ໂພນໄຊ , ເມືອງໄຊເສດຖາ, ນະຄອນຫລວງວຽງຈັນ,ສປປ ລາວ , ຕູ້ໄປສະນິ ,ອີເມວ : ict@mofa.gov.la
