ຄະນະນຳກະຊວງ / ຄະນະກົມ / ຊື່ບັນດາກົມຕ່າງໆ /

ກອງປະຊຸມຄະນະລັດຖະສະພາ ທີ່ໃຊ້ພາສາຝຣັ່ງ

ກອງປະຊຸມຄັ້ງທີ III ຂອງສະມັດຊາລັດຖະສະພາໃຊ້ພາສາຝຣັ່ງ ໃນພູມີພາກອາຊີ-ປາຊີຟິກ ໄດ້ຈັດຂຶ້ນໃນຕອນເຊົ້າ ວັນທີ 27 ມີນາ 2008 ນີ້ ຢູ່ທີ່ໂຮງແຮມໂນໂວເທວ, ໂດຍເປັນປະທານຂອງທ່ານນາງ ປານີ ຢາທໍ່ຕູ້, ຮອງປະທານສະພາ
ແຫ່ງຊາດ, ຊຶ່ງມີຕາງຫນ້າຜູ້ຮັບຜິດຊອບພູມີພາກອາຊີ-ປາຊີຟິກ ຂອງສະມັດຊາລັດຖະສະພາທີ່ໃຊ້ພາສາຝຣັ່ງ ຫລື (Asia Pacific Francophonie parliaments “APF”), ຕາງຫນ້າຫ້ອງການເລຂາທິການໃຫຍ່ (APF), ຫົວຫນ້າຄະນະ ແລະ ສະມາຊິກ ລັດຖະສະພາຈາກ ສ.ສ ຫວຽດນາມ, ກຳປູເຈຍ, ລາວ ແລະ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
               ກອງປະຊຸມດັ່ງກ່າວ ຈະໄດ້ດຳເນີນໄປເປັນເວລາ 2 ວັນ ຄືວັນທີ 27-28 ມີນາ 2008 ຊຶ່ງຈະໄດ້ມີການປຶກສາ
ຫາລືກ່ຽວກັບການເຄື່ອນໄຫວວຽກງານຕ່າງໆ ຈາກຜູ້ຮັບຜິດຊອບພູມີພາກອາຊີ-ປາຊີຟິກ ຂອງສະມັດຊາລັດຖະສະພາທີ່ໃຊ້ພາສາ ຝຣັ່ງ  ແລະ ຕາງຫນ້າຫ້ອງການເລຂາທິການ ໃຫຍ່ (APF). ຈາກນັ້ນ, ທີ່ປະຊຸມກໍຈະໄດ້ພ້ອມກັນປຶກສາຫາລື ແລກປ່ຽນ ຄວາມຄິດເຫັນໃນລັກສະນະສ້າງສັນ ລະຫວ່າງບັນດາ ຜູ້ເຂົ້າຮ່ວມ ເພື່ອກຳນົດການພົວພັນຮ່ວມມື ແລະ ວາງແຜນການທິດທາງ ວຽກງານໃນຕໍ່ ຫນ້າ; ພ້ອມທັງບັນຫາສຳຄັນ ອື່ນໆອີກ ຈຳນວນຫນຶ່ງ. ກອງປະຊຸມຄັ້ງນີ້ ຈະຊ່ວຍໃຫ້ມີຄວາມສະດວກໃນການ ປຶກສາຫາລືແລກປ່ຽນຄວາມ ເຫັນ ແລະ ການພົວພັນ ຮ່ວມມືກັບບັນດາປະເທດທີ່ມີປະຫວັດສາດ, ເສດຖະກິດການເມືອງໃກ້ຄຽງ ກັນ ພ້ອມທັງຈະຊ່ວຍໃຫ້ພູມີພາກອາຊີ-ປາຊີຟິກ ໄດ້ສະແດງໃຫ້ເຫັນລັກສະນະສະເພາະ ແລະ ການສ້າງຄຸນຄ່າຈາກອຸດົມຮັ່ງ ມີ ເພື່ອຜົນປະໂຫຍດລວມຂອງ ສະມັດຊາລັດຖະສະພາ ທີ່ໃຊ້ພາສາຝຣັ່ງອີກດ້ວຍ.