ຄະນະນຳກະຊວງ /
ຄະນະກົມ /
ຊື່ບັນດາກົມຕ່າງໆ /
ເຊື່ອມໂຍງເສດຖະກິດ ສປປ ລາວກັບ ອະນຸພາກພື້ນ
*(ຂປລ): ກະຊວງການຕ່າງປະເທດ ໄດ້ສົມທົບກັບແຂວງບໍ່ແກ້ວ
ເຜີຍແຜ່ການເຊື່ອມໂຍງທາງ ດ້ານເສດຖະກິດ ໃນຂອບການຮ່ວມມືດ້ານການຄ້າ,
ການລົງທຶນ ແລະ ການທ່ອງທ່ຽວ ກັບອະນຸພາກພື້ນເພື່ອສ້າງໂອກາດໃຫ້ປະເທດເຮົາໃນຖານະເປັນປະເທດທາງຜ່ານມີທ່າແຮງ
ຫລາຍຂຶ້ນ ໃນການພັດທະນາປະເທດຊາດໃນອະນາຄົດ.
ກອງປະຊຸມໄດ້ສຳເລັດໃນວັນທີ 11 ມີນາ 2008
ພາຍຫລັງດໍາເນີນມາ 2 ວັນ, ໂດຍການເປັນປະທານ ຂອງທ່ານ
ບຸນຄົງ ຫລ້າສຸກັນ, ຮອງເຈົ້າແຂວງບໍ່ແກ້ວ ແລະ ທ່ານ
ຢາເຊັ້ງ, ຫົວໜ້າຫ້ອງການກະຊວງການຕ່າງ ປະເທດ ແລະ
ມີຜູ້ຕາງໜ້າອົງການຈັດຕັ້ງພັກ, ລັດ, ບັນດານັກທຸລະກິດທັງພາກລັດ
ແລະ ເອກະຊົນອ້ອມຂ້າງ ແຂວງບໍ່ແກ້ວ, ຫລວງນ້ຳທາ ແລະ
ແຂວງອຸດົມໄຊ ທີ່ຕັ້ງຢູ່ຈຸດແລວທາງຜ່ານອະນຸພາກພື້ນເຂົ້າຮ່ວມ
50 ກວ່າ ຄົນ. ໃນກອງປະຊຸມຄັ້ງນີ້, ໄດ້ມີການແລກປ່ຽນຄຳຄິດຄຳເຫັນກ່ຽວກັບບັນຫາ
ການເຊື່ອມໂຍງດ້ານ ເສດຖະກິດໃນຂົງເຂດການຮ່ວມມືອະນຸພາກພື້ນ,
ພ້ອມທັງຮັບຟັງການເຜີຍແຜ່ການຍາດ ແຍ່ງຜົນປະໂຫຍດ
ແລະ ທ່າແຮງການເຊື່ອມໂຍງທາງດ້ານເສດຖະກິດຂອງ ສປປ
ລາວ ໃນຂອບການຮ່ວມມືກັບອາຊຽນ ແລະ ຍຸດທະສາດດ້ານເສດຖະກິດ
ຕາມລ່ອງແມ່ນ້ຳ 3 ສາຍຄື: ແມ່ນ້ຳອິຣະວະດີ, ເຈົ້າພະຍາ
ແລະ ແມ່ນ້ຳຂອງ ພ້ອມກັບການຮ່ວມມືອາຊີ-ເອີຣົບ ລວມໄປເຖິງອາຊີຕາເວັນອອກ,
ອາເມລິກາລາຕິນ ເພື່ອການພັດທະນາສາມຫລ່ຽມພັດທະນາ
ໃນ 3 ປະເທດ ລາວ, ກຳປູເຈຍ ແລະ ຫວຽດນາມ. ນອກຈາກນັ້ນ
ກອງປະຊຸມຍັງໄດ້ຍົກໃຫ້ເຫັນຜົນປະໂຫຍດ ຈາກການເຊື່ອມໂຍງທາງດ້ານເສດຖະກິດ
ໃນລະດັບອະນຸ ພາກພື້ນ ແລະ ສາກົນ ກໍຄືສິ່ງທ້າທາຍຕ່າງໆທີ່ພວກເຮົາຈະປະເຊີນໜ້າ
ພ້ອມທັງນຳໃຊ້ກາລະໂອກາດດັ່ງກ່າວ ໃຫ້ເປັນທ່າແຮງທີ່ສຳຄັນ
ເພື່ອພັດທະນາປະເທດຊາດ ໃນອະນາ ຄົດໃຫ້ຂະຫຍາຍຕົວໄວຂຶ້ນ.
