ກະຊວງການຕ່າງປະເທດຈັດກິດຈະກຳສະເຫຼີມສະຫຼອງວັນເດັກສາກົນ (International Children's Day) 01 ມີຖຸນາ ແລະ ວັນສົນທິສັນຍາ ວ່າດ້ວຍສິດທິເດັກ (Universal Children's Day / World Children's Day) ວັນເດັກໂລກ 20 ພະຈິກ ຄົບຮອບ 101 ປີ.
28/05/2026
ໃນວັນທີ 28 ພຶດສະພາ 2026, ທີ່ ໂຮງຮຽນມັດທະຍົມສົມບູນ ບ້ານຜາຕັ້ງ, ເມືອງວັງວຽງ, ແຂວງວຽງຈັນ, ຄະນະກໍາມະການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງການຕ່າງປະເທດ ຮ່ວມກັບ 3 ອົງການຈັດຕັ້ງມະຫາຊົນ (ຄະນະກໍາມະບານ, ແມ່ຍິງ ແລະ ຊາວໜຸ່ມ) ແລະ ພາກສ່ວນກ່ຽວຂ້ອງໄດ້ຮ່ວມກັນ ຈັດກິດຈະກໍາສະເຫຼີມສະຫຼອງ ວັນເດັກສາກົນ (1 ມິຖຸນາ) ແລະ ວັນສົນທິສັນຍາ ວ່າດ້ວຍສິດທິເດັກ (20 ພະຈິກ ) ຄົບຮອບ 101 ປີ ຂຶ້ນເພື່ອສ້າງຄວາມສໍາພັນອັນດີລະຫວ່າງຄູອາຈານ ແລະ ຫຼານນ້ອຍ ໂດຍການເປັນປະທານຂອງ ທ່ານ ວັນດີ ບຸດສະດີ, ຄະນະປະຈຳພັກກະຊວງ, ຫົວໜ້າກົມຈັດຕັ້ງ ກະຊວງການຕ່າງປະເທດ, ເຊິ່ງມີຄະນະກົມ, ຄະນະພະແນກ,ພະນັກງານ-ລັດຖະກອນ, ຄູ, ອາຈານ, ຕາງໜ້າ 3 ອົງການຈັດຕັ້ງມະຫາຊົນຈາກສອງພາກສ່ວນ ແລະ ຫຼານນ້ອຍນັກຮຽນມັດທະຍົມສົມບູນ ບ້ານຜາຕັ້ງ, ເມືອງ ວັງວຽງ, ແຂວງ ວຽງຈັນ, ເຂົ້າຮ່ວມທັງໝົດ ຈໍານວນ 250 ກວ່າທ່ານ, ຍິງ 87 ທ່ານ.
ອ່ານເພີ່ມ
ເອກອັກຄະລັດຖະທູດ ແຫ່ງ ສປປ ລາວ ຍື່ນສານຕາຕັ້ງ ຕໍ່ ປະທານາທິບໍດີ ແຫ່ງ ສາທາລະນະລັດ ສະໂລວາກີ
25/05/2026
ໃນວັນທີ 19 ພຶດສະພາ 2026 ທີ່ຜ່ານມາ, ທີ່ ທຳນຽບປະທານາທິບໍດີ ແຫ່ງ ສາທາລະນະລັດ ສະໂລວາກີ, ທ່ານ ຄຳແພງ ດວງທອງລາ ໄດ້ເຂົ້າຍື່ນສານຕາຕັ້ງຕໍ່ ທ່ານ Peter Pellegrini, ປະທານາທິບໍດີ ແຫ່ງ ສາທາລະນະລັດ ສະໂລວາກີ, ເພື່ອດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສະໂລວາກີ, ໂດຍມີສໍານັກງານຕັ້ງຢູ່ ນະຄອນຫຼວງວຽນ, ປະເທດ ໂອຕຣິດ.
ອ່ານເພີ່ມ
ສປປ ລາວ ນໍາພາຄະນະບໍລິຫານ ສະຖາບັນແມ່ນໍ້າຂອງ ຢ້ຽມຢາມ ສປ ຈີນ ໃນລະຫວ່າງວັນທີ 11-15 ພຶດສະພາ 2026
19/05/2026
ໃນໂອກາດທີ່ ສປປ ລາວ ໄດ້ຮັບກຽດເປັນປະທານໝູນວຽນ ຂອງ ສະພາບໍລິຫານງານສະຖາບັນແມ່ນໍ້າຂອງ (Council of Mekong Institute) ປະຈໍາສົກປີ 2025-2027 ພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ: ການຫັນນະໂຍບາຍໃຫ້ເປັນຮູບປະທໍາ” (Connectivity and Resilience: from Policy to Action) ແລະ ເພື່ອເປັນການສະເຫຼີມສະຫຼອງສາຍພົວພັນການທູດ ສປປ ລາວ ແລະ ສປ ຈີນ ຄົບຮອບ 65 ປີ
ອ່ານເພີ່ມ
ສະຖານທູດລາວ ປະຈໍາ ອາເມລິກາ ຈັດງານສະເຫລີມສະຫຼອງບຸນປີໃໝ່ລາວ ພສ 2569.
15/05/2026
ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ວໍຊິງຕັນ, ດີ.ຊີ. ໄດ້ຈັດງານສະເຫລີມສະຫລອງຕ້ອນຮັບປີໃໝ່ລາວ ປີມະເມຍ ພສ 2569, ຈສ 1388 ຂຶ້ນຢ່າງເບີກບານມ່ວນຊື່ນ ໃນວັນທີ 9 ພຶດສະພາ 2026. ໃນຕອນກາງເວັນ, ມີການແຂ່ງຂັນກິລາກອ໊ຟມິດຕະພາບຄັ້ງທີ 13 ຈັດໂດຍສະມາຄົມກ໊ອຟລາວ ດີຊີ (LGADC) ແລະ ການແຂ່ງຂັນກິລາບານເຕະມິດຕະພາບຈັດໂດຍສະຫະພັນກິລາບານເຕະລາວອາເມລິກາເຫນືອ (NALSF), ຕອນແລງມີງານລາຕີສະໂມສອນສະເຫຼີມສະຫຼອງປີໃໝ່ລາວ ທີ່ຫ້ອງຈັດງານລ້ຽງຮັບຮອງ Arlington-Fairfax Elks Lodge, ລັດເວີຈີເນຍ, ໂດຍໃຫ້ກຽດເຂົ້າຮ່ວມຂອງ ທ່ານ ພູໂຂງ ສີສຸລາດ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສະຫະລັດ ອາເມລິກາ ແລະ ການາດາ, ທ່ານ ທອງຜ່ານ ສະຫວັນເພັດ, ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳ ອົງການສະຫະປະຊາຊາດ, ແຂກຜູ້ມີກຽດ, ກຳມະການສູນກາງແນວລາວສ້າງຊາດ ປະຈໍາ ສະຫະລັດ ອາເມລິກາ, ປະທານສະມາຄົມຮັກບ້ານເກີດພ້ອມຄະນະ, ປະທານສະມາຄົມຕ່າງໆຂອງຄົນເຊື້ອຊາດລາວ, ອົງການ Legacies of War, ຜູ້ຊົງຄຸນວຸດທິ, ພີ່ນ້ອງຄົນເຊື້ອຊາດລາວ ທີ່ເດີນທາງມາຈາກບັນດາລັດໃນ ອາເມລິກາ ແລະ ຈາກການາດາ ລວມທັງກິລາກອ໊ຟ, ນັກກິລາບານເຕະ, ພະນັກງານສະຖານທູດ ສປປ ລາວ ທີ່ ວໍຊິງຕັນ, ດີ.ຊີ. ແລະ ສຳນັກງານຜູ້ຕາງໜ້າຖາວອນແຫ່ງ ສປປ ລາວ ປະຈຳອົງການ ສປຊ, ລວມປະມານ 450 ຄົນ.
ອ່ານເພີ່ມ
ກອງປະຊຸມຄັ້ງທີ XXI ຂອງຄະນະກໍາມະການຊາຍແດນຮ່ວມ ລາວ-ຈີນ
27/04/2026
ກອງປະຊຸມຄັ້ງທີ XXI ຂອງຄະນະກໍາມະການຊາຍແດນຮ່ວມ ລາວ-ຈີນ ໄດ້ຈັດຂຶ້ນໃນວັນທີ 21-24 ເມສາ 2026 ທີ່ ນະຄອນຫຼວງປັກກິ່ງ, ສປ ຈີນ, ຄະນະຜູ້ແທນຊາຍແດນ ຝ່າຍລາວ ນໍາໂດຍ ສະຫາຍ ອານຸສິນ ຂັດຕິຍະລາດ, ຫົວໜ້າຫ້ອງການຄະນະກໍາມະການຊາຍແດນແຫ່ງຊາດ, ກະຊວງການຕ່າງປະເທດ ສປປ ລາວ, ຫົວໜ້າຄະນະກໍາມະການຊາຍແດນລາວ-ຈີນ; ຫົວໜ້າຄະນະຜູ້ແທນຊາຍແດນ ຝ່າຍຈີນ ນໍາໂດຍ ສະຫາຍ ຈ່າງ ອີ່ສື, ທີ່ປຶກສາ ກົມກິດຈະ ການຊາຍແດນ ແລະ ທະເລ, ກະຊວງການຕ່າງປະເທດ ສປ ຈີນ, ຫົວໜ້າຄະນະກໍາມະການຊາຍແດນ ຈີນ-ລາວ. ໂດຍມີຜູ້ຕາງໜ້າພາກສ່ວນທີ່ກ່ຽວຂ້ອງຂອງສູນກາງ ແລະ ຈາກບັນດາແຂວງທີ່ມີຊາຍແດນຕິດຈອດກັນເຂົ້າຮ່ວມ.
ອ່ານເພີ່ມ
ເອກອັກຄະລັດຖະທູດ ແຫ່ງ ສປປ ລາວ ຍື່ນສານຕາຕັ້ງ ຕໍ່ ປະທານາທິບໍດີ ແຫ່ງ ສາທາລະນະລັດ ອິນເດຍ
27/04/2026
ໃນຕອນເຊົ້າວັນທີ 23 ເມສາ 2026 ນີ້, ທ່ານ ນ. ວິທະຍາ ໄຊຍະວົງ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ນ. ດຣໍປາດີ ມູມູ (Mrs. Doupadi Murmu), ປະທານາທິບໍດີແຫ່ງ ສາທາລະນະລັດ ອິນເດຍ ເພື່ອດຳລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ອິນເດຍ, ຊຶ່ງມີສຳນັກງານສະຖານທູດ ຕັ້ງຢູ່ນະຄອນຫຼວງ ນີວແດນລີ, ສ. ອິນເດຍ.
ອ່ານເພີ່ມ
ພິທີສະເຫຼີມສະຫຼອງວັນສ້າງຕັ້ງສາຍພົວພັນການທູດລາວ-ຈີນ ຄົບຮອບ 65 ປີ ແລະ ປີມິດຕະພາບລາວ-ຈີນ ທີ່ ນະຄອນຄຸນມິງ
23/04/2026
ໃນວັນທີ 23 ເມສາ 2026, ສະຖານກົງສຸນໃຫຍ່ ແຫ່ງ ສປປ ລາວ ທີ່ ນະຄອນຄຸນມິງ, ຫ້ອງການພົວພັນຕ່າງປະເທດແຂວງຢຸນນານ ແລະ ສະມາຄົມມິດຕະພາບກັບຕ່າງປະເທດປະຊາຊົນແຂວງຢູນນານ ຮ່ວມກັນເປັນເຈົ້າພາບຈັດກອງປະຊຸມສໍາມະນາ ແລະ ພິທີສະເຫຼີມສະຫຼອງວັນສ້າງຕັ້ງສາຍພົວພັນການທູດລາວ-ຈີນ ຄົບຮອບ 65 ປີ ແລະ ປີມິດຕະພາບລາວ-ຈີນ ຢູ່ນະຄອນຄຸນມິງ, ແຂວງຢຸນນານ, ສປ ຈີນ. ໃຫ້ກຽດເຂົ້າຮ່ວມໂດຍ ທ່ານ ອະນຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ທ່ານ ເຣີ້ນ ຈຸ່ນຮ້າວ, ຮອງປະທານຄະນະປະຈໍາສະພາຜູ້ແທນປະຊາຊົນແຂວງຢຸນນານ, ພ້ອມດ້ວຍບັນດາຜູ້ຕາງໜ້າຈາກຫຼາຍຂະແໜງການກ່ຽວຂ້ອງເຂົ້າຮ່ວມຢ່າງພ້ອມພຽງ.
ອ່ານເພີ່ມ
ສະຖານທູດລາວຈັດງານສະເຫຼີມສະຫຼອງປີໃໝ່ລາວ ພ.ສ 2569
09/04/2026
ວັນທີ 08 ເມສາ 2026, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ ໄດ້ຈັດງານສົ່ງທ້າຍປີເກົ່າ ພ.ສ 2568 ແລະ ຕ້ອນຮັບປີໃໝ່ລາວ ປີມະເມຍ ພ.ສ 2569 ທີ່ນະຄອນຫຼວງ ຮ່າໂນ້ຍ ໂດຍເປັນກຽດເຂົ້າຮ່ວມ ຝ່າຍຫວຽດນາມມີ: ສະຫາຍ ເລ ຮວ່າຍ ຈຸ່ງ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ລັດຖະມົນຕີກະຊວງການຕ່າງປະເທດ; ສະຫາຍ ສຈ. ປອ ດວ່ານ ມິງ ຮວັນ, ກຳມະການກົມການເມືອງສູນກາງພັກ, ຫົວໜ້າສະຖາບັນການເມືອງແຫ່ງຊາດໂຮ່ຈີມິນ; ສະຫາຍ ນາງ ຫວໍ ທິ ແອັງ ຊວັນ, ກຳມະການສູນກາງພັກ, ຮອງປະທານປະເທດ ແລະ ບັນດາສະຫາຍຮອງລັດຖະມົນຕີກະຊວງຕ່າງໆຂອງ ສສ ຫວຽດນາມ.
ອ່ານເພີ່ມ
ກອງປະຊຸມວິຊາການ ຂອງ ຄະນະກໍາມະການຊີ້ນໍາຮ່ວມ (JSC) ໃນຂອບວຽກການຮ່ວມມື ເພື່ອການພັດທະນາແບບຍືນຍົງ ລະຫວ່າງ ລັດຖະບານ ແຫ່ງ ສປປ ລາວ ແລະ ອົງການ ສະຫະປະຊາຊາດ ໄລຍະປີ 2022 - 2026
02/04/2026
ໃນວັນທີ 02 ເມສາ 2026 ທີ່ ນະຄອນຫຼວງວຽງຈັນ, ກະຊວງການຕ່າງປະເທດ ຮ່ວມກັບ ຫ້ອງການຜູ້ປະສານງານອົງການ ສະຫະປະຊາຊາດ (ສປຊ) ປະຈໍາ ສປປ ລາວ ໄດ້ຈັດກອງປະຊຸມວິຊາການ ຂອງ ຄະນະກໍາມະການຊີ້ນໍາຮ່ວມ (JSC) ໃນຂອບວຽກການຮ່ວມມື ເພື່ອການພັດທະນາແບບຍືນຍົງ ລະຫວ່າງ ລັດຖະບານແຫ່ງ ສປປ ລາວ ແລະ ອົງການ ສປຊ ໄລຍະປີ 2022-2026, ໂດຍການເປັນປະທານຮ່ວມ ຂອງ ທ່ານ ນາງ ມຸກດາວັນ ສີສຸລິດ, ຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ ແລະ ທ່ານ Bakhodir Burkhanov, ຜູ້ປະສານງານອົງການ ສປຊ ປະຈຳ ສປປ ລາວ, ເຊິ່ງມີຜູ້ຕາງໜ້າ ຈາກ ບັນດາກະຊວງ, ອົງການທຽບເທົ່າກະຊວງທີ່ກ່ຽວຂ້ອງ ແລະ ບັນດາອົງການເຄືອຂ່າຍ ສປຊເຂົ້າຮ່ວມຫຼາຍກ່ວາ 70 ທ່ານ.
ອ່ານເພີ່ມ
