logo
Lao Delegations attend the 26th ASEAN-Australia Forum
President granted Credentials to the new Lao Ambassadors
Promoting Awareness of UPR among Stakeholders

ລັດຖະບານລາວ ປະດັບຫຼຽນກາມິດຕະພາບ ໃຫ້ແກ່ທູດ ກຳປູເຈຍ ປະຈຳລາວ

ໃນ​ ວັນ​ທີ​ 26 ທັນວາ 2013, ​ທ່ານ ບຸນ​ຍັງ ວໍລະ​ຈິດ, ຮອງ​ປະທານ​ປະ​ເທດ ​ແຫ່ງ ສປປ ລາວ ​ແລະ ​ທ່ານ ນາງ ສູນທອນ ໄຊຍະຈັກ, ລັດຖະມົນຕີ​ຊ່ວຍວ່າການ ກະຊວງການ​ຕ່າງປະ​ເທດ​ ໄດ້​​ໃຫ້​ກຽດຕ້ອນຮັບ​ການ​ເຂົ້າ​ຢ້ຽມ​ອຳ​ລາ​ຂອງ ທ່ານ YI Dan, ​ເອກ​ອັກຄະ​ຣາຊະທູດ​ວິສາມັນ​ຜູ້​ມີ​ອຳນາດ​ເຕັມ ​ແຫ່ງ ຣາຊະ​ອານາຈັກ ກໍາປູ​ເຈຍ ປະຈຳ ສປປ ລາວ.

​ 
  ໃນ​ໂອກາດ​ດັ່ງກ່າວ, ການ​ນຳ​ຝ່າຍ​ລາວ​ລ້ວນ​ແຕ່​ໄດ້​ສະ​ແດງ​ຄວາມ​ຊົມ​ເຊີຍ ​ແລະ ຕີ​ລາຄາ​ສູງ​​ຕໍ່​ການ​ເອົາ​ໃຈ​ໃສ່​ປະກອບສ່ວນ​ຢ່າງ​ຫ້າວຫັນ ຂອງ​ ທ່ານ ​​​ເອກ​ອັກຄະ​ຣາຊະ​ທູດ ​ໃນ​ກາ​ນ​ເພີ່ມ​ທະວີ​ສາຍ​ພົວພັນ​ມິດຕະພາບອັນ​ເປັນ​ມູນ​ເຊື້ອ, ຄວາມ​ສາມັກ​ຄີ ​ແລະ ການ​ຮ່ວມ​ມື​ ລະຫວ່າງ ສອງ​ປະ​ເທດ ກໍ​ຄືປະຊາຊົນ​ສອງ​ຊາດ ລາວ ແລະ ກຳປູ​ເຈຍ, ມີ​ຄວາມຕັ້ງໜ້າເຂົ້າໃນການຊຸກຍູ້ໃຫ້ມີການແລກປ່ຽນການຢ້ຽມຢາມຂອງການນໍາຂັ້ນຕ່າງໆເຊັ່ນ: ​ການເຂົ້າຮ່ວມກອງປະຊຸມສຸດຍອດ ASEM-9 ຢູ່ ສປປ ລາວ ຂອງ ທ່ານ ນາຍົກລັດຖະມົນຕີ ກຳປູເຈຍ, ທ່ານ ນາຍົກລັດຖະມົນຕີແຫ່ງ ສປປ ລາວ ກໍໄດ້ເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ; ໃນໄລຍະຜ່ານມາສອງຝ່າຍ ໄດ້ມີການປະສານສົມທົບກັນຢ່າງໃກ້ຊິດ ແລະແໜ້ນແຟ້ນ ກ່ຽວກັບການຮ່ວມມື​​ໃນຂອບພາກພື້ນແລະ ສາກົນເຊັ່ນ: ASEAN, GMS, SEC, CLMV, CLV ​ແລະ ອື່ນໆຢ່າງມີປະສິດທິຜົນ. ພ້ອມນີ້, ກໍໄດ້ສົມທົບກັບພາກສ່ວນກ່ຽວຂ້ອງຂອງລາວ ໃນການຈັດຕັ້ງຜັນຂະຫຍາຍບັນດາຂໍ້ຕົກລົງຂອງການນໍາຂັ້ນສູງ ນັບທັງບັນຫາສອງຝ່າຍ ແລະ ຫຼາຍຝ່າຍ ທີ່ກ່ຽວຂ້ອງ. ​ໂດຍສະເພາະການຜັນຂະຫຍາຍຂອບການຮ່ວມມືສອງຝ່າຍ ລາວ-ກຳປູເຈຍ ແລະ ຂອບການຮ່ວມມືເຂດສາມຫຼ່ຽມພັດທະນາ.

  ໃນ​ ໂອກາດ​ນີ້, ທ່ານ ​ເອກ​ອັກຄະ​ຣາຊະ​ທູດ ກໍໄດ້ກ່າວ​ສະ​ແດງ​ຄວາມ​ຂອບ​ໃຈ​ຢ່າງ​ສູງຕໍ່​ລັດຖະບານ ກໍ​ຄື ປະຊາຊົນລາວ ທີ່​ໄດ້​ໃຫ້​ການ​ຮ່ວມ​ມື, ສະໜັບສະໜູນ​ຊ່ວຍ​ເຫຼືອ ​ແລະ ອຳນວຍ​ຄວາມ​ສະດວກຕະຫຼອດ​ໄລຍະການ​ປະຕິບັດ​ໜ້າ​ທີ່​ວຽກ​ງານ​ການ​ທູດ​ ຢູ່ ສປປ ລາວ ຈົນປະສົບ​ຜົນສຳ​ເລັດ​ເປັນ​ຢ່າງ​ດີ.

  ໃນວັນດຽວກັນ, ຢູ່ກະຊວງການຕ່າງປະເທດ,ທ່ານ ນາງ ສູນທອນ ໄຊຍະຈັກ, ລັດຖະມົນຕີຊ່ວຍວ່າການກະຊວງການຕ່າງປະເທດໄດ້ຕາງໜ້າໃຫ້ລັດຖະບານແຫ່ງ ສປປ ລາວ ປະດັບຫຼຽນກາມິດຕະພາບໃຫ້ແກ່ ທ່ານ ເອກອັກຄະຣາຊະທູດ. ການມອບຫຼຽນກາມິດຕະພາບຄັ້ງນີ້ເປັນການສະແດງເຖິງຄວາມຮູ້ບຸນຄຸນຕໍ່ລັດຖະບານແຫ່ງ ຣາຊະອານາຈັກ ກຳປູເຈຍ ທີ່ໄດ້ໃຫ້ການຮ່ວມມືຊ່ວຍເຫຼືອແກ່ ສປປ ລາວແລະ ການຕີລາຄາສູງຂອງລັດຖະບານສປປ ລາວ ຕໍ່ຜົນງານການປະກອບສ່ວນຂອງ ທ່ານ ເອກອັກຄະຣາຊະທູດເຂົ້າໃນການເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ, ຄວາມສາມັກຄີແລະ ການຮ່ວມມືລະຫວ່າງສອງປະເທດແລະ ປະຊາຊົນສອງຊາດ ລາວແລ ະກຳປູເຈຍ.
 
  ໃນຕອນຄໍ່າຂອງວັນດຽວກັນ, ​ທ່ານ ນາງ ສູນທອນ ໄຊຍະຈັກ, ລັດຖະມົນຕີຊ່ວຍວ່າການກະຊວງການຕ່າງປະເທດ ກໍໄດ້​​ຈັດງານລ້ຽງອຳລາເພື່ອເປັນກຽດແກ່ ທ່ານເອກອັກຄະຣາຊະທູດໃນໂອກາດທີ່ສິ້ນສຸດໜ້າທີ່ທາງການທູດຢູ່ ສປປ ລາວ.

announcement

MOFA Calendar

Last month April 2014 Next month
S M T W T F S
week 14 1 2 3 4 5
week 15 6 7 8 9 10 11 12
week 16 13 14 15 16 17 18 19
week 17 20 21 22 23 24 25 26
week 18 27 28 29 30

Lao PDR Mission Abroad

Links

Embassy Links

We have 42 guests and no members online