ໂດຍຕອບສະໜອງຕາມຄຳເຊື້ອເຊີນຂອງ ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ, ສົມເດັດ ມະຫາ ບໍວໍ ທິບໍດີ ຮຸນ ມາແນດ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 25-26 ມີນາ 2024, ເພື່ອສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ແລະ ການເປັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ລາວ ແລະ ກຳປູເຈຍ.
ໃນຕອນເຊົ້າຂອງວັນທີ 25 ມີນາ 2024, ສົມເດັດ ມະຫາ ບໍວໍ ທິບໍດີ ຮຸນ ມາແນດ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາເຖິງສະໜາມບິນສາກົນວັດໄຕ, ນະຄອນຫຼວງວຽງຈັນ, ເຊິ່ງໄດ້ຖືກຕ້ອນຮັບໂດຍ ທ່ານ ອາລຸນໄຊ ສູນນະລາດ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ທັງເປັນລັດຖະມົນຕີກຽດຕິຍົດ ແລະ ຄະນະ.
ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການຄັ້ງນີ້, ສົມເດັດ ມະຫາ ບໍວໍ ທິບໍດີ ຮຸນ ມາແນດ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ຈະພົບປະສອງຝ່າຍກັບ ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ; ເຂົ້າຢ້ຽມຂໍ່ານັບ ພະນະທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ; ແລະ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານປະທານສະມາຄົມມິດຕະພາບ ລາວ-ກໍາປູເຈຍ. ນອກນັ້ນ, ສົມເດັດ ມະຫາ ບໍວໍ ທິບໍດີ ຮຸນ ມາແນດ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ຍັງມີແຜນຈະໄປຢ້ຽມຢາມດ່ານສາກົນສິນຄ້າ ທ່າບົກທ່ານາແລ້ງ ແລະ ເຂດໂລຊິດສະຕິກ ນະຄອນຫຼວງວຽງຈັນ ອີກດ້ວຍ.
ວາລະສານເອເລັກໂຕຣນິກ "ການຕ່າງປະເທດ" (“Lao Foreign Affairs” E-Magazine)
|
||
(ສະບັບທີ 1 ປະຈຳເດືອນ ຕຸລາ 2022) |
(ສະບັບທີ 2 ປະຈຳເດືອນ ພະຈິກ 2022) |
(ສະບັບທີ 3 ປະຈຳເດືອນ ທັນວາ 2022) |
(ສະບັບທີ 4 ປະຈຳເດືອນ ມັງກອນ 2023) |
(ສະບັບທີ 5 ປະຈຳເດືອນ ກຸມພາ 2023) |
(ສະບັບທີ 6 ປະຈຳເດືອນ ມີນາ 2023) |
(ສະບັບທີ 7 ປະຈຳເດືອນ ເມສາ 2023) |
(ສະບັບທີ 8 ປະຈຳເດືອນ ພຶດສະພາ 2023) |
(ສະບັບທີ 9 ປະຈຳເດືອນ ມິຖຸນາ 2023) |
(ສະບັບທີ 10 ປະຈຳເດືອນ ກໍລະກົດ 2023) |
(ສະບັບທີ 11 ປະຈຳເດືອນ ສິງຫາ 2023) |
(ສະບັບທີ 12 ປະຈຳເດືອນ ກັນຍາ 2023) |
(ສະບັບປະຈຳເດືອນ ມັງກອນ-ກຸມພາ 2024) |
(ສະບັບປະຈຳເດືອນ ມີນາ 2024) Coming soon |
(ສະບັບປະຈຳເດືອນ ເມສາ 2024) Coming soon |
ຂໍ້ມູນອັບເດດ ວັນທີ 15 ມີນາ 2024
ນະຄອນຫຼວງວຽງຈັນ, ວັນທີ 3 ຕຸລາ 2022
ພະນະທ່ານ,
ເນື່ອງໃນໂອກາດ ວັນປະກາດເອກະລາດ ແຫ່ງ ສາທາລະນະລັດ ໄຊປຣັດ ຄົບຮອບ 62 ປີ, ຕາງໜ້າໃຫ້ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ປະຊາຊົນ ໄຊປຣັດ ເພື່ອນມິດ ທຸກຖ້ວນໜ້າ.