ໃນຕອນເຊົ້າຂອງວັນທີ 22 ມີນາ 2024, ກະຊວງການຕ່າງປະເທດ ໂດຍສົມທົບກັບບັນດາກະຊວງ, ຂະແໜງ ການຕ່າງໆທີ່ກ່ຽວຂ້ອງ ໄດ້ຈັດພິທີທາງການ ເພື່ອສະເຫຼີມສະຫຼອງວັນຟຣັງໂກໂຟນີສາກົນ 20 ມີນາ ປະຈຳປີ 2024 ພາຍໃຕ້ຫົວຂໍ້ "ສ້າງ, ປະດິດສ້າງ, ດໍາເນີນງານ ເປັນພາສາຝຣັ່ງ" ຢູ່ຫ້ອງປະຊຸມໃຫ່ຍຂອງຄະນະເສດຖະເສດ ແລະ ບໍລິຫານ-ທຸລະກິດ, ມະຫາວິທະຍາໄລແຫ່ງຊາດ ທີ່ ນະຄອນຫຼວງວຽງຈັນ. ພິທີທາງການດັ່ງກ່າວ...
ໃນວັນທີ 21 ມີນາ 2024, ທີ່ສຳນັກງານ ສະຖານເອກອັກຄະລັດຖະທູດລາວປະຈຳ ສສ ຫວຽດນາມ ທີ່ນະຄອນຫຼວງຮ່າໂນ້ຍ. ສະຫາຍ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ໄດ້ຕ້ອນຮັບສະຫາຍ ຫງວຽນ ມິງ ເຕິມ, ຮອງຫົວໜ້າຄະນະພົວພັນຕ່າງປະເທດ ສູນກາງພັກກອມມູນິດຫວຽດນາມ...
ໃນວັນທີ 01 ມີນາ 2024, ກະຊວງແຜນການ ແລະ ການລົງທຶນ, ກະຊວງການຕ່າງປະເທດແລະ ແຂວງອັດຕະປື ໄດ້ເປັນເຈົ້າພາບຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC CLV DTA) ຄັ້ງທີ 13 ທີ່ແຂວງອັດຕະປື, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ, ລັດຖະມົນຕີກະຊວງແຜນການ...
ນະຄອນຫຼວງວຽງຈັນ, ວັນທີ 26 ມີນາ 2024 ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາຊົນ ບັງກະລາເທດ ຄົບຮອບ 53 ປີ, ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນມາຍັງ ພະນະທ່ານ, ລັດຖະບານ ແລະ...
ໂດຍ ຕອບສະໜອງຕາມຄຳເຊີນຂອງ ທ່ານ ດອນ ປຣະມັດວິໄນ, ລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກໄທ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຄະນະ ໄດ້ເດີນທາງຢ້ຽມຢາມ ຣາຊະອານາຈັກໄທ ຢ່າງເປັນທາງການ ແຕ່ວັນທີ 9-10 ສິງຫາ 2016 ເພື່ອເສີມຂະຫຍາຍສາຍພົວພັນມິດຕະພາບ ຖານບ້ານໃກ້ເຮືອນຄຽງທີ່ດີ ມີມາແຕ່ດົນນານ ແລະ ການຮ່ວມມືອັນດີ ລະຫວ່າງສອງປະເທດ ລາວ ແລະ ໄທ ໃຫ້ແໜ້ນແຟ້ນ ແລະ ກວ້າງຂວາງຍິ່ງໆຂຶ້ນ.
ໃນວັນທີ 9 ສິງຫາ 2016, ທີ່ ກະຊວງການຕ່າງປະເທດ ຣາຊະອານາຈັກໄທ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ໄດ້ຖືກຕ້ອນຮັບຢ່າງເປັນທາງການຈາກ ທ່ານ ດອນ ປຣະມັດວິໄນ, ລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກໄທ ແລະ ຫຼັງຈາກນັ້ນກໍ່ໄດ້ມີການພົບປະສອງຝ່າຍຢ່າງເປັນທາງການຂຶ້ນ. ໃນການພົບປະ, ສອງຝ່າຍຕີລາຄາສູງ ຕໍ່ມູນເຊື້ອສາຍພົວພັນມິດຕະພາບ ແລະ ການຮ່ວມມືທີ່ມີມາແຕ່ຍາວນານ ຖານບ້ານໃກ້ເຮືອນຄຽງທີ່ດີ ລະຫວ່າງສອງປະເທດ ສອງລັດຖະບານ ກໍຄື ສອງກະຊວງການຕ່າງປະເທດ ທີ່ມີການຂະຫຍາຍຕົວຢ່າງເລິກເຊິ່ງໜັກແໜ້ນ ແລະ ຮອບດ້ານ ເຫັນໄດ້ຈາກການໄປມາຫາສູ່ມີການແລກປ່ຽນການຢ້ຽມຢາມຂອງຄະນະຜູ້ແທນ ຂັ້ນຕ່າງໆ; ສອງຝ່າຍຕົກລົງເຫັນດີຮ່ວມມືກັນສະກັດກັ້ນການເຄື່ອນໄຫວຂອງພວກ ຄົນບໍ່ດີ ທີ່ລັກລອບຂົນສົ່ງສິນຄ້າ-ຄ້າຂາຍຢາເສບຕິດ, ການຄ້າໄມ້ເຖື່ອນ, ການຄ້າມະນຸດ ແລະ ການກໍ່ຄວາມບໍ່ສະຫງົບຢູ່ຕາມບໍລິເວນຊາຍແດນ; ສືບຕໍ່ພະຍາຍາມຮ່ວມກັນປັກຫຼັກໝາຍຊາຍແດນທາງບົກທີ່ຍັງຄົງຄ້າງ ຈຳນວນ 14 ຈຸດ ໃຫ້ສຳເລັດໃນປີ 2016 ແລະ ການປັກຫຼັກໝາຍຊາຍແດນທາງນ້ຳ ໃຫ້ສຳເລັດໃນປີ 2018; ສອງຝ່າຍເຫັນດີ ເພີ່ມທະວີການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ອໍານວຍຄວາມສະດວກໃຫ້ແກ່ການຂົ່ນສົ່ງສິນຄ້າຜ່ານຊາຍແດນ ໃຫ້ວ່ອງໄວຂຶ້ນກວ່າເກົ່າ, ອໍານວຍຄວາມສະດວກໃນການນຳເຂົ້າ-ສົ່ງອອກສິນຄ້າ ຂອງ ສປປ ລາວ ເພື່ອສົ່ງຕໍ່ໄປປະເທດທີ່ສາມ ແລະ ໃນປີ 2015 ມູນຄ່າການຄ້າລະຫວ່າງສອງປະເທດ ເພີ່ມຂຶ້ນຈາກ 2,105 ລ້ານໂດລາ ໃນປີ 2014 ເປັນ 5,633 ລ້ານໂດລາ; ສອງຝ່າຍເຫັນດີສືບຕໍ່ເພີ່ມທະວີການຮ່ວມມື ດ້ານພະລັງງານໄຟຟ້າ, ດ້ານແຮງງານ, ດ້ານການສຶກສາ, ພື້ນຖານໂຄງລ່າງ, ການຮ່ວມມືລະຫວ່າງ ແຂວງ ແລະ ຈັງຫວັດ ຊາຍແດນ ລາວ-ໄທ ແລະ ການດູດແຮ່ ແລະ ຊາຍ ຕາມລຳແມ່ນ້ຳຂອງ ແລະ ແມ່ນ້ຳເຫຼືອງ. ນອກນັ້ນສອງຝ່າຍ ຍັງເຫັນດີຈະສືບຕໍ່ໃຫ້ການຮ່ວມມືກັນ ໃນຂອບການຮ່ວມມື CLMVT, ຂອບການຮ່ວມມື ACMECS, ກອບການຮ່ວມມື ອາຊຽນ, ໃນພາກພື້ນ ແລະ ສາກົນ. ໃນຕອນທ້າຍການພົບປະ ທ່ານ ສະເຫຼີມໄຊ ກົມມະສິດ ໄດ້ສະແດງຄວາມຂອບໃຈ ຕໍ່ລັດຖະບານໄທ ທີ່ໃຫ້ການຮ່ວມມື ແລະ ຊ່ວຍເຫຼືອເປັນຢ່າງດີ ແກ່ການເປັນເຈົ້າພາບ ຈັດກອງປະຊຸມ AMM ຄັ້ງທີ 49 ແລະ ກອງປະຊຸມປິ່ນອ້ອມອື່ນໆ ທີ່ ນະຄອນຫຼວງວຽງຈັນ ແລະ ຫວັງວ່າຈະໄດ້ຮັບການຊ່ວຍເຫຼືອ ແລະ ຮ່ວມມືຕື່ມອີກ ໃນໂອກາດທີ່ ສປປ ລາວ ຈະເປັນເຈົ້າພາບຈັດກອງປະຊຸມສຸດຍອດອາຊຽນ ໃນເດືອນກັນຍາ 2016 ນີ້.