ໃນວັນທີ 22 ເມສາ 2024, ທີ່ ກະຊວງການຕ່າງປະເທດ, ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ໂຣບິນ ມູດີ (Robyn MUDIE), ຜູ້ຊ່ວຍລັດຖະມົນຕີກະຊວງການຕ່າງປະເທດ, ຮັບຜິດຊອບວຽກງານຂົງເຂດອາຊີຕາເວັນອອກສ່ຽງໃຕ້ ແຫ່ງ ອົດສະຕຣາລີ, ໃນໂອກາດເດີນທາງມາເຂົ້າຮ່ວມພິທີສະເຫຼີມສະຫຼອງການເປີດນໍາໃຊ້ຂົວມິດຕະພາບ ລາວ-ໄທ ແຫ່ງທີ 1 ຄົບຮອບ 30 ປີ...
ວັນທີ 6 ເມສາ 2024, ສະຖານເອກອັກຄະລັດຖະທູດລາວ ປະຈຳ ສສ ຫວຽດນາມ ໄດ້ຮ່ວມກັນຈັດງານບຸນເພື່ອຕ້ອນຮັບ ແລະ ສະເຫຼີມສະຫຼອງປີໃໝ່ລາວ ປີມະໂລງ ພສ 2567 ຂຶ້ນຢູ່ທີ່ນະຄອນຫຼວງຮ່າໂນ້ຍ ໂດຍການເປັນປະທານຂອງທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ. ຝ່າຍຫວຽດນາມໃຫ້ກຽດເຂົ້າຮ່ວມມີ ທ່ານ ນາງ...
ໃນວັນທີ 01 ມີນາ 2024, ກະຊວງແຜນການ ແລະ ການລົງທຶນ, ກະຊວງການຕ່າງປະເທດແລະ ແຂວງອັດຕະປື ໄດ້ເປັນເຈົ້າພາບຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC CLV DTA) ຄັ້ງທີ 13 ທີ່ແຂວງອັດຕະປື, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ, ລັດຖະມົນຕີກະຊວງແຜນການ...
ນະຄອນຫຼວງວຽງຈັນ, ວັນທີ 26 ມີນາ 2024 ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາຊົນ ບັງກະລາເທດ ຄົບຮອບ 53 ປີ, ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນມາຍັງ ພະນະທ່ານ, ລັດຖະບານ ແລະ...
ພະນະທ່ານ ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ,
ພະນະທ່ານ ນາຍົກລັດຖະມົນຕີ,
ໃນໂອກາດທີ່ພະນະທ່ານ ໄດ້ຖືກແຕ່ງຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ແລະ ຂໍສົ່ງຄຳອວຍພອນໄຊອັນປະເສີດມາຍັງ ພະນະທ່ານຈົ່ງປະສົບຜົນສຳເລັດໃນໜ້າທີ່ໃໝ່ດ້ວຍ.
ສາຍພົວພັນທາງດ້ານປະຫວັດສາດ ແລະ ລະຫວ່າງປະຊາຊົນສອງຊາດພວກເຮົາ ຊຶ່ງເຮັດໃຫ້ຝຣັ່ງ ເປັນປະເທດຄູ່ຮ່ວມມືທີ່ເປັນບຸລິມະສິດຂອງ ສປປລາວ. ໃນໄລຍະທີ່ພະນະທ່ານດຳລົງຕຳແໜ່ງເປັນລັດຖະມົນຕີຕ່າງປະເທດ, ພະນະທ່ານ ກໍໄດ້ປະກອບສ່ວນໃນການເສີມຂະຫຍາຍການພົວພັນຮ່ວມມື ລະຫວ່າງ ສອງປະເທດ, ພິເສດແມ່ນການເດີນທາງຢ້ຽມຝຣັ່ງ ໃນເດືອນມິຖຸນາ ປີ 2013.
ພາຍໃຕ້ການການນຳພາຂອງພະນະທ່ານ ຂ້າພະເຈົ້າຫວັງຢ່າງຍິ່ງວ່າສາຍພົວພັນຮ່ວມມື ລະຫວ່າງ ສອງປະເທດຈະສືບຕໍ່ເຕີບໃຫຍ່ຂະຫຍາຍຕົວຍິ່ງໆຂຶ້ນ ໂດຍສະເພາະໃນຂົງເຂດວັດທະນະທຳ, ຍຸຕິທຳ, ການສຶກສາ, ການພັດທະນາແບບຍືນຍົງແລະ ລວມທັງແຜນງານດ້ານເສດຖະກິດ ລະຫວ່າງ ສອງປະເທດພວກເຮົາ.
ອີກເທື່ອໜຶ່ງ, ຂ້າພະເຈົ້າຂໍສະແດງຄວາມຊົມເຊີຍຢ່າງຈິງໃຈມາຍັງ ພະນະທ່ານນາຍົກລັດຖະມົນຕີ,
ດ້ວຍຄວາມເຄົາລົບນັບຖື,
Manuel VALLS
ນາຍົກລັດຖະມົນຕີ ແຫ່ງ ສາທາລະນະລັດ ຝຣັ່ງ
ທີ່ ນະຄອນຫຼວງ ປາຣີ, ວັນທີ 06 ພຶດສະພາ 2016
ພະນະທ່ານ ສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ,
ພະນະທ່ານ ລັດຖະມົນຕີ,
ໃນໂອກາດທີ່ ພະນະທ່ານ ໄດ້ຖືກແຕ່ງຕັ້ງໃຫ້ດຳລົງຕຳແໜ່ງເປັນ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ແລະ ຂໍສົ່ງຄຳອວຍພອນໄຊອັນປະເສີດມາຍັງ ພະນະທ່ານ ຈົ່ງປະສົບຜົນສຳເລັດໃນໜ້າທີ່ໃໝ່ດ້ວຍ.
ສປປ ລາວ ແລະ ສ. ຝຣັ່ງ ມີສາຍພົວພັນກັນມາແຕ່ດົນນານ ແລະ ມີຄວາມຜູກພັນກັບ ອົງການຝຣັ່ງໂກໂຟນີ ເຊັ່ນດຽວກັນ. ໃນຊຸມປີຜ່ານມາ ມີຫຼາຍເຫດການທີ່ສຳຄັນ ຊຶ່ງສະແດງໃຫ້ເຫັນເຖິງການພົວພັນ ລະຫວ່າງ ສອງປະເທດ ພວກເຮົາເຊັ່ນ: ການເດີນທາງຢ້ຽມຢາມ ສປປ ລາວ ຂອງ ພະນະທ່ານ François Hollande, ປະທານາທິບໍດີ ແຫ່ງ ສາທາລະນະລັດ ຝຣັ່ງ, ໃນເດືອນ ພະຈິກ ປີ 2012, ທີ່ ນະຄອນຫຼວງວຽງຈັນ ແລະ ການເດີນທາງຢ້ຽມຢາມ ສາທາລະນະລັດ ຝຣັ່ງ ຂອງ ພະນະທ່ານ ຈູມມະລີ ໄຊຍະສອນ, ປະທານປະເທດ ແຫ່ງ ສປປ ລາວ ໃນເດືອນ ຕຸລາ 2013, ທີ່ ນະຄອນຫຼວງ ປາຣີ.
ໃນວັນທີ 31 ທັນວາ 2015, ສປປ ລາວ ໄດ້ເຂົ້າເປັນປະຊາຄົມເສດຖະກິດອາຊຽນ, ເສດຖະກິດຂອງລາວ ໄດ້ມີການຂະຫຍາຍຕົວຢ່າງແຂງແຮງ. ຂ້າພະເຈົ້າ ຫວັງວ່າຈະໄດ້ມີໂອກາດຮ່ວມເຮັດວຽກກັບ ພະນະທ່ານ ເພື່ອສືບຕໍ່ເສີມຂະຫຍາຍການຮ່ວມມື ລະຫວ່າງ ຝຣັ່ງ ແລະ ສປປ ລາວ. ພ້ອມກັນນັ້ນ, ພາຍຫຼັງໄດ້ມີການຮ່ວມລົງນາມໃນສັນຍາປາຣີ ວ່າດ້ວຍ ການປ່ຽນແປງສະພາບດິນຟ້າອາກາດ, ຂ້າພະເຈົ້າ ຂໍຢືນຢັນກັບ ພະນະທ່ານ ຕື່ມອີກວ່າ ປະເທດຝຣັ່ງ ພ້ອມທີ່ຈະໃຫ້ການຊ່ວຍເຫຼືອປະເທດຂອງທ່ານ ບົນເສັ້ນທາງການຂະຫຍາຍຕົວແບບມີສ່ວນຮ່ວມ ແລະ ຍືນຍົງ.
ອີກເທື່ອໜຶ່ງ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງ ພະນະທ່ານ ລັດຖະມົນຕີ,
ດ້ວຍຄວາມເຄົາລົບນັບຖື,
Jean-Marc AYRAULT
ລັດຖະມົນຕີກະຊວງການຕ່າງປະເທດ ແລະ ການພັດທະນາສາກົນ ແຫ່ງ ສາທາລະນະລັດ ຝຣັ່ງ
ທີ່ ນະຄອນຫຼວງ ປາຣີ, ວັນທີ 02 ພຶດສະພາ 2016