ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກະຊວງການຕ່າງປະເທດ ຈັດງານລ້ຽງສະເຫຼີມສະຫຼອງປີໃໝ່ລາວ ພສ 2560

 

LNY1LNY2

LNY3

 

ໃນ​ວັນ​ທີ 12 ເມສາ 2017, ກະຊວງການຕ່າງປະເທດ ໄດ້​ຈັດ​ພິທີສະ​ເຫຼີມສະຫຼອງບຸນ​​ປີ​ໃຫມ່​ລາວ ເພື່ອ​ສົ່ງ​ທ້າຍ​ປີ​ເກົ່າ ພ.ສ 2559 ແລະ ຕ້ອນຮັບ​ປີ​ໃໝ່ ພ.ສ 2560 ຮ່ວມກັບ ບັນດາທູຕານຸທູດ, ຜູ້ຕາງໜ້າອົງການ​ຈັດຕັ້ງສາກົນ ປະຈຳ ສປປ ລາວ, ຢູ່ ສະຖານທີ່ທ່ອງທ່ຽວຕາດຊອນ, ເມືອງຫາດຊາຍຟອງ, ນະຄອນຫລວງວຽງຈັນ, ໂດຍ​ການເປັນກຽດເຂົ້າຮ່ວມຂອງ ທ່ານ ສະເຫຼີມໄຊ ກົມມະສິດ, ກໍາມະການສູນກາງພັກ, ເລຂາຄະນະພັກກະ ຊວງ, ລັດຖະມົນຕີກະຊວງການຕ່າງປະເທດ ພ້ອມດ້ວຍພັນລະຍາ, ມີ​ບັນດາ​ສະຫາຍ​ໃນຄະນະ​ພັກ, ຄະນະ​ນຳກະຊວງ ພ້ອມດ້ວຍຄູ່ສົມລົດ, ພະນັກງານ​ອາວຸ​ໂສ​ບຳນານ, ບັນດາຄະນະຫ້ອງການ, ຄະນະ​ກົມ ພ້ອມດ້ວຍຄູ່ສົມລົດ, ຄະນະ​ພະ​ແນກ, ພະນັກງານວິຊາການຈາກ​ກະຊວງ​ການ​ຕ່າງປະ​ເທດ, ແລະ ມີບັນດາທູຕານຸທູດ, ກົງສຸນກິດຕິມະສັກ, ຜູ້ຕາງໜ້າອົງການ​ຈັດຕັ້ງສາກົນ ປະຈຳ ສປປ ລາວ ພ້ອມດ້ວຍຄູ່ສົມລົດ ແລະ ແຂກທີ່ຖືກເຊີນ ເຂົ້າ​ຮ່ວມ.

ໃນໂອກາດສະຫຼອງບຸນປະເພນີອັນດີງາມຂອງຊາດລາວເຮົານີ້, ທ່ານ ສະເຫຼີມໄຊ ກົມມະສິດ ຕາງໜ້າໃຫ້ຄະນະພັກ, ຄະນະນຳກະຊວງການຕ່າງປະເທດ ຂຶ້ນກ່າວຕ້ອນຮັບ ແລະ ອວຍພອນປີໃໝ່ລາວ ຕໍ່ບັນດາແຂກທີ່ມາຮ່ວມງານສະເຫຼີມສະຫຼອງປີໃໝ່ລາວໃນຄັ້ງນີ້ ແລະ ໄດ້ຖືໂອກາດອັນສຳຄັນນີ້ ທົບທວນຄືນຕໍ່ຜົນສຳເລັດ ແລະ ເຫດການສຳຄັນ ໃນປີ 2016 ທີ່ ສປປ ລາວ ຍາດມາໄດ້ ເຊັ່ນ: ການເລືອກຕັ້ງສະພາແຫ່ງຊາດ ແລະ ການແຕ່ງຕັ້ງຄະນະລັດຖະບານ ຊຸດທີ 8 ດ້ວຍຜົນສຳເລັດອັນຈົບງາມ; ອັນພົ້ນເດັ່ນກໍຄື ສປປ ລາວ ໄດ້ຮັບກຽດເປັນປະທານອາຊຽນ ຄັ້ງທີ 2, ເປັນເຈົ້າພາບ ແລະ ປະທານກອງປະຊຸມໃນລະດັບຕ່າງໆຫລາຍກວ່າ 80 ກອງປະຊຸມ, ໃນນັ້ນລວມທັງກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ກອງ​ປະຊຸມ​ສຸດຍອດອື່ນໆທີ່​ກ່ຽວຂ້ອງ, ​ເຊິ່ງ​ໄດ້ດຳເນີນໄປດ້ວຍຜົນ​ສໍາ​ເລັດ​ອັນຈົບງາມ. ນອກນັ້ນ, ຍັງໄດ້ມີກອງປະຊຸມພົບປະສອງຝ່າຍ ແລະ ການຢ້ຽມຢາມທາງການ ຂອງປະເທດເພື່ອນມິດທີ່ສຳຄັນຈຳນວນໜຶ່ງ. ທ່ານລັດຖະມົນຕີ ຍັງໄດ້ສະ​ແດງ​ຄວາມ​ຮູ້​ບຸນຄຸນ​ ແລະ ຂອບໃຈ ຕໍ່​ມິດຕະພາບ​ອັນ​ແໜ້ນ​ແຟ້ນ, ການ​ສະໜັບສະໜູນອັນລໍ້າຄ່າ ​ແລະ ການ​ຮ່ວມ​ມືຢ່າງຕໍ່ເນື່ອງ ​ທີ່ມີຕໍ່ ສປປ ລາວ ຂອງບັນດາປະເທດເພື່ອມິດ ສໍາລັບການ​ເປັນ​ປະທານ​ອາຊຽນໃນປີຜ່ານມາ, ເຊິ່ງໄດ້ປະກອບສ່ວນຢ່າງໃຫຍ່ຫລວງ ຕໍ່​ຜົນ​ສໍາ​ເລັດ​ຂອງ​ການ​ເປັນ​ປະທານ​ອາຊຽນ ຂອງ ສປປ ລາວ. ປີນີ້, ສປປ ລາວ ກໍພ້ອມ​​ທີ່​ຈະ​ໃຫ້ການ​ສະໜັບສະໜູນຢ່າງ​ເຕັມ​ປ່ຽມ ​ແລະ ​ເຮັດ​ວຽກຢ່າງ​ໃກ້ຊິດ​ຮ່ວມກັບ ຟິລິບ​ປິນ ໃນ​ຖານະ​​ເປັນ​ປະທານ​ອາຊຽນ​ ປີ 2017 ແລະ ບັນດາ​ປະ​ເທດສະມາຊິກ​ອາຊຽນອື່ນໆ ​ເພື່ອຜົນ​ສໍາ​ເລັດ​ອັນ​ໃໝ່ທີ່​ຍິ່ງ​ໃຫຍ່​ກວ່າ​ເກົ່າ​ຂອງ​ອາຊຽນ ລວມທັງ​ການສະ​ເຫຼີມສະຫຼອງອັນມີຄວາມຫມາຍຂອງອາຊຽນໃນໂອກາດຄົບຮອບ 50 ປີ ແຫ່ງການສ້າງຕັ້ງອາຊຽນ ແລະ ຄົບຮອບ 20 ປີ ທີ່ ສປປ ລາວ ​ເຂົ້າ​ເປັນສະມາຊິກ​ອາຊຽນ. ທ່ານລັດຖະມົນຕີຍັງຫວັງຢ່າງຍິ່ງວ່າ ຈະໄດ້ຮັບການສະໜັບສະໜູນ ​ແລະ ຮ່ວມ​ມື​ຈາກບັນດາປະເທດເພື່ອນມິດ ເພື່ອບັນລຸຜົນສໍາເລັດອັນໃຫມ່ ໃນການຈັດ​ຕັ້ງ​ປະຕິບັດ​ນະ​ໂຍບາຍ​ການ​ຕ່າງປະ​ເທດ ​ແລະ ການ​ທູດ​ ຂອງ ສປປ ລາວ, ພ້ອມທັງເປັນການສົ່ງເສີມສາຍພົວພັນມິດຕະພາບ ແລະ​ ການຮ່ວມ​ມື​ເພື່ອສັນຕິພາບ, ການພັດທະນາ ແລະ ຄວາມວັດທະນາຖາວອນ ​ແລະ ປະກອບສ່ວນສໍາຄັນເຂົ້າ​ໃນ​ການ​ພັດທະນາ​​ເສດຖະກິດ​-ສັງຄົ​ມ ຂອງ ສປປ ລາວ ໃຫ້ມີຜົນສຳເລັດທີ່ຍິ່ງໃຫ່ຍກວ່າເກົ່າ.

ໃນຕອນທ້າຍ ທ່ານລັດຖະມົນຕີ ກໍໄດ້ອວຍພອນໄຊອັນປະເສີດ ໃນໂອກາດສະເຫຼີມສະຫຼອງປີໃໝ່ລາວ ໃນຄັ້ງນີ້ ໃຫ້ແກ່ ຄະນະພັກ, ຄະນະນຳກະຊວງ ພ້ອມດ້ວຍຄູ່ສົມລົດ, ພະນັກງານອາວຸໂສບຳນານ, ບັນດາ​ຄະນະ​ກົມ ພ້ອມດ້ວຍຄູ່ສົມລົດ, ຄະນະພະ​ແນ​ກ, ພະນັກງານວິຊາການຈາກກະຊວງການຕ່າງປະເທດ, ບັນດາ​ທູຕານຸ​ທູດ, ກົງສຸນກິດຕິມະສັກ ກໍຄື ​ຜູ້ຕາງ​ໜ້າອົງການ​ຈັດຕັ້ງສາກົນ ປະຈຳ ສປປ ລາວ ພ້ອມດ້ວຍຄູ່ສົມລົດ ລວມທັງ​ບັນດາ​ແຂກທີ່ຖືກເຊີນ ຈົ່ງມີ​ສຸຂະພາບ​ເຂັ້ມ​ແຂງ, ພະລະນາໄມສົມບູນ, ມີຜົນສໍາເລັດໃນໜ້າທີ່ວຽກງານ ແລະ ຄວາມສຸກໃນຊີວິດຂອງຕົນ ແລະ ຄອບຄົວ ທຸກປະການຕະຫຼອດປີ ພ.ສ 2560 ນີ້.

ຈາກ​ນັ້ນ, ກໍໄດ້ມີພິທີບາສີສູ່ຂວັນ ອວຍພອນປີໃໝ່ເຊິ່ງກັນ ແລະ ກັນ, ຮ່ວມ​ຮັບ​ປະທານ​ອາຫານ​ທ່ຽງ, ຊົມ​ການສະ​ແດງ​ສິນລະປະ​ ແລະ ປະກອບສ່ວນມ່ວນຊື່ນນຳກັນ ຢ່າງຄຶກຄື້ນ, ມີມິດຕະພາບອັນດີ ແລະ ມີຄວາມໝາຍສຳຄັນ ເຊິ່ງເຮັດໃຫ້ພິທີສະຫລອງປີໃຫມ່ ພ.ສ 2560 ຄັ້ງນີ້ ມີບັນຍາກາດຟົດຟື້ນມ່ວນ​ຊື່ນ​ ເຕັມໄປ​ດ້ວຍໄມຕີຈິດມິດຕະພາບ ລະຫວ່າງ ພະນັກງານກະຊວງການຕ່າງປະເທດ, ບັນດາທູຕານຸທູດ ​ແລະ ຜູ້ຕາງໜ້າອົງການ​ຈັດຕັ້ງສາກົນ ປະຈຳ ສປປ ລາວ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
120914
ມື້ນີ້4
ມື້ວານ96
ອາທິດນີ້642
ເດືອນນີ້2402
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710