ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ຢ້ຽມຢາມ ສາທາລະນະລັດ ຟິລິບປິນ ຢ່າງເປັນທາງການ

 

Svp1 Svp2

 

ໂດຍຕອບສະໜອງຕາມຄຳເຊີນຂອງ ທ່ານ ອາລັນ ປີເຕີ ຊະແຣມ ກາເຢຕາໂນ (Alan Peter Schramm Cayetano), ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຟີລິບປິນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພ້ອມດ້ວຍຄະນະ ໄດ້ເດີນທາງຢ້ຽມຢາມ ສ. ຟີລິບປິນ ຢ່າງເປັນທາງການ ໃນລະຫວ່າງວັນທີ 13-14 ກໍລະກົດ 2017, ຊຶ່ງເປັນການຢ້ຽມຢາມຄັ້ງທຳອິດ ໃນຖານະລັດຖະມົນຕີກະຊວງການຕ່າງປະເທດ, ເພື່ອເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ທີ່ມີມາແຕ່ດົນນານ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.

ໃນໂອກາດຢ້ຽມຢາມ ສ. ຟີລິບປິນ ໃນຄັ້ງນີ້, ທ່ານ ລັດຖະມົນຕີ ສະເຫຼີມໄຊ ກົມມະສິດ ໄດ້ພົບປະສອງຝ່າຍກັບ ທ່ານ ອາລັນ ປີເຕີ ຊະແຣມ ກາເຢຕາໂນ, ລັດຖະມົນຕີກະຊວງການຕ່າງປະເທດ ແຫ່ງ ສ. ຟີລິບປິນ, ພ້ອມນັ້ນ ສອງລັດຖະມົນຕີກະຊວງການຕ່າງປະເທດ ກໍໄດ້ເປັນປະທານຮ່ວມ ໃນກອງປະຊຸມຄະນະກຳມາທິການ ວ່າດ້ວຍການຮ່ວມມືສອງຝ່າຍ (JC) ລາວ-ຟີລິບປິນ ຄັ້ງປະຖົມມະລຶກ, ທີ່ ນະຄອນຫຼວງມານີລາ. ກອງປະຊຸມດັ່ງກ່າວ ດຳເນີນໄປດ້ວຍບັນຍາກາດອັນອົບອຸ່ນ ແລະ ເປັນມິດ, ຊຶ່ງສອງຝ່າຍໄດ້ປຶກສາຫາລືກັນຢ່າງກົງໄປກົງມາ ບົນພື້ນຖານມິດຕະພາບ ແລະ ຄວາມເຂົ້າໃຈເຊິ່ງກັນ ແລະ ກັນ, ແລະ ໄດ້ຕີລາຄາສູງຕໍ່ການຈັດກອງປະຊຸມຄັ້ງປະຖົມມະລຶກ ໃນຄັ້ງນີ້ ວ່າຈະເປັນບາດກ້າວອັນໃໝ່ ໃນການຊຸກຍູ້ການພົວພັນຮ່ວມມືສອງຝ່າຍ ທາງດ້ານຕ່າງໆໃຫ້ຂະຫຍາຍຕົວ ແລະ ມີຜົນສຳເລັດຕົວຈິງຍິ່ງໆຂຶ້ນ ໃນອະນາຄົດ, ພ້ອມທັງໄດ້ຕີລາຄາສູງຕໍ່ສາຍພົວພັນ ແລະ ການຮ່ວມມືອັນດີ ທີ່ມີບາດກ້າວຂະຫຍາຍຕົວ ແລະ ແຕກດອກອອກຜົນ, ຊຶ່ງສະແດງອອກໃນການແລກປ່ຽນຄະນະຜູ້ແທນ ໃນລະດັບປະມຸກລັດ, ຫົວໜ້າລັດຖະບານ ແລະ ຂະແໜງການຕ່າງໆນຳກັນ ຢ່າງເປັນປົກກະຕິ. ສອງຝ່າຍ ໄດ້ເຫັນດີຈະສືບຕໍ່ສົ່ງເສີມການຮ່ວມມືທາງດ້ານການເມືອງ, ປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ, ໂຍທາທິການ ແລະ ຂົນສົ່ງ, ສຶກສາ, ວັດທະນະທຳ-ສັງຄົມ, ທ່ອງທ່ຽວ ແລະ ການຮ່ວມມືເພື່ອການພັດທະນາ, ລວມທັງການພົວພັນຮ່ວມມືລະຫວ່າງສອງກະຊວງການຕ່າງປະເທດ ລາວ-ຟີລິບປິນ ໃຫ້ເກີດດອກອອກຜົນໃນອະນາຄົດ. ພ້ອມກັນນັ້ນ, ສອງຝ່າຍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ ຄະນະຜູ້ແທນຈາກ ສະພາອຸດສາຫະກຳ ແລະ ການຄ້າ ຟີລິບປິນ ທີ່ໄດ້ເດີນທາງມາເຮັດວຽກ ຢູ່ ສປປ ລາວ ເພື່ອຊອກຫາຊ່ອງທາງໃນການຮ່ວມມືດ້ານການລົງທຶນ ຢູ່ ສປປ ລາວ ໃນອະນາຄົດ. ນອກຈາກນັ້ນ, ສອງຝ່າຍ ຍັງໄດ້ແລກປ່ຽນຄຳຄິດຄຳເຫັນ ຕໍ່ສະພາບການທີ່ພົ້ນເດ່ັນ ໃນພາກພື້ນ ແລະ ສາກົນ.

ໃນໂອກາດນີ້, ທ່ານ ສະເຫຼີມໄຊ ກົມມະສິດ ໄດ້ສະແດງຄວາມຊົມເຊີຍທີ່ ທ່ານ ອາລັນ ປີເຕີ ຊະແຣມ ກາເຢຕາໂນໄດ້ຮັບການແຕ່ງຕັ້ງ ໃຫ້ດໍາລົງຕໍາແໜ່ງເປັນລັດຖະມົນຕີການຕ່າງປະເທດຄົນໃໝ່ ໃນເດືອນພຶດສະພາ 2017 ຜ່ານມາ, ພ້ອມທັງ ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ໃນຄັ້ງນີ້. ພ້ອມກັນນັ້ນ, ທ່ານ ສະເຫຼີມໄຊ ກົມມະສິດ ຍັງໄດ້ສະແດງຄວາມຂອບໃຈ ລັດຖະບານ ຟີລິບປິນ ທີ່ໄດ້ໃຫ້ການຊ່ວຍເຫຼືອ ສປປ ລາວ ໃນການເປັນເຈົ້າພາບ ຈັດກອງປະຊຸມອາຊຽນ ແລະ ກອງປະຊຸມປິ່ນອ້ອມອື່ນໆ ທີ່ນະຄອນຫຼວງວຽງຈັນ ໃນປີຜ່ານມາເປັນຢ່າງດີ ແລະ ສະແດງຄວາມຊົມເຊີຍ ທີ່ ຟີລິບປິນ ໄດ້ເຮັດສຳເລັດ ການເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 30 ໃນເດືອນພຶດສະພາ ທີ່ຜ່ານມາ ແລະ ສະແດງຄວາມເຊື່ອໝັ້ນວ່າ ຟີລິບປິນ ໃນຖານະປະທານອາຊຽນໃນປີນີ້ ຈະສືບຕໍ່ເຮັດສຳເລັດ ການເປັນເຈົ້າພາບຈັດກອງປະຊຸມ ອາຊຽນ ຄັ້ງທີ 31 ໃນເດືອນພະຈິກນີ້ ຢ່າງຈົບງາມ.

ໃນໂອກາດດຽວກັນ, ທ່ານ ອາລັນ ປີເຕີ ຊະແຣມ ກາເຢຕາໂນກໍໄດ້ສະແດງຄວາມຂອບໃຈຕໍ່ ລັດຖະບານ ສປປ ລາວ ໃນການຕ້ອນຮັບອັນອົບອຸ່ນ ແກ່ການນຳຂັ້ນສູງຂອງ ຟີລິບປິນ ທີ່ໄດ້ເດີນທາງຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນປີ 2016 ຜ່ານມາ, ພ້ອມທັງສະແດງຄວາມຂອບໃຈຕໍ່ການສະໜັບສະໜູນ ການເປັນປະທານອາຊຽນຂອງຟີລິບປິນ ໃນປີ 2017 ນີ້ ແລະ ການສະໝັກຮັບເລືອກຕັ້ງ ເປັນປະທານອົງການ ແລະ ສະມາຊິກ ຄະນະກຳມະການຕ່າງໆ ຂອງຟີລິບປິນ ຢູ່ໃນເຄືອຂ່າຍຂອງອົງການສະຫະປະຊາຊາດ. ໃນຕອນທ້າຍຂອງການພົບປະກັນຄັ້ງນີ້, ທ່ານ ລັດຖະມົນຕີ ສະເຫຼີມໄຊ ກົມມະສິດ ໄດ້ເຊີນ ທ່ານ ລັດຖະມົນຕີກະຊວງການຕ່າງປະເທດ ຟີລິບປິນ ມາຢ້ຽມຢາມ ສປປ ລາວ ໃນໂອກາດທີ່ທ່ານສະດວກ.

ຫລັງຈາກການພົບປະສອງຝ່າຍແລ້ວ, ທ່ານ ສະເຫລີມໄຊ ກົມມະສິດ ແລະ ຄູ່ຕຳແຫນ່ງ ກໍໄດ້ເປັນກຽດເຂົາຮ່ວມເປັນສັກຂີພິຍານໃນພິທີລົງນາມບົດບັນທຶກຄວາມເຂົ້າໃຈ ວ່າດ້ວຍການຮ່ວມມືວິຊາການດ້ານການສຶກສາຊັ້ນສູງ ລະຫວ່າງ ສປປ ລາວ ແລະ ສ. ຟີລິບປິ່ນ, ຊຶ່ງລົງນາມ ຕາງຫນ້າຝ່າຍລາວ ທ່ານ ໂພໄຊ ໄຂຄຳພິທູນ, ເອກອັກຄະລັດຖະທຸດ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ສ. ຟີລິບປິ່ນ ແລະ ທ່ານ ນາງ ປະຕຼິກເຊຽ ບີ ລິກວານັນ (Patricia B. licuanan). ປະທານຄະນະກຳມາທິການ ການສຶກສາຊັ້ນສູງ ແຫ່ງ ສ. ຟີລິບປິ່ນ, ໂດຽການເຂົ້າຮ່ວມຂອງຄະນະຜູ້ແທນທັງສອງຝ່າຍ.

ໃນໄລຍະເຄື່ອນໄຫວຢ້ຽມຢາມ ສ. ຟີລິບປິນ, ທ່ານ ລັດຖະມົນຕີ ສະເຫຼີມໄຊ ກົມມະສິດ ແລະ ຄະນະ ຍັງໄດ້ພົບປະກັບ ສະພາການຄ້າ ແລະ ອຸດສາຫະກຳ ຟີລິບປິນ-ລາວ, ພ້ອມທັງໄດ້ຂຶ້ນປາຖະກະຖາ ໃນຫົວຂໍ້: ສປປ ລາວ ແລະ ການເຊື່ອມໂຍງໃນພາກພື້ນ”, ທີ່ ສະຖາບັນການຕ່າງປະເທດ ຟີລິບປິນ.

ບົດຂ່າວອື່ນໆ