ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສອງນາຍົກ ລາວ ແລະ ກຳປູເຈຍ ເຫັນດີແກ້ໄຂບັນຫາຊາຍແດນຮ່ວມກັນດ້ວຍສັນຕິ

 

pmlaocambodia1

 

pmlaocambodia2

 

pmlaocambodia3

 

          ໃນວັນທີ 12 ສິງຫາ 2017, ສົມເດັດ ອັກຄະ ມະຫາ ເສນາ ບໍດີ ເຕໂຈ ຮຸນເຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ ພ້ອມດ້ວຍຄະນະຜູ້ແທນຂັ້ນສູງຂອງກຳປູເຈຍ ໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ, ເພື່ອປຶກສາຫາລືຊອກຊ່ອງທາງແກ້ໄຂບັນຫາຊາຍແດນ ລະຫວ່າງສອງປະເທດ ທີ່ກຳລັງເຄັ່ງຮ້ອນ.

          ໃນໂອກາດນີ້, ສົມເດັດ ຮຸນເຊນ ໄດ້ພົບປະສອງຝ່າຍກັບ ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ທີ່ ຫ້ອງວ່າການສຳນັກງານນາຍົກລັດຖະມົນຕີ, ໂດຍສອງຝ່າຍໄດ້ປຶກສາຫາລື ກ່ຽວກັບ ແນວທາງແກ້ໄຂບັນຫາຊາຍແດນຮ່ວມກັນ ຢູ່ລະຫວ່າງ ແຂວງອັດຕະປື ຂອງລາວ ແລະ ແຂວງຊຽງແຕຣງ ຂອງກຳປູເຈຍ ຢ່າງກົງໄປກົງມາ ຖານມິດຕະພາບ, ບ້ານພີ່ເມືອງນ້ອງ, ການພົວພັນຮ່ວມມືທີ່ດີ ແລະ ມີມູນເຊື້ອອັນດີງາມນຳກັນ. ພາຍຫຼັງສຳເລັດການພົບປະ, ສອງນາຍົກລັດຖະມົນຕີ ລາວ ແລະ ກຳປູເຈຍ ໄດ້ຖະແຫຼງຂ່າວຮ່ວມຕໍ່ສື່ມວນຊົນ ກ່ຽວກັບ ຜົນຂອງການປຶກສາຫາລືຮ່ວມກັນ ໃນຄັ້ງນີ້, ຊຶ່ງສອງຝ່າຍ ໄດ້ຕົກລົງເຫັນດີຈະແກ້ໄຂບັນຫາຊາຍແດນຮ່ວມກັນດ້ວຍຄວາມເອົາໃຈໃສ່ ແລະ ຢ່າງສັນຕິ ເພື່ອບໍ່ໃຫ້ເກີດການປະທະກັນທາງດ້ານກຳລັງ, ພ້ອມທັງເປັນການຮັກສາສັນຕິພາບ, ສະຖຽນລະພາບ, ສ້າງຄວາມໄວ້ເນື້ອເຊື່ອໃຈ ແລະ ເພື່ອຜົນປະໂຫຍດລວມຂອງສອງປະເທດ ກໍ່ຄືປະຊາຊົນສອງຊາດ ລາວ-ກຳປູເຈຍ ທີ່ຢູ່ລຽບຕາມຊາຍແດນ. ໃນນັ້ນ, ຝ່າຍລາວເຫັນດີຈະຖອນກຳລັງທະຫານ ທີ່ບໍ່ທັນຖອນໝົດ ພາຍຫຼັງທີ່ສົມເດັດ ຮຸນເຊນ ໄດ້ສັ່ງໃຫ້ຢຸດ ໃນການສ້າງເສັ້ນທາງເຂົ້າໄປເຂດນັ້ນ ໃຫ້ຖອນອອກໝົດ ຈາກບໍລິເວນຊາຍແດນທີ່ຍັງຄົງຄ້າງ ໃຫ້ກັບຄືນກົມກອງ ແລະ ທີ່ຕັ້ງເດີມ ບໍ່ໃຫ້ກາຍຕອນເຊົ້າຂອງວັນທີ 13 ສິງຫາ 2017. ສ່ວນຝ່າຍກຳປູເຈຍ ກໍ່ເຫັນດີຈະຖອນກອງກຳລັງທະຫານທີ່ໄປສະສົມໄວ້ໃນເຂດນັ້ນກັບຄືນກົມກອງ ເພື່ອເຮັດໃຫ້ສະຖານະການຄວາມເຄັ່ງຕຶງ ກ້າວເຂົ້າສູ່ຄວາມເປັນປົກກະຕິ ເພື່ອສ້າງຄວາມໝັ້ນໃຈໃຫ້ແກ່ປະຊາຊົນທັງສອງປະເທດ ແລະ ຈະບໍ່ໃຫ້ເກີດເຫດການທີ່ບໍ່ເພິ່ງປາຖະໜາ.

          ພ້ອມນັ້ນ, ສອງຝ່າຍຍັງໄດ້ເຫັນດີເປັນເອກະພາບມອບໃຫ້ກະຊວງການຕ່າງປະເທດ ກໍ່ຄືຄະນະກຳມະການຊາຍແດນຮ່ວມ ລາວ-ກຳປູເຈຍ; ກຳປູເຈຍ-ລາວ ສືບຕໍ່ພົບປະປຶກສາຫາລື ແລະ ເຈລະຈາແກ້ໄຂຈຸດຊາຍແດນທີ່ຍັງຄົງຄ້າງ ແລະ ບໍ່ໄດ້ປັກຫຼັກໝາຍຊາຍແດນຮ່ວມກັນ ໃຫ້ສຳເລັດໂດຍໄວເທົ່າທີ່ຈະໄວໄດ້ ໂດຍອີງໃສ່ຜົນສຳເລັດທີ່ຜ່ານມາ ແລະ ອີງຕາມເອກະສານ ແລະ ຫຼັກການທີ່ກ່ຽວຂ້ອງ ທີ່ສອງຝ່າຍໄດ້ຮັບຮອງເອົາຮ່ວມກັນແລ້ວ, ລວມທັງສົນທິສັນຍາ ແລະ ແຜນທີ່ ຂອງສອງປະເທດ ທີ່ມີໃນປັດຈຸບັນ ເປັນພື້ນຖານໃນການປຶກສາຫາລື ໃນຂັ້ນຕໍ່ໄປ, ທັງນີ້ກໍ່ເພື່ອສ້າງຊາຍແດນໃຫ້ເປັນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະ ການພັດທະນາ, ແລະ ເຮັດໃຫ້ການປັກຫຼັກໝາຍຊາຍແດນ ລະຫວ່າງ ລາວ-ກຳປູເຈຍ ກາຍເປັນມໍລະດົກສືບທອດໄວ້ໃຫ້ລູກຫຼານສອງປະເທດ. ນອກຈາກນັ້ນ, ສອງຝ່າຍໄດ້ຕົກລົງເຫັນດີຈະສືບຕໍ່ສ້າງເງື່ອນໄຂ ໃຫ້ມີການປຶກສາຫາລື ແລະ ແລກປ່ຽນຄຳຄິດຄຳເຫັນນຳກັນຢ່າງເປັນປົກກະຕິ ເພື່ອຮ່ວມກັນແກ້ໄຂບັນຫາລະຫວ່າງສອງປະເທດ.

          ໃນໂອກາດຢ້ຽມຢາມ ສປປ ລາວ ຄັ້ງນີ້, ສົມເດັດ ຮຸນເຊນ ຍັງໄດ້ເຂົ້າຢ້ຽມຂ່ຳນັບ ພະນະທ່ານ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ, ທີ່ ຫ້ອງວ່າການສູນກາງພັກ. ໃນໂອກາດນີ້, ສົມເດັດ ຮຸນເຊນ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ໄດ້ນຳເອົາຄວາມຢື້ຢາມຖາມຂ່າວຈາກ ເຈົ້າຊີວິດ ໂນໂຣດົມ ສີຫາໂມນີ ເຖິງພະນະທ່ານ ປະທານປະເທດ ແຫ່ງ ສປປ ລາວ. ໃນໂອກາດດຽວກັນ, ພະນະທ່ານ ບຸນຍັງ ວໍລະຈິດ ກໍໄດ້ສະແດງຄວາມຊົມເຊີຍ ຕໍ່ຜົນການພົບປະຂອງສອງນາຍົກລັດຖະມົນຕີ ລາວ-ກຳປູເຈຍ ທີ່ໄດ້ແກ້ໄຂບັນຫາຮ່ວມກັນຢ່າງທັນການ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
125990
ມື້ນີ້49
ມື້ວານ94
ອາທິດນີ້398
ເດືອນນີ້1659
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710