ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ໃຫ້ສຳພາດຕໍ່ນັກຂ່າວ ແຂວງຫູນານ

 

Hunan

 

ໃນວັນທີ 7 ກັນຍາ 2017, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ໄດ້ໃຫ້ສຳພາດຕໍ່ນັກຂ່າວ ແຂວງຫູນານ ຂອງ ສປ. ຈີນ, ຊຶ່ງໄດ້ຕັ້ງຄຳຖາມ ກ່ຽວກັບ ການພົວພັນຮ່ວມມືລະຫວ່າງ ສປປ ລາວ ແລະ ແຂວງຫູນານ, ສປ. ຈີນ ໃນປັດຈຸບັນ ແລະ ອະນາຄົດ, ຄວາມສຳຄັນຂອງການສ້າງຕັ້ງສະຖານກົງສຸນໃຫຍ່ ຂອງ ສປປ ລາວ ທີ່ ນະຄອນຊາງຊາ, ແຂວງຫູນານ, ສປ. ຈີນ; ແລະ ການຊຸກຍູ້ສົ່ງເສີມການຮ່ວມມືພາຍໃຕ້ໂຄງການ ໜຶ່ງແລວທາງ ໜຶ່ງເສັ້ນທາງ.

ໃນໂອກາດຕອບການສຳພາດຂອງນັກຂ່າວ ແຂວງຫູນານຄັ້ງນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ກ່າວເຖິງສະພາບລວມຂອງການພົວພັນຮ່ວມມືແບບຍຸດທະສາດຮອບດ້ານ ລະຫວ່າງ ສປປ ລາວ ແລະ ສປ. ຈີນ ທີ່ນັບມື້ນັບຂະຫຍາຍຕົວ ແລະ ກ້າວເຂົ້າສູ່ລວງເລິກ, ໂດຍສະເພາະແມ່ນການພົວພັນຮ່ວມມືລະຫວ່າງ ສປປ ລາວ ແລະ ແຂວງຫູນານ, ຊຶ່ງເປັນແຂວງທີ່ມີທ່າແຮງຫຼາຍດ້ານທາງດ້ານເສດຖະກິດ ແລະ ມີນັກລົງທຶນ, ນັກທຸລະກິດ ຫຼາຍກວ່າແຂວງອື່ນໆຂອງ ສປ. ຈີນ ທີ່ມາລົງທຶນ ແລະ ດຳເນີນທຸລະກິດຢູ່ ສປປ ລາວ. ສະນັ້ນ, ຈຶ່ງເຫັນວ່າມີຄວາມຈຳເປັນໃນການສ້າງຕັ້ງສະຖານກົງສຸນໃຫຍ່ ແຫ່ງ ສປປ ລາວ ປະຈຳ ນະຄອນຊາງຊາ, ແຂວງຫູນານ ຂອງ ສປ. ຈີນ, ເພື່ອແນໃສ່ເພີ່ມທະວີການພົວພັນຮ່ວມມືໃກ້ຊິດກັບ ແຂວງຫູນານ, ທັງເພື່ອອຳນວຍຄວາມສະດວກ ໃຫ້ແກ່ການດຳເນີນທຸລະກິດ ຂອງນັກລົງທຶນ, ນັກທຸລະກິດ ແລະ ສົ່ງເສີມການໄປມາຫາສູ່ ກໍຄືການທ່ອງທ່ຽວຂອງປະຊາຊົນລາວ-ຈີນ ແລະ ແນໃສ່ເພີ່ມການຮ່ວມມືຢ່າງໃກ້ຊິດກັບແຂວງຫູນານ, ຊຸກຍູ້, ຂົນຂວາຍ, ດຶງດູດການລົງທຶນ ຈາກນັກທຸລະກິດຂອງ ແຂວງຫູນານ ແລະ ບັນດາແຂວງພາກກາງ ເຂົ້າມາລົງທຶນ ແລະ ດຳເນີນທຸລະກິດຢູ່ ສປປ ລາວ ໃຫ້ຫຼາຍຂຶ້ນ. ຄາດວ່າການເປີດສະຖານກົງສຸນໃຫຍ່ດັ່ງກ່າວ ຈະຈັດຂຶ້ນໃນທ້າຍປີ 2017 ນີ້. ນອກຈາກນັ້ນ, ສປປ ລາວ ແລະ ແຂວງຫູນານ ກໍມີແຜນການທີ່ຈະເພີ່ມຖ້ຽວບິນລະຫວ່າງ ນະຄອນຫຼວງວຽງຈັນ-ນະຄອນຊາງຊາ ທີ່ມີຢູ່ແລ້ວ 2 ຖ້ຽວຕໍ່ອາທິດນັ້ນຂຶ້ນຕື່ມອີກ.

ນອກຈາກນັ້ນ, ທ່ານລັດຖະມົນຕີ ຍັງຊີ້ໃຫ້ເຫັນຄວາມສຳຄັນຂອງນະໂຍບາຍໜຶ່ງແລວທາງ-ໜຶ່ງເສັ້ນທາງ ຂອງ ສປ. ຈີນ ຕໍ່ ສປປ ລາວ ວ່າ: “ນະໂຍບາຍດັ່ງກ່າວ ເປັນແນວທາງທີ່ສອດຄ່ອງກັບແນວທາງນະໂຍບາຍຂອງ ສປປ ລາວ ທີ່ຈະຫັນເອົາ ສປປ ລາວ ທີ່ບໍ່ມີຊາຍແດນຕິດກັບທະເລ ເປັນປະເທດເຊື່ອມຈອດຂອງພາກພື້ນ ແລະ ສາກົນ”, ຊຶ່ງຈະເປັນການເປີດໂອກາດໃຫ້ ສປປ ລາວ ສາມາດປັບປຸງພື້ນຖານໂຄງລ່າງຂອງຕົນ ໂດຍນຳໃຊ້ເປັນທ່າແຮງ ໃນການດຶງດູດການລົງທຶນຂອງຕ່າງປະເທດຢູ່ ສປປ ລາວ ແລະ ທ່ານໄດ້ຍົກໃຫ້ເຫັນບາງນະໂຍບາຍພິເສດຂອງ ສປປ ລາວ ຕໍ່ນັກລົງທຶນຕ່າງປະເທດ ທີ່ສົນໃຈເຂົ້າມາລົງທຶນໃນລາວ ອີກດ້ວຍ.

ແຂວງຫູນານ ເປັນແຂວງໜຶ່ງທີ່ສຳຄັນຂອງ ສປ. ຈີນ ທີ່ມີການພັດທະນາຢ່າງວ່ອງໄວ, ເສດຖະກິດຂະຫຍາຍຕົວຢ່າງຕໍ່ເນື່ອງ, ໂດຍສະເພາະແມ່ນຂະແຫນງອຸດສາຫະກຳກົນຈັກ, ພ້ອມທັງເປັນບ້ານເກີດເມືອງນອນຂອງ ປະທານ ເໝົາເຈີຕຸງ, ນັກປະຕິວັດຜູ້ຍິ່ງໃຫຍ່ ຜູ້ກໍ່ສ້າງ ສປ. ຈີນ ແລະ ເປັນຜູ້ນຳທີ່ເຄົາລົບຮັກຂອງປະຊາຊົນຈີນທົ່ວປະເທດ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
129347
ມື້ນີ້37
ມື້ວານ94
ອາທິດນີ້478
ເດືອນນີ້2085
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710