ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຖານ​ເອກ​ອັກຄະ​ລັດຖະທູດ ​ແຫ່ງ ສປປ ລາວ ທີ່ ອູ​ລານ​ບາ​ຕໍ ຈັດງານສະ​ເຫລີມ​ສະ​ຫ​ລອງ ວັນ​ບຸນປີ​ໃຫມ່​ຊາວ​ເຜົ່າ​ມົ້ງ ປີ 2017

ulabarntor2

ulabarntor1

ໃນຕອນ​ທ່ຽງ​ຂອງ ວັນທີ 18 ພະຈິກ 2017 ຜ່ານ​ມາ​ນີ້, ສະຖານ​ເອກ​ອັກຄະ​ລັດຖະທູດ ​ແຫ່ງ ສປປ ລາວ ທີ່ ອູ​ລານ​ບາ​ຕໍ, ປະ​ເທດ ມົງ​ໂກ​ລີ ໄດ້ຮ່ວມກັບນັກສຶກສາລາວຊາວເຜົ່າມົ້ງ ທີ່ ກໍາລັງສຶກສາຮໍ່າຮຽນ ຢູ່ ມົງໂກລີ ຈັດງານສະເຫລີມສະຫລອງ ສົ່ງທ້າຍປີເກົ່າ ແລະ ຕ້ອນຮັບປີໃຫມ່ (ບຸນກິນຈຽງ) ຂອງຊາວເຜົ່າມົ້ງ ຢູ່ ສະຖານເອກອັກຄະລັດຖະທູດ.

ໃນງານດັ່ງກ່າວນີ້ ໄດ້ມີພິທີບາສີສູ່ຂວັນຕາມຮີດຄອງປະເພນີ, ທັງ​ນີ້ ກໍ​ເພື່ອ​ເປັນ​ການ​ອະນຸລັກ-ຮັກສາ ວັດທະນະທໍາ ແລະ ຮີດຄອງ​ປະ​ເພນີ ອັນ​ດີງາມ​ຂອງຊົນ​ເຜົ່າມົ້ງ, ໂດຍມີພະນັກງານຂອງສະຖານທູດ ພ້ອມດ້ວຍນັກສຶກສາ ລາວ ທີ່ ກຳລັງສຶກສາ ຢູ່ ມົງໂກລີ ໝົດທຸກຄົນ ໄດ້ເຂົ້າຮ່ວມ. ພາຍຫລັງ​ສຳ​ເລັດ​ການ​ບາສີ​ສູ່​ຂວັນ​ແລ້ວ ກໍ​​ໄດ້​ຈັດ​ພາ​ເຂົ້າ​ສາ ມັກຄີ ​ເພື່ອ​ເປັນ​ການ​ພົບປ​ະສັງສັນ, ສ້າງຄວາມ​ຮັກ​ແພງ, ​ໃກ້ຊິດ ລະຫວ່າງ​ ພະນັກງານ​ຂອງ ສະຖານທູດ ແລະ ນັກ​ສຶກສາ ດ້ວຍ​ກັນ. ກ່ອນ​ການ​ຮ່ວມ​ພາ​ເຂົ້າ​ສາມັກຄີ, ທ່ານ ສີ​ອາ​ລຸນ​ກອນ ​​ແສງ​ອຸທອນ, ​ເອກອັກຄະ​ລັດຖະທູດ ແຫ່ງ ​ສປປ ລາວ ປະຈຳ ມົງ​ໂກ​ລີ ​ກໍໄດ້​ຖື​ເອົາ​ໂອກາດ​ນີ້ ກ່າວອວຍພອນ ໃນໂອກາດວັນສໍາຄັນຂອງ ນັກສຶກສາເຜົ່າມົ້ງລາວ ຈົ່ງມີພະລະນາໄມສົມບູນ, ມີຄວາມສາມັກຄີ​, ຊ່ວຍເຫຼືອເຊີ່ງກັນ ແລະ ກັນ, ເອົາ​ໃຈ​ໃສ່​ຄົ້ນຄວ້າ​ຮ່ຳຮຽນ-ວິຊາ​ຄວາມ​ຮູ້, ຮຽນ​ໃຫ້​ເກັ່ງ-​ເສັງ​ໃຫ້​ໄດ້ ​ເພື່ອ​ນຳ​ໄປ​ປະກອບສ່ວນສ້າງສາ ​ແລະ ພັດທະນາ​ປະ​ເທດ​ຊາດ, ລວມເຖິງ ການ​​ເຄົາລົບ​ລະບຽບ​ການ​ ຂອງ​ປະ​ເທດ ​ເຈົ້າພາບ ກໍ​ຄືລະບຽບ​ຂອງ​ສະ​ຖາ​ບັນບ່ອນ​ຕົນ​ສຶກສາ​ຢູ່. ​ ພາຍຫລັງ ຮັບ​ປະທານ ອາຫານທ່ຽງ​ແລ້ວ ກໍ​​ໄດ້​ມີ​ການ​ມ່ວນ​ຊື່ນ​ຕາມ​ຮີດຄອງ​ປະ​ເພນີ ດ້ວຍບັນຍາກາດເບີກບານມ່ວນຊື່ນ ແລະ ມີຄວາມໝາຍເລິກເຊີ່ງ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130331
ມື້ນີ້89
ມື້ວານ95
ອາທິດນີ້439
ເດືອນນີ້1728
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710