ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ລາວ-ຫວຽດນາມ ພົບປະຫາລືການພົວພັນສອງຝ່າຍ

 

LaoVietTalk1 LaoVietTalk2 LaoVietTalk3

 

ໃນ​ວັນ​ທີ 5-7 ທັນ​ວາ 2017, ທ່ານ ສະ​ເຫຼີມ​ໄຊ ກົມ​ມະ​ສິດ, ລັດຖະມົນຕີກະຊວງ​ການ​ຕ່າງປະ​ເທດ​ລາວ ​ໄດ້​ນຳພາ​ຄະນະ​ຜູ້​ແທນ​ກະຊວງ​ການ​ຕ່າງປະ​ເທດລາວ ​ເດີນທາງ​​ໄປ​ຮ່ວມ​ກອງ​ປະຊຸມ​ປຶກສາ​ຫາລື​ດ້ານ​ການ​ເມືອງ ລະດັບ​ລັດຖະມົນຕີ ຄັ້ງ​ທີ 4 ລະຫວ່າງ ​ກະຊວງ​ການ​ຕ່າງປະ​ເທດ ລາວ-ຫວຽດນາມ, ທີ່​ ນະຄອນຫຼວງ​ຮ່າ​ໂນ້ຍ, ສສ ຫວຽດນາມ, ເຊິ່ງເປັນໜຶ່ງໃນກິດຈະກໍາສະເຫຼີມສະຫຼອງ 2 ວັນປະຫວັດສາດ ໃນປີສາມັກຄີມິດຕະພາບ ລາວ-ຫວຽດນາມ 2017.

ກອງ​ປະຊຸມ​ໄດ້ຈັດຂຶ້ນ​ໃນ​ວັນ​ທີ 6 ທັນ​ວາ 2017, ​ໂດຍ​ການ​ເປັນ​ປະທານ​ຮ່ວມຂອງ ທ່ານ ສະ​ເຫຼີມ​ໄຊ ກົມ​ມະ​ສິດ, ລັດຖະມົນຕີ​ກະຊວງ​ການ​ຕ່າງປະ​ເທດລາວ ​ແລະ ທ່ານ ຟ້າ​ມ ບິ່ງ ມິ​ງ, ຮອງ​ນາ​ຍົກ​ລັດ​ຖະ​ມົນ​ຕີ, ລັດຖະມົນຕີ​ກະຊວງ​ການ​ຕ່າງປະ​ເທດ ຫວຽດນາມ, ​ໂດຍ ມີຄະນະຜູ້ແທນ ຈາກ​ບັນດາ​ກົມ​ກ່ຽວຂ້ອງຂອງ​ສອງ​ກະຊວງ​ການ​ຕ່າງປະ​ເທດ​ເຂົ້າຮ່ວມ.

ໃນ​ກອງ​ປະຊຸມ,​ ສອງ​ລັດຖະມົນຕີ​ ໄດ້​ແລກ​ປ່ຽນທົບທວນຄືນການຮ່ວມມືສອງຝ່າຍ ລະຫວ່າງ ສອງປະເທດ, ໂດຍສະເພາະ ລະຫວ່າງ ສອງກະຊວງການຕ່າງປະເທດ ໃນໄລຍະ 1 ປີ ຜ່ານມາ, ແລະ ໃນນາມເປັນກອງເລຂາຄະນະຊີ້ນຳລະດັບຊາດ ໃນການສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ 2017, ກໍ່ໄດ້ແລກປ່ຽນການສະຫຼຸບຄືນ ບັນດາກິດຈະກຳສະເຫຼີມສະຫຼອງທີ່ສອງຝ່າຍໄດ້ຈັດຮ່ວມກັນຕະຫຼອດປີ 2017, ໂດຍເຫັນວ່າ ໄດ້ມີການແລກປ່ຽນການຢ້ຽມຢາມໃນຫຼາຍລະດັບ ແຕ່ສູນກາງຮອດທ້ອງຖິ່ນ, ແລະ ໄດ້ຈັດຫຼາຍກິດຈະກຳທີ່ເປັນລັກສະນະມູນເຊື້ອ ເພື່ອຮັດແໜ້ນຄວາມສາມັກຄີພິເສດຂອງສອງຊາດ ລາວ-ຫວຽດນາມ. ທັງສອງຝ່າຍ ໄດ້ຕີລາຄາສູງຕໍ່ການຂະຫຍາຍຕົວຢ່າງບໍ່ຢຸດຢັ້ງຂອງການພົວພັນ ແລະ ການຮ່ວມມືຮອບດ້ານ ລາວ-ຫວຽດນາມ ໃນທຸກໆຂົງເຂດ, ທັງທາງດ້ານການເມືອງ, ປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ວັດທະນະທຳສັງຄົມ. ນອກນັ້ນ, ຍັງໄດ້ປຶກສາຫາລືກັນ ເພື່ອສົ່ງເສີມການຮ່ວມມືດ້ານການລົງທຶນ ແລະ ການຄ້າ ແລະ ການສຶກສາໃຫ້ນັບມື້ນັບມີປະສິດທິຜົນດີຂຶ້ນກວ່າເກົ່າ.

ທັງສອງ​ຝ່າຍ ຍັງຢືນຢັນຈະສືບຕໍ່ຮ່ວມກັນຢ່າງໃກ້ຊິດ ເພື່ອເຮັດໜ້າທີ່ເປັນເສນາທິການໃຫ້ແກ່ການນຳຂັ້ນສູງສອງຝ່າຍ ເພື່ອເສີມຂະຫຍາຍສາຍພົວພັນຮ່ວມມື ລະຫວ່າງ ສອງປະເທດ ລວມທັງຊຸກຍູ້ບັນດາຂະແໜງການຕ່າງໆ ຈັດຕັ້ງປະຕິບັດບັນດາເອກະສານຮ່ວມມືທີ່ສອງຝ່າຍໄດ້ລົງນາມຮ່ວມກັນແລ້ວ ໃຫ້ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ສືບຕໍ່ປະສານສົມທົບກັບທຸກໆຂະແໜງການຂອງທັງສອງປະເທດ ເພື່ອກະກຽມໃຫ້ແກ່ການຢ້ຽມຢາມຂອງການນຳຂັ້ນສູງລະຫວ່າງສອງປະເທດ, ຊຶ່ງໃນເດືອນ ທັນວານີ້ ຈະມີການຢ້ຽມຢາມ ແລະ ເຂົ້າຮ່ວມພິທີປິດປີສາມັກຄີມິດຕະພາບ 2017 ຂອງ ສະຫາຍ ເລຂາທິການໃຫຍ່ ປະທານປະເທດ ບຸນຍັງ ວໍລະຈິດ, ລວມເຖິງ ກອງປະຊຸມສອງກົມການເມືອງ ແລະ ກອງປະຊຸມ ຄັ້ງທີ 40 ຂອງຄະນະກຳມະການຮ່ວມມື ລາວ-ຫວຽດນາມ ທີ່ຈະມີຂຶ້ນໃນຕົ້ນປີ 2018.

ໃນການຢ້ຽມຢາມຄັ້ງນີ້, ທ່ານ ສະ​ເຫຼີມໄຊ ກົມມະສິດ ພ້ອມ​ດ້ວຍ​ຄະ​ນະ ໄດ້​ເຂົ້າ​ຢ້ຽມ​ຂໍ່​າ​ນັບ ທ່ານ ຫງວຽນ ຊວນ ຟຸກ, ນາ​ຍົກ​ລັດ​ຖະ​ມົນ​ຕີ ແຫ່ງ ສ​ສ ຫວຽດ​ນາມ, ເຊິ່ງໄດ້ຕີລາຄາສູງ ແລະ ຍ້ອງຍໍຊົມເຊີຍ​ສອງ​ກະຊວງ​ການ​ຕ່າງປະເທດ ທີ່ໄດ້ເອົາໃຈໃສ່ ແລະ ຮ່ວມ​ກັນຢ່າງໃກ້ຊິດ ເພື່ອຊຸກຍູ້ການ​ຈັດ​ຕັ້ງ​ປະຕິບັດ​ ບັນດາ​ຂໍ້​ຕົກລົງ​ຮ່ວມ​ມື​ກັນຂອງສອງຝ່າຍ ໃຫ້ປະກົດຜົນເປັນຈິງ ແລະນຳເອົາຜົນປະໂຫຍດອັນໃຫຍ່ຫຼວງມາສູ່ປະຊາຊົນສອງຊາດຢ່າງແທ້ຈິງ.

ໃນວັນສຸດທ້າຍຂອງການຢ້ຽມຢາມ, ທ່ານສະເຫຼີມໄຊ ກົມມະສິດ ໄດ້ປາຖະກະຖາ ໃນຫົວຂໍ້ “ 70 ການ​ທູດ​ລາວ ແລະ 55 ປີ ​ວັນ​ສ້າງ​ຕັ້ງ​ການ​ທູດ ລາວ-ຫວຽດ​ນາມ ” ໂດຍມີ ນັກການທູດ, ນັກສຶກສາລາວ ແລະ ຫວຽດນາມ ທີ່ສົນໃຈເຂົ້າຮ່ວມຫຼາຍກວ່າ 200 ຄົນ.

ພ້ອມດຽວກັນນີ້, ກະຊວງການຕ່າງປະເທດລາວ ຍັງໄດ້ຈັດພິທີປະດັບຫຼຽນໄຊແຮງງານຊັ້ນ 1 ​ໃຫ້ແກ່ ທ່ານ ຫງວຽນແໝ້ງຮຸ່ງ, ອະດີດເອກອັກຄະລັດຖະທູດ ແຫ່ງ ສ. ຫວຽດນາມ ປະຈຳ ລາວ ໄລຍະ 2012-2016 ທີ່ມີຜົນງານດີເດັ່ນໃນການປະກອບສ່ວນ​​ເຂົ້າໃນການພັດທະນາເສດຖະກິດລາວ ແລະ ການສົ່ງເສີມສາຍພົວພັນມິດຕະພັນອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມ.

ບົດຂ່າວອື່ນໆ