ໃນ​ວັນ​ທີ 12 ທັນວາ 2017, ກະຊວງ​ການ​ຕ່າງປະ​ເທດ ​ໄດ້ຈັ​ດກອງ​ປະ​ຊຸ​ມ​ເຜີ​ຍ​ແຜ່ ກົດໝາຍວ່າ​ດ້ວຍ ສົນທິ​ສັນຍາ ​ແລະ ສັນຍາສາກົນ, ພາຍ​ໃຕ້ການ​ເປັນ​ປະທານ​ຂອງ ​ທ່ານ ສະ​ເຫລີ​ມ​ໄຊ ກົມມະ​ສິດ, ລັດຖະມົນ​ຕີ​ກະຊວງ​ການ​ຕ່າງປະ​ເທດ, ​ໂດຍ​ມີ​ຮອງ​ລັດຖະມົນຕີ,​ ຫົວໜ້າ ແລະ ຮອງຫົວໜ້າກົມ ແລະ ຜູ້ຕາງໜ້າຈາກກະຊວງ, ອົງການທີ່ອ້ອມຂ້າງສູນກາງ, ຜູ້ຕາງໜ້າຈາກສະພາປະຊາຊົນນະຄອນຫຼວງ ແລະ ອົງການປົກຄອງນະຄອນຫຼວງ​ ເຂົ້າຮ່ວມ.​

          ກອງ​ປະຊຸມ​ດັ່ງກ່າວ, ​ຈັດ​ຂຶ້ນ​ເພື່ອສ້າງ​ຄວາ​ມຮັບ​ຮູ້ເຂົ້າ​ໃຈ ກ່ຽວກັບ​​ເນື້ອ​ໃນ​ຕົ້ນຕໍ​ຂອງ​ກົ​ດໝາຍວ່າ​ດ້ວຍສົນທິສັນຍາ ​ແລະ ສັນຍາ​ສາກົນ ​ເພື່ອ​ໃຫ້​ມີ​ຄວາມ​ເປັນ​ເອກະ​ພາບ ​​ໃນການຈັດ​ຕັ້ງ​ປະຕິບັດຢ່າງມີ​ປະສິດ​ທິ​ຜົ​ນ. ກອງ​ປ​ະຊຸມ ​​ໄດ້​ຮັບ​ຟັງ​ການສະ​ເໜີບົດ​ຂອງ​ວິທະຍາກອນ​ ຂອງກົມ​ສົນທິ​ສັນ​ຍາ ​ແລະ ກົດ​ໝາຍ, ກະຊວງ​ການ​ຕ່າງປະ​ເທດ ​ແລະ ຈະ​ມີ​ການ​ແລກປ່ຽນຄວາມ​ຄິດ​​ເຫັນ,​ ສົນທະ​ນາກ່ຽວກັບຫລັກການ​-ລະບຽບການ, ກ່ຽວກັບ​ການ​ສ້າງ​ ​ແລະ ຈັດຕັ້ງ​ປະຕິບັດ​ສົນທິສັນຍາ ​ແລະ ສາກົນ, ຊຶ່ງ​ໄດ້ກຳ​ນົດ​ໄວ້​ໃນ​ກົດໝາຍ​ສະບັບ​ດັ່ງ​ກ່າວ, ​ໂດຍ​ສົ​ມທຽບ​ໃສ່​ພາກປະຕິບັດ​ຂອງສາກົນ ​ແລະ ພາກ​ປະຕິບັດ​ຂອງ ສປປ ລາວ ​ໃນ​ໄລຍະ​ຜ່ານ​ມາ. ກົດໝາຍວ່າດ້ວຍສົນທິສັນຍາ ແລະ ສັນຍາສາກົນນີ້ ຈະເປັນບ່ອນອີງໃຫ້ແກ່ບັນດາອົງການ ແລະ ຂະແໜງການໃນການເຄື່ອນໄຫວວຽກງານການຕ່າງປະເທດຕາມພາລະບົດບາດຂອງຕົນ ໂດນຜ່ານການສະເໜີສ້າງ, ເຂົ້າຮ່ວມເປັນພາຄີ ແລະ ຈັດຕັ້ງປະຕິບັດສົນທິສັນຍາ ແລະ ສັນຍາສາກົນ ແນໃສ່ປະກອບສ່ວນເພີ້ມທະວີການພົວພັນ ແລະ ການຮ່ວມມືກັບຕ່າງປະເທດ, ການເຊື່ອມໂຍງພາກພື້ນ ແລະ ສາກົນຂອງ ສປປ ລາວ.

          ສໍາລັບກົດໝາຍດັ່ງກ່າວ, ​​ໄດ້​ຖືກ​ຮັບຮອງ​ເອົາ​ໃນ​ກອງ​ປະຊຸມ​ສະ​ໄໝສາ​ມັນ​ເທື່ອທີ່ 3 ຂອງ​ສະພາ​ແຫ່ງ​ຊາ​ດ ຊຸ​ດທີ VIII ວັນ​ທິີ 8 ພຶ​ດສະພາ 2017 ​ແລະຖື​ກປະກາດ​​ໃຊ້​ໂດຍ​ປະທານປະ​ເທດ ​ໃນ​ວັນ​ທີ 19 ມິຖຸນາ 2017, ​ໄດ້​ເອົາ​ລົງ​ໃນ​ຈົດໝາຍ​ເຫ​ດທາງ​ລັດຖະການ ​ໃນ​ວັນ​ທີ 02 ພະຈິກ 2017 ຕາມ​ມາ​ດຕາ 80,​ ວັກ​ທີ 1 ຂອງ​ກົດໝາຍວ່າ​ດ້ວຍ​ການ​ສ້າງ​ນິຕິ​ກຳ, ສະ​ບັບ​ເລ​ກທີ 19/ສພຊ, ລົງວັນ​ທີ 18 ພະຈິກ 2017 ​ເປັນ​ຕົ້ນມາ.