ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມກອງປະຊຸມສຸດຍອດສະເຫຼີມສະຫຼອງການພົວພັນອາຊຽນ-ອິນເດຍ ຄົບຮອບ 25 ປີ

 asean India25

ໃນວັນທີ 25 ມັງກອນ 2018 ທີ່ ນິວເດັນລີ, ອິນເດຍ, ພະນະ​ທ່ານ ທອງ​ລຸນ ສີ​ສຸ​ລິດ, ນາຍົກລັດຖະມົນຕີ ແຫ່ງ ສປປ ລາວ ​ໄດ້​ນຳພາ​ຄະນະ​ຜູ້​ແທນ​ລາວ​ເຂົ້າຮ່ວມ​ກອງ​ປະຊຸມ​ສຸດ​ຍອດ​ສະ​ເຫຼີມສະຫຼອງຄົບຮອບ 25​ ປີ​ແຫ່ງ​ການ​ພົວພັນ​ອາຊຽນ-ອິນ​ເດຍ ພາຍໃຕ້ຄຳຂວັນ ຄຸນຄ່າຮ່ວມກັນ, ຊະຕາກໍາດຽວກັນ. ​ກອງ​ປະຊຸມໄດ້​ຕີ​ລາຄາ​ສູງ​ຕໍ່​ໝາກຜົນຂອງ​ການ​ຮ່ວມ​ມື​​ ລະຫວ່າງ​ອາຊຽນ ​ແລະ ອິນ​ເດຍ ນັບ​ຕັ້ງ​ແຕ່​ໄດ້​ສ​້າງຕັ້ງການ​ພົວພັນນຳ​ກັນ​ໃນ​ປີ 1992 ​ເປັນຕົ້ນມາ ​ໂດຍ​ສະ​ເພາະ​ແມ່ນ​ການ​ຍົກ​ລະດັບ​ການ​ພົວພັນຂຶ້ນ​ເປັນ​ຄູ່​ຮ່ວມ​ຍຸດ​ທະ​ສາດ​ໃນ​ປີ 2012 ​ເຊິ່ງ​ເຫັນ​​ໄດ້ວ່າ​ມີ​ຄວາມ​ຄືບໜ້າອັນໜ້າ​ເພິ່ງ​ພໍ​ໃຈ​ໃນ​ຫຼາຍດ້ານ ກວມ​ເອົາ​ຂົງ​ເຂດການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທໍາ-ສັງຄົມ.

    ບັນດາ​ຜູ້ນຳອາຊຽນ ແລະ ອິນເດຍ ໄດ້ປຶກສາຫາລື ກ່ຽວກັບ ​ທິດ​ທາງ​ການຮ່ວມມືອາຊຽນ-ອິນເດຍ ໃນຕໍ່ໜ້າ ແລະ ໄດ້ເຫັນດີສືບຕໍ່​ຮັດ​ແໜ້ນການ​ເປັນ​ຄູ່​ຮ່ວມ​ຍຸດ​ທະ​ສາດ​ອາຊຽນ-ອິນ​ເດຍ ​ໂດຍ​​ເນັ້ນຄວາມ​ສຳຄັນ​ຂອງ​ການ​ເພີ່ມ​ທະວີ​ການ​ຮ່ວມ​ມື​ໃນ​ດ້ານຕ່າງໆທີ່​ສອງ​ຝ່າຍ​ມີ​ທ່າ​ແຮງ ແລະ ມີ​ຄວາມ​ສົນ​ໃຈ​ຮ່ວມ​ກັນ​ ​ເປັນຕົ້ນ​ແມ່ນ​ການ​ເຊື່ອມ​ຈອດ ​ໂດຍ​ສະ​ເພາະ​ແມ່ນດ້ານ​ພື້ນຖານ​ໂຄງ​ລ່າງ ແລະ ດີ​ຈີ​ຕອນ; ​ເພີ່ມ​ທະວີ​ການ​ຮ່ວມ​ມື​ດ້ານການ​ຄ້າ ​ແລະ ການ​ລົງທຶນ ​ໃຫ້ຫຼາຍຂຶ້ນ ​ໃນ​ຖານະ​ທີ່​ສອງ​ຝ່າຍ​ເປັນ​ຄູ່​ຄ້າ​ທີ່​ສຳຄັນ​ຂອງ​ກັນ ​ແລະ ກັນ (ອາຊຽນ​ເປັນ​ຄູ່​ຄ້າ​ໃຫຍ່​ອັນ​ດັບ​ສີ່​ຂອງ​ອິນ​ເດຍ, ແລະ ອິນ​ເດຍ ​ເປັນ​ຄູ່​ຄ້າ​ໃຫຍ່​ອັນ​ດັບ​ເຈັດ​ຂອງ​ອາຊຽນ) ດ້ວຍ​ການ​ນຳ​ໃຊ້​ຜົນ​ປະ​ໂຫຍ​ດສູງ​ສຸດຈາກ​ເຂດ​ການ​ຄ້າ​ເສລີ​ ອາຊຽນ-ອິນ​ເດຍ, ການ​ເລັ່ງລັດ​ການ​ເຈລະຈາ​ສັນຍາການ​ເປັນ​ຄູ່​ຮ່ວມ​​ເສດຖະກິດ​ຮອບດ້ານ​ພາກພື້ນ ​ແລະ ສົ່ງເສີມການ​ຮ່ວມ​ມື​ລະຫວ່າງ​ພາກ​ທຸລະ​ກິດ; ຊຸກຍູ້​ການ​ຮ່ວມ​ມື​ໃນ​ຂົງ​ເຂດ​ເຕັກ​ໂນ​ໂລ​ຊີ-ວິທະຍາສາ​ດ, ພະລັງງານ, ກະສິກໍາ, ການທ່ອງທ່ຽວ, ​ວັດທະນະທຳ, ການໄປມາຫາສູ່ກັນລະຫວ່າງປະຊາຊົນກັບປະຊາຊົນ ​ແລະ ອື່ນໆ.

    ​ໃນ​ໂອກາດນີ້, ທ່າ​ນນາ​ຍົກລັດຖະມົນຕີ ທອງ​ລຸນ ສີ​ສຸ​ລິດ ​ໄດ້ສະ​ເໜີບາງ​ຈຸດ​ທີ່​ສຳຄັນ ​ເປັນຕົ້ນ​ແມ່ນ​ໄດ້​ເນັ້ນຄວາມ​ສຳຄັນ​ຂອງການ​ເຂົ້າ​ເຖິງ​ແຫຼ່ງທຶນ ​ສຳລັບຈຸນລະທຸລະກິດ, ທຸລະກິດຂະຫນາດນ້ອຍ ແລະ ກາງ (MSMEs), ຊຸກຍູ້​ການ​ຮ່ວມ​ມື​ໃນຂົງ​ເຂດການ​ປູກ​ຝັງ ​ແລະ ລ້ຽງສັດ, ການຈັດຕັ້ງປະຕິບັດມາດຕະການ ເພື່ອອຳນວຍຄວາມສະດວກດ້ານການຄ້າ, ການລົງທຶນແລະການທ່ອງທ່ຽວ, ລວມທັງ​ສະ​ເໜີ​ໃຫ້ອິນ​ເດຍ ພິຈາລະນາ​ສະໜອງທຶນ​ການ​ສຶກສາ ​ໄລຍະ​ສັ້ນ ​ແລະ ໄລຍະ​ຍາວ​ ຢູ່ ອິນ​ເດຍ ໃນຂົງເຂດຕ່າງໆລວມທັງ ດ້ານວິທະຍາສາດເຕັກໂນໂລຊີຂໍ້ມູນຂ່າວສານໃຫ້​ແກ່​ບັນດາ​ປະ​ເທດ​ອາຊຽນ, ພິ​ເສດ​ແມ່ນ​ປະ​ເທດ ລາວ-ຫວຽດນາມ-ກຳປູ​ເຈຍ-ມຽນມາ (CLMV), ສະ​ເໜີ​ຮັດ​ແໜ້ນການ​​ເຊື່ອມ​ຈອດ ລະຫວ່າງ​ອາຊຽນ ​ແລະ ອິນ​ເດຍ ລວມທັງການ​ເຮັດ​ວຽກຮ່ວມ​ກັນ ​ເພື່ອ​ເຮັ​​ດ​ໃຫ້​ມີ​ສາຍ​ການບິນ​ໂດຍ​ກົງຈາກ ອິນເດຍ ໄປຍັງບັນດາປະເທດ CLMV, ​ແລະ ​ການເຊື່ອມ​ຕໍ່ທາງດ່ວນ ອິນເດຍ-ມຽນມາ-ໄທ ໄປຍັງລາວ-ຫວຽດນາມ-ກໍາປູເຈຍ ​ໃນ​ອະນາຄົດ ພ້ອມ​ທັງສະ​ເໜີໃຫ້ ອິນເດຍ ສະໜັັບສະໜູນການພັດທະນາເສັ້ນທາງຫຼວງ ອິນເດຍ-ມຽນມາ-ລາວ-ຫວຽດນາມ-ກໍາປູເຈຍ, ເປັນຕົ້ນແມ່ນຍົກລະດັບເສັ້ນທາງບາງຈຸດຢູ່ທາງພາກເໜືອຂອງ ສປປ ລາວ ​ເພື່ອປະກອບສ່ວນເຂົ້າໃນການເຊື່ອມໂຍງເຄືອຂ່າຍທາງຫຼວງອາຊຽນ ກັບລະບົບທາງຫຼວງທີ່ຢູ່ທາງພາກຕາເວັນອອກຂອງອິນເດຍ ພ້ອມທັງອໍານວຍຄວາມ​ສະດວກໃຫ້ແກ່ການຮ່ວມມືທາງດ້ານເສດຖະກິດ ​ແລະ ການ​ໄປມາຫາສູ່​ລະຫວ່າງ​ປະຊາຊົນ ອາຊຽນ ແລະ ອິນເດຍ.

    ກອງ​ປະຊຸມ ຍັງໄດ້​ປຶກສາ​ຫາລື ກ່ຽວກັບ​ການ​ຮ່ວມ​ມື ​ແລະ ຄວາມໝັ້ນຄົງ​ທາງ​ທະ​ເລ ​ເຊິ່ງກວມ​ເອົາ​ທັງການປົກປັກຮັກສາສິ່ງແວດລ້ອມ ​ແລະ ຊັບພະຍາກອນທາງທະເລ ​ແລະ ການຮ່ວມ​ມື​ເພື່ອ​ຮັບ​ມື​ກັບບັນຫາອາຊະຍະກໍາຂ້າມຊາດທາງທະເລ. ຄຽງຄູ່​ກັນນັ້ນ, ກໍ່ໄດ້​ແລກປ່ຽນຄວາມ​ຄິດ​ເຫັນ ກ່ຽວກັບ​ບັນຫາ​ພາກພື້ນ ​ແລະ ສາກົນ​ຕ່າງໆທີ່​ມີ​ຄວາມ​ສົນ​ໃຈ​ຮ່ວມ​ກັນ ​​ເປັນຕົ້ນ​ແມ່ນການກໍ່ການຮ້າຍ, ການປ່ຽນແປງຂອງສະພາບດິນຟ້າອາກາດ, ໄພພິບັດທາງທໍາມະຊາດ ແລະ ບັນຫາອື່ນໆ.

​    ​ໃນ​ກອງ​ປະຊຸມຄັ້ງນີ້ ບັນດາ​ຜູ້ນຳ​ອາຊຽນ ​ແລະ ອິນ​ເດຍ​ ໄດ້​ເຫັນ​ດີຮັບຮອງເອົາ​ ຖະແຫຼງການເດັນລີ ກ່ຽວກັບ​ກອງ​ປະຊຸມ​ສຸດ​ຍອດ​ສະ​ເຫຼີມສະ​ຫຼອງການ​ພົວພັນອາຊຽນ-ອິນ​ເດຍ ຄົບຮອບ 25 ປີ ທີ່​​ໄດ້​ຢໍ້າຄືນຄວາມໝາຍໝັ້ນຂອງ​ອາຊຽນ ​ແລະ ອິນ​ເດຍ ​ໃນ​ການຮັດແໜ້ນ ແລະ ເສີມຂະຫຍາຍການຮ່ວມມືໃນດ້ານ​ຕ່າງໆ​ໃນ​ຊຸມ​ປີຕໍ່ໜ້າ.

    ໃນ​ໂອກາດ​ເຂົ້າຮ່ວມ​ກອງ​ປະຊຸມຄັ້ງນີ້, ທ່ານ​ນາຍົກລັດຖະມົນຕີ ທອງລຸນ ສີສຸລິດ ຍັງ​ໄດ້​ຮ່ວມ​ກັບຜູ້ນໍາປະ​ເທດອາຊຽນອື່ນ ​ແລະ ຜູ້ນຳ​ອິນ​ເດຍ ​ເປີດ​ສະ​ແຕມ ທີ່​ສະ​ແດງ​ໃຫ້​ເຫັນ​ເຖິງຄວາມ​ຫຼາກຫຼາຍ ແລະ ​ການ​ພົວພັນ​ທາງ​ດ້ານ​ວັດທະນະທຳ ລະຫວ່າງ​ອາຊຽນ ​ແລະ ອິນ​ເດຍ, ​ເຊິ່ງ​ເປັນໜຶ່ງ​ໃນ​ບັນດາ​ກິດຈະ​ກຳ​ສະ​ເຫຼີມສະຫຼອງ​ໂອກາດ​ສຳຄັນຂອງ​ການ​ພົວພັນ​ອາຊຽນ-ອິນ​ເດຍ ​ໃນ​ຄັ້ງນີ້.

ບົດຂ່າວອື່ນໆ

a
ແຈ້ງການ

*ທ່ານລັດຖະມົນຕີຕ່າງປະເທດ ຈະເດີນທາງເຂົ້າຮ່ວມກອງປະຊຸມ ສຸດຍອດອາຊີ-ເອີຣົບ ຄັ້ງທີ 12, ທີ່ ບຣຸກແຊນ, ປະເທດແບນຊິກ

*ແຈ້ງການຄັດເລືອກ ບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງ "ລາງວັນອາຊຽນ" ຄັ້ງປະຖົມມະເລີກ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
160250
ມື້ນີ້32
ມື້ວານ94
ອາທິດນີ້383
ເດືອນນີ້1742
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710