ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ທ່ານນາຍົກລັດຖະມົນຕີ ທອງລຸນ ສີສຸລິດ ເຂົ້າຮ່ວມງານສະເຫຼີມສະຫຼອງວັນຊາດ ອິນເດຍ ໃນໂອກາດເຂົ້າຮ່ວມກອງປະຊຸມສຸດຍອດສະເຫຼີມສະຫຼອງອາຊຽນ-ອິນເດຍ

pm visit india

ພາຍຫຼັງ​ສຳ​ເລັດການເຂົ້າຮ່ວມ​ກອງ​ປະຊຸມ​ສຸດ​ຍອດ​ສະ​ເຫຼີມສະຫຼອງກາ​ນພົວພັນ​ອາຊຽນ-ອິນ​ເດຍຄົບ​ຮອບ 25 ປີ, ​ເຊິ່ງ​ຈັດ​ຂຶ້ນໃນວັນທີ 25 ມັງກອນ 2018 ຢູ່ ນະຄອນຫຼວງ ນິວ​ເດັນ​ລີ ຂອງ​ອິນ​ເດຍ, ໃນຕອນ​ເຊົ້າຂອງວັນທີ 26 ມັງກອນ 2018, ພະນະທ່ານ​ ທອງລຸນ ສີສຸລິດ, ນາຍົກລັດຖະມົນຕີ ​ແຫ່ງ ສປປ ລາວ ໄດ້ຮ່ວມ​ກັບຜູ້ນຳ​ອາຊຽນອື່ນ ເຂົ້າຮ່ວມງານ​ເດີນ​ສວນສະໜາມ ​ເພື່ອສະເຫຼີມສະຫຼອງວັນຊາດອິນເດຍ ຄົບຮອບ 69 ປີ ໃນ​ຖານະ​ແຂກ​ສູງ​ສຸດ​ຂອງ​​ລັດຖະບານ​ອິນ​ເດຍ, ຕາມ​ການ​ເຊື້ອ​ເຊີນ​ຂອງ ​ພະນະ​ທ່ານ ນາ​ເຣັນດຣາ ​ໂມ​ດີ, ນາຍົກລັດຖະມົນຕີ ອິນ​ເດຍ. ງານ​ເດີນ​ສວນສະໜາມສະ​ຫຼອງວັນຊາດ ອິນ​ເດຍ ຄັ້ງນີ້ ຈັດ​ຂຶ້ນທີ່ ສະໜາມຫຼວງ ຣາຊະ​ພັດ ​ໂດຍ​ການ​ເປັນ​ປະທານ​ຂອງ ພະນະ​ທ່ານ ຣາມ ນາດ ​ໂກ​ວິນ (Ram Nath Kovind), ປະທານາທິບໍດີ ອິນ​ເດຍ, ​ເຊິ່ງມີ​ບັນດາ​ເຈົ້າໜ້າທີ່​ຂັ້ນສູງ​ຂອງ ອິນ​ເດຍ, ບັນດາ​ທຸຕານຸທູດຕ່າງປະ​ເທດ, ​ແຂກ​ພາຍ​ໃນ ​ແລະ ຕ່າງປະ​ເທດ ​ເຂົ້າຮ່ວມ.

​ໃນ​ໂອກາດ​ເຂົ້າຮ່ວມ​ງານ​ສະຫຼອງວັນຊາດ​ຄັ້ງນີ້, ບັນດາ​ຜູ້ນຳ​ອາຊຽນ ​ໄດ້​ຮ່ວມ​ຊົມ​ຂະ​ບວນສວນສະໜາມຂອງ​ບັນດາ​ກ້ອນ​ກຳລັງ​ປະກອບ​ອາວຸດ​ຂອງ​ອິນ​ເດຍ, ກ້ອນ​ກຳລັງ​ທຸງຊາດ​ຂອງ​ບັນດາ​ປະ​ເທດ​ອາຊຽນ, ກ້ອນ​ກຳລັງ​ຂອງ​ນ້ອງ​ນ້ອຍ​ນັກຮຽນ ທີ່​ສະທ້ອນ​​ໃຫ້​ເຫັນ​ເຖິງ​ຄວາມ​ຫຼາກຫຼາຍທາງ​ດ້ານ​ວັດທະນະທຳ​ຂອງ​ບັນດາ​ປະ​ເທດ​ອາຊຽນ ​ແລະ ການ​ເຊື່ອມ​ຕໍ່ທາງ​ດ້ານ​ວັດທະນະທຳ ​ແລະ ຄວາມ​ສີວິ​ໄລ ລະຫວ່າງ​ອາຊຽນ ​ແລະ ອິນ​ເດຍ. ຈາກ​ນັ້ນ, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ພ້ອມບັນດາ​ຜູ້ນຳ​ອາຊຽນ ກໍ່​ໄດ້​ເຂົ້າຮ່ວມ​ງານ​ພົບ​ປະ​ສ້າງສັນ ກັບ ນັກທຸລະກິດ ​ແລະ ບຸກຄົນ​ສຳຄັນ​ຈາກ​ຂະ​ແໜງການ​ຕ່າງໆຂອງ​ອິນ​ເດຍ ​ແລະ ​ເຂົ້າຮ່ວມ​ງານ​ລ້ຽງສະຫຼອງວັນຊາດ ອິນ​ເດຍ ​ໂດຍການ​ເປັນ​ເຈົ້າພາບ​ຂອງ​ປະທານາທິບໍດີ ອິນ​ເດຍ.

ໃນຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ພົບປະສອງຝ່າຍກັບ ທ່ານນາຍົກລັດຖະມົນຕີ ນາເຣັນດຣາ ໂມດີ ທີ່​ເຮືອນ​ຮັບ​ແຂກ​ລັດຖະບານ, ​ເຊິ່ງສອງຝ່າຍໄດ້ຕີລາຄາສູງຕໍ່ໝາກຜົນຂອງການຮ່ວມມືໃນຊຸມ​ປີຜ່ານມາ ພ້ອມທັງໃຫ້ຄວາມໝາຍໝັ້ນທີ່ຈະເສີມຂະຫຍາຍສາຍພົວພັນທີ່ດີລະຫວ່າງກັນ ໃຫ້ແໜ້ນແຟ້ນຂຶ້ນກວ່າເກົ່າ ເພື່ອນໍາມາຊຶ່ງຜົນປະໂຫຍດລວມຂອງສອງປະເທດ ແລະ ຄວາມສົມບູນພູນສຸກຂອງປະຊາຊົນສອງຊາດລາວ-ອິນເດຍ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138878
ມື້ນີ້95
ມື້ວານ94
ອາທິດນີ້257
ເດືອນນີ້2001
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710