ໃນຕອນເຊົ້າ ຂອງວັນທີ 24 ສິງຫາ 2018, ຢູ່ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂາໍ່ນັບຂອງ ທ່ານ Alex C. Feldman, ປະທານສະພາທຸລະກິດອາເມຣິກາ-ອາຊຽນ (US-Asean Business Council ) ພ້ອມດ້ວຍຄະນະ ໃນໂອກາດເດີນທາງມາເຄື່ອນໄຫວຢ້ຽມຢາມ ສປປ ລາວ ໃນລະຫວ່າງ ວັນທີ 23-24 ສິງຫາ 2018.

ຄະນະຜູ້ແທນສະພາທຸລະກິດອາເມຣິກາ-ອາຊຽນ ທີ່ໄດ້ເດີນທາງມາຄັ້ງນີ້ປະກອບມີບໍລິສັດຊັ້ນນຳຂອງອາເມຣິກາ ເຊັ່ນ : Microsolf, Ford, Coca Cola, Citi Group, MasterCard, VisaCard.

 ໃນໂອກາດດັ່ງກ່າວນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການຢ້ຽມຢາມ ສປປ ລາວ ຄັ້ງນີ້ ຊຶ່ງເປັນໂອກາດທີ່ສຳຄັນໃນການປຶກສາຫາລືກັບພາກສ່ວນທີ່ກ່ຽວຂ້ອງຂອງລາວ ເພື່ອຊອກຫາຊ່ອງທາງເພີ້ມທະວີການພົວພັນສອງຝ່າຍ ໃນດ້ານການຄ້າ ແລະ ການລົງທຶນຂອງສະຫະລັດ ອາເມຣິກາ ຢູ່ ສປປ ລາວ ໃນຕໍ່ໜ້າ, ເປັນການສືບຕໍ່ການມາຢ້ຽມຢາມຂອງນັກທຸລະກິດອະເມຣິກາ ພາຍຫຼັງການຢ້ຽມຢາມ ສປປ ລາວ ຄັ້ງທຳອິດຂອງ ທ່ານ Wilbur Ross, ລັດຖະມົນຕີກະຊວງການຄ້າຂອງສະຫະລັດ ອາເມຣິກາ ໃນເດືອນກັນຍາ 2017 ຜ່ານມາ.

ໃນໂອກາດເດີນທາງມາຢ້ຽມຢາມ ສປປ ລາວ, ຄະນະຜູ້ແທນຍັງໄດ້ເຂົ້າຢ້ຽມຂາໍ່ນັບຮອງລັດຖະ ມົນຕີກະຊວງການເງິນ; ຮອງລັດຖະມົນຕີກະຊວງກະຊວງແຜນການ ແລະ ການລົງທຶນ; ຮອງລັດຖະມົນຕີກະຊວງອຸດສະຫະກຳ ແລະ ການຄ້າ; ຮອງລັດຖະມົນຕີກະຊວງສຶກສາທິການ ແລະ ກິລາ; ຮອງຜູ້ວ່າການທະນາຄານ ແຫ່ງ ສປປ ລາວ ແລະ ທ່ຽວຊົມສະຖານທີ່ວັດທະນະທຳ ແລະ ປະຫວັດສາດຢູ່ນະຄອນຫຼວງວຽງຈັນຈາໍນວນໜຶ່ງ.