ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ເຂົ້າຮ່ວມກອງປະຊຸມໂຕະມົນບັນດາຜູ້ນຳວ່າດ້ວຍການຮ່ວມມືສາກົນ ໜຶ່ງແລວ ໜຶ່ງເສັ້ນທາງ ໃນຫົວຂໍ້ ເພີ່ມທະວີການເຊື່ອມສານດ້ານນະໂຍບາຍ ແລະ ການຮັດແໜ້ນການເປັນຄູ່ຮ່ວມມືທີ່ໃກ້ຊິດ

 

 

RoundTable1 RoundtableXinhua1 RoundtableXinhua2

 

ໃນຕອນເຊົ້າວັນທີ 27 ເມສາ 2019, ພະພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ພ້ອມຄະນະ ໄດ້ສືບຕໍ່ເຂົ້າກອງປະຊຸມໂຕະມົນບັນດາຜູ້ນຳວ່າດ້ວຍການຮ່ວມມືສາກົນ ໜຶ່ງແລວ ໜຶ່ງເສັ້ນທາງ ໃນຫົວຂໍ້ ເພີ່ມທະວີການເຊື່ອມສານດ້ານນະໂຍບາຍ ແລະ ການຮັດແໜ້ນການເປັນຄູ່ຮ່ວມມືທີ່ໄກ້ຊິດ”. ສໍາລັບກອງປະຊຸມ ໜຶ່ງແລວ ໜຶ່ງເສັ້ນທາງ ເພື່ອການຮ່ວມມືສາກົນ ຄັ້ງທີ 2 ນີ້, ພາຍໃຕ້ການເປັນປະທານຂອງພະນະທ່ານ ສີ ຈີ້ນຜີງ, ປະທານປະເທດ ແຫ່ງ ສປ ຈີນ, ຊຶ່ງມີປະມຸກລັດ ແລະ ຫົວໜ້າລັດຖະບານ 37 ປະເທດເຂົ້າຮ່ວມ, ລວມທັງເລຂາທິການໃຫຍ່ ສປຊ ແລະ ອົງການຈັດຕັ້ງສາກົນ. ສປປ ລາວ ເຫັນວ່າກອງປະຊຸມຄັ້ງນີ້ ມີຄວາມໝາຍສຳຄັນຫຼາຍ ເພາະມັນເປັນການເປີດໂອກາດໃຫ້ຜູ້ເຂົ້າຮ່ວມທັງໝົດໄດ້ທົບທວນການຈັດຕັ້ງປະຕິບັດຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ຊຶ່ງປະທານ ສີ ຈິ້ນຜິງ ໄດ້ປະກາດໃນປີ 2013 ເປັນຕົ້ນມາ, ກໍ່ຄືຂອງກອງປະຊຸມ ໜຶ່ງແລວ ໜຶ່ງເສັ້ນທາງ ເພື່ອການຮ່ວມມືສາກົນຄັ້ງທີ່ 1 ໃນປີ 2017, ອັນເປັນການເປີດສັງກາດໃໝ່ໃນການເສີມຂະຫຍາຍການຮ່ວມມືຕົວຈີງລະຫວ່າງປະເທດຕາມແລວໜຶ່ງເສັ້ນທາງທີ່ໄດ້ມີຄວາມຄືບໜ້າເປັນກ້າວໆມາ. ຊື່ງທ່ານປະທານປະເທດສະແດງເຂົ້າຮ່ວມ ໄດ້ຊົມເຊີຍຕໍ່ການກຳນົດເອົາຫົວຂໍ້ນີ້ເປັນໜຶ່ງໃນຫົວຂໍ້ມາປຶກສາຫາລືໃນກອງປະຊຸມໂຕະມົນຂອງຜູ້ນຳໃນຄັ້ງນີ້ ເພາະມັນສອດຄ່ອງກັບທ່າອ່ຽງລວມຂອງໂລກທີ່ຮຽກຮ້ອງໃຫ້ມີການເພີ່ມທະວີການເຊື່ອມສານໃນດ້ານນະໂຍບາຍ ແລະ ສ້າງຄວາມເປັນຄູ່ຮ່ວມທີ່ໃກ້ຊິດກັນອັນເປັນປັດໃຈຕັດສິນທີ່ສຳຄັນໜຶ່ງເພື່ອການເຊື່ອມໂຍງ ແລະ ຈັດຕັ້ງປະຕິບັດໂຄງການຮ່ວມມືສາກົນ. ທ່ານປະທານປະເທດ ແຫ່ງ ສປປ ລາວ ໄດ້ຖືເອົາໂອກາດນີ້ ສະແດງຄວາມຊົມເຊີຍມາຍັງລັດຖະບານ ສປ ຈີນ ຕໍ່ຜົນສຳເລັດຂອງນະໂຍບາຍເປີດກ້ວາງການຮ່ວມມືກັບສາກົນ. ຕະຫຼອດໄລຍະ 70 ປີ ແຫ່ງການສະຖາປະນາ ສປ ຈີນ ກໍ່ຄື 4 ທົດສະຫວັດແຫ່ງການປະຕິບັດນະໂຍບາຍເປີດກ້ວາງ, ສປ ຈີນ ໄດ້ບັນລຸການສ້າງຄວາມເປັນຄູ່ຮ່ວມດ້ານການພັດທະນາຢ່າງກ້ວາງຂວາງອັນໄດ້ນຳຜົນປະໂຫຽດຕົວຈີງມາສູ່ ສປ ຈີນ ກໍ່ຄືບັນດາປະເທດໃນອານຸພາກພື້ນ ແລະ ໃນໂລກ. ຜົນສຳເລັດຂອງການພັດທະນາເສດຖະກິດ-ສັງຄົມ ກໍ່ຄືການຫຼຸດຜ່ອນຄວາມທຸກຍາກຢູ່ໃນ ສປ ຈີນ ນັ້ນໄດ້ກາຍເປັນຕົວແບບຂອງການພັດທະນາທີ່ປະເທດກຳລັງພັດທະນາຫຼາຍປະເທດກຳລັງສຶກສາຄົ້ນຄ້ວາເພື່ອນຳໄປຈັດຕັ້ງປະຕິບັດຢູ່ໃນປະເທດຂອງຕົນ.

ສຳລັບລັດຖະບານ ສປປ ລາວ, ໄດ້ດຳເນີນນະໂຍບາຍການປ່ຽນແປງໃໝ່ມາຕັ້ງແຕ່ປີ 1986 ເປັນຕົ້ນມາ ແລະ ໄດ້ປັບປຸງບັນດານະໂຍບາຍຕ່າງໆຂອງຕົນເປັນແຕ່ລະໄລຍະເພື່ອເປີດກ້ວາງການຮ່ວມມືກັບພາຍນອກພ້ອມທັງເອົາໃຈໃສ່ການພັດທະນາ ແລະ ຫັນຈາກປະເທດທີ່ບໍ່ມີຊາຍແດນຕິດກັບທະເລໃຫ້ສາມາດເຊື່ອມໂຍງ ແລະ ເຊື່ອມຈອດເຂົ້າກັບພາກພື້ນ ແລະ ສາກົນໄດ້ເທື່ອລະກ້າວ. ສະນັ້ນ, ສປປ ລາວ ເຫັນວ່າຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ແມ່ນສອດຄ່ອງກັບນະໂຍບາຍການຫັນປະເທດຈາກບໍ່ມີຊາຍແດນຕິດກັບທະເລໃຫ້ກາຍເປັນປະເທດເຊື່ອມຈອດ. ບົນຈິດໃຈດັ່ງກ່າວ, ສປປ ລາວ ຈຶ່ງໄດ້ສະໜັບສະໜູນ ແລະ ປະກອບສ່ວນຢ່າງຕັ້ງໜ້າໃນການເຂົ້າຮ່ວມການຈັດຕັ້ງປະຕິບັດຂໍ້ລິເລີ່ມດັ່ງກ່າວນີ້, ຊຶ່ງໃນການຮ່ວມມືໃນກອບດັ່ງກ່າວນີ້ກໍ່ແມ່ນໂຄງການຮ່ວມມືລົດໄຟຄວາມໄວສູງ ລາວ-ຈີນ ອັນເປັນໂຄງການຮ່ວມມືໜຶ່ງທີ່ໃຫຍ່ ແລະ ສຳຄັນທີ່ສຸດສຳລັບ ສປປ ລາວ, ຊຶ່ງມາເຖີງປະຈຸບັນການກໍ່ສ້າງດັ່ງກ່າວມີຄວາມຄືບໜ້າຫຼາຍກວ່າ 60% ແລະ ຄາດວ່າຈະສໍາເລັດຕາມແຜນການໃນປີ 2021.

ສປປ ລາວ ຂໍຢືນຢັນຄືນອີກເທື່ອໜຶ່ງຕໍ່ຄວາມມຸ້ງໝັ້ນຂອງຕົນທີ່ຈະສືບຕໍ່ສະໜັບສະໜູນ ແລະ ປະກອບສ່ວນຢ່າງຈິງຈັງຕາມຄວາມສາມາດຂອງຕົນທີ່ມີຢູ່ໃນການປະກອບສ່ວນໃນການຈັດຕັ້ງປະຕິບັດຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ, ຊຶ່ ສປປ ລາວ ຖືວ່າເປັນຍຸດທະສາດສຳຄັນໜຶ່ງໃນການສົ່ງເສີມການພັດທະນາແບບຍືນຍົງ, ການຮ່ວມມືຕ່າງຝ່າຍຕ່າງມີຜົນປະໂຫຽດ ອັນເປັນປັດໃຈສຳຄັນໃຫ້ແກ່ການສົ່ງເສີມສັນຕິພາບ ແລະ ຄວາມໝັ້ນຄົງໃນພາກພື້ນ ແລະ ສາກົນ ແລະ ນຳເອົາຄວາມສີວິໄລມາສູ່ປະຊາຊົນຂອງບັນດາປະເທດຢູ່ລຽບຕາມໜຶ່ງແລວ ໜຶ່ງເສັ້ນທາງຢ່າງແທ້ຈີງ.

ບົດຂ່າວອື່ນໆ

a
ແຈ້ງການ

*ຖະແຫຼງການຂອງກະຊວງການຕ່າງປະເທດ ກ່ຽວກັບ ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງ ຊາດຂອງເຂດປົກຄອງພິເສດຮົງກົງ.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
216363
ມື້ນີ້11
ມື້ວານ106
ອາທິດນີ້309
ເດືອນນີ້1654
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710