ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຫາຍ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດ ຢ້ຽມຢາມແຂວງຟູຈ້ຽນ.

2Fujo 1Fujo 

3Fujo 4Fujo

 

ໃນວັນທີ 28-29 ເມສາ 2019,ສະຫາຍ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ ພ້ອມດ້ວຍຄະນະຜູ້ແທນຂັ້ນສູງພັກ-ລັດ ລາວ ໄດ້ໄປຢ້ຽມຢາມແຂວງຟູຈ້ຽນ ແລະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຢູເວີຍກົວ, ກຳມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງຟູຈ້ຽນ. ສະຫາຍ ຢູເວີຍກົວ ໄດ້ຕາງໜ້າຄະນະພັກ, ອຳນາດການປົກຄອງແຂວງ ແລະ ປະຊາຊົນທົ່ວແຂວງຟູຈ້ຽນ ສະແດງຄວາມຍິນດີຕ້ອນຮັບ ສະຫາຍເລຂາທິການໃຫຍ່, ປະທານປະເທດ ບຸນຍັງ ວໍລະຈິດ ແລະ ຄະນະຜູ້ແທນຂັ້ນສູງພັກ-ລັດລາວ ແລະ ຕີລາຄາສູງຕໍ່ການຢ້ຽມຢາມຄັ້ງນີ້ ຈະເປັນການປະກອບສ່ວນເຂົ້າໃນການຜັນຂະຫຍາຍການພົວພັນມິດຕະພາບທີ່ເປັນມູນເຊື້ອ ແບບຄູ່ຮ່ວມຍຸດທະສາດຮອບດ້ານ ຕາມທິດ 4 ດີ ລະຫວ່າງສອງປະເທດ, ພ້ອມທັງໄດ້ແຈ້ງໃຫ້ຄະນະຊາບ ກ່ຽວກັບ ການຈັດຕັ້ງຜັນຂະຫຍາຍແນວຄິດສີຈິ້ນຜິງ ວ່າດ້ວຍ ສັງຄົມນິຍົມທີ່ມີສີສັນພິເສດຂອງຈີນໃນຍຸກສະໄໝໃໝ່, ກໍຄື ບັນດາຜົນສຳເລັດຮອບດ້ານໃນການປະຕິບັດແຜນພັດທະນາເສດຖະກິດ-ສັງຄົມຂອງແຂວງ ໂດຍສະເພາະແມ່ນບັນດາຜົນສໍາເລັດໃນການແກ້ໄຂຄວາມທຸກຍາກຂອງປະຊາຊົນຟູຈ້ຽນ. ສະຫາຍເລຂາພັກແຂວງຟູຈ້ຽນ ໄດ້ສະແດງຄວາມພາກພູມໃຈທີ່ເຫັນວ່າ ການຮ່ວມມື ລະຫວ່າງ ສອງປະເທດ ຈີນ-ລາວ ພວມໄດ້ຮັບບການເສີມຂະຫຍາຍ ແລະ ແຂວງຟູຈ້ຽນ ຍິນດີທີ່ຈະຜັນຂະຫຍາຍເນື້ອໃນແຜນແມ່ບົດ ວ່າດ້ວຍ ຄູ່ຮ່ວມຊາຕາກຳ ຈີນ-ລາວ ທີ່ ເລຂາທິການໃຫຍ່ຂອງພັກ ຈີນ-ລາວ ຈະເຊັນກັນໃນໂອກາດຂອງການຢ້ຽມຢາມລັດຖະກິດ ສປ ຈີນ ໃນຄັ້ງນີ້ ໃຫ້ເປັນຮູບປະທຳ.

ສະຫາຍ ບຸນຍັງ ວໍລະຈິດ ໄດ້ສະແດງຄວາມຂອບອົກຂອບໃຈຕໍ່ ສະຫາຍ ຢູເວີຍກົວ ພ້ອມດ້ວຍຄະນະນຳຂອງແຂວງ ທີ່ໄດ້ໃຫ້ການຕ້ອນຮັບຢ່າງອົບອຸ່ນ, ສະໜິດສະໜົມ ໃຫ້ແກ່ຄະນະໃນໂອກາດຢ້ຽມຢາມ ສປ ຈີນ ຄັ້ງນີ້, ທັງໄດ້ສະແດງຄວາມຊົມເຊີຍຕໍ່ບັນດາຜົນສໍາເລັດຂອງແຂວງ ທີ່ຍາດໄດ້ໃນໄລຍະຜ່ານມາ ໃນການປະຕິບັດນະໂຍບາຍການເປີດປະຕູສູ່ພາຍນອກຂອງຈີນ ແລະ ບົດຮຽນໃນການລົບລ້າງຄວາມທຸກຍາກ, ສະແດງຄວາມເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດຈີນ ທີ່ຖື ສະຫາຍ ສີ ຈິ້ນຜິງ ເປັນແກນນຳ, ແຂວງຟູຈ້ຽນ ຈະສືບຕໍ່ບັນລຸໄດ້ຕາມເປົ້າໝາຍທີ່ວາງໄວ້. ສອງຝ່າຍ ເປັນເອກະພາບກັນສືບຕໍ່ຊຸກຍູ້ໃຫ້ນັກລົງທຶນຂອງທັງສອງຝ່າຍຮ່ວມມືກັນໃນຫຼາຍຂົງເຂດ ທີ່ແຕ່ລະຝ່າຍມີທ່າແຮງ.

ໃນໂອກາດຢ້ຽມຢາມແຂວງຟູຈ້ຽນເທື່ອນີ້, ຄະນະຜູ້ແທນ ຍັງໄດ້ເຂົ້າຮ່ວມເປັນສັກຂີພິຍານໃນການເຊັນສັນຍາສ້າງສາຍພົວພັນມິດຕະພາບ ລະຫວ່າງ ແຂວງຫຼວງພະບາງ ກັບ ແຂວງຟູຈ້ຽນ ແລະ ເຂົ້າຮ່ວມງານວາງສະແດງສົ່ງເສີມການທ່ອງທ່ຽວລາວ ທີ່ນະຄອນຟູໂຈ. ນອກນັ້ນ, ຄະນະໄດ້ຢ້ຽມຢາມສູນກາງເຕັກໂນໂລຊີ ທີ່ທັນສະໄໝ, ສະຖານທີ່ປະຫວັດສາດ ແລະ ວັດທະນະທຳ ໃນນະຄອນຟູໂຈ, ນະຄອນນິງເຕີ ແລະ ນະຄອນເຊັ້ຍເມິນ, ແຂວງຟູຈ້ຽນ.

ບົດຂ່າວອື່ນໆ

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
187426
ມື້ນີ້29
ມື້ວານ94
ອາທິດນີ້1
ເດືອນນີ້3286
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710