ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ຕ້ອນຮັບ ແລະ ຍື່ນຈົດໝາຍແຕ່ງຕັ້ງຂອງ ຜູ້ປະສານງານຂອງອົງການ ສປຊ ຄົນໃໝ່ ປະຈຳ ສປປ ລາວ

201953-slx-UNRC

    ໃນ​ຕອນເຊົ້າ​ຂອງ​ວັນ​ທີ 03 ພຶດສະພາ 2019 ທີ່ ກະຊວງ​ການ​ຕ່າງປະ​ເທດ,​ ທ່ານ ສະເຫລີມໄຊ ກົມມະສິດ,​ລັດຖະມົນຕີ​ກະຊວງ​ການ​ຕ່າງປະ​ເທດ ​ໄດ້​ຕ້ອນຮັບ​ການ​ເຂົ້າຢ້ຽມ​ຂ່ຳນັບ ​ແລະ ຍື່ນຈົດໝາຍແຕ່ງ​ຕັ້ງ​ຂອງ​ ທ່ານ ນາງ ຊາຣາ ເຊເກັນເນັສ ໂທເຣັຟເຊັນ (Ms. Sara Sekeness-Tollefsen), ເພື່ອມາດຳລົງຕຳແໜ່ງເປັນຜູ້ປະສານງານຂອງ​ ອົງການສະຫະປະຊາຊາດ (UNRC) ຄົນໃໝ່ ປະຈຳ ສປປ ລາວ.​

   ​ໃນ​ໂອກາດ​ດັ່ງກ່າວ, ທ່ານ ລັດຖະມົນຕີ​ ກະຊວງ​ການ​ຕ່າງປະ​ເທດ​ ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ​ອັນ​ອົບ​ອຸ່ນ​ມາ​ຍັງ​ຜູ້ປະສານງານ ຂອງ​ ອົງການ ສປຊ ຄົນ​ໃໝ່ ປະຈຳ ສປປ ລາວ ພ້ອມ​ທັງ​ສະ​ແດງ​ຄວາມ​ຂອບ​ໃຈ ​ແລະ ຕີ​ລາຄາ​ສູງ​ຕໍ່​ການມາຮັບໜ້າທີ່ຂອງຜູ້ກ່ຽວ ເຊິ່ງເປັນຜູ້ທຳອິດ ທີ່ມາດຳລົງຕຳແໜ່ງດັ່ງກ່າວ ພາຍຫລັງທີ່ອົງການສະຫະປະຊາຊາດ ໄດ້ມີການປະຕິຮູບກົນໄກການເຮັດວຽກຂອງຕົນ ໂດຍສະເພາະແມ່ນການແຍກ​ຫ້ອງການ ຜູ້ປະສານງານຂອງອົງການ ສປຊ ອອກຈາກ ອົງການ ສປຊ ເພື່ອການພັດທະນາ (UNDP) ຢ່າງຂາດຕົວ, ທັງນີ້ກໍເພື່ອຍົກບົດບາດວຽກງານປະສານງານຂອງ ສປຊ ໃນລະດັບຊາດໃຫ້ມີປະສິດຕິພາບ ແລະ ປະສິດຕິຜົນສູງກວ່າເກົ່າ.​ ໃນນັ້ນ, ທ່ານ ສະເຫລີມໄຊ ກົມມະສິດ ​ຍັງ​ໄດ້ສະແດງຄວາມເຊື່ອໝັັ້ນວ່າ ພາຍ​ໃຕ້​ການ​ນຳພາ​ຂອງ ທ່ານ ນາງ Sara Sekness-Tollefsen, ໃນຖານະເປັນຜູ້ສານງານຂອງອົງການ ສປຊ, ອົງການ ສປຊ ແລະ ອົງການເຄືອຂ່າຍ ສປຊ ປະຈຳ ສປປ ລາວ ຈະ​ເພີ່ມ​ທະວີ​ການ​ຮ່ວມ​ມື ​ແລະ ​ສືບຕໍ່​ໃຫ້ການສະໜັບສະໜູນ​ແກ່ ສປປ ລາວ ​ໃນ​ການຈັດ​ຕັ້ງ​ປະຕິບັດບັນດາວຽກງານທີ່ເປັນບູລິມະສິດຂອງລັດຖະບານໂດຍສະເພາະແມ່ນວຽກງານລົບລ້າງຄວາມທຸກຍາກ ແລະ ຫລຸດຜ່ອນຄວາມແຕກໂຕນດ້ານການພັດທະນາ ໂດຍສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ຂອງລັດຖະບານໃນແຕ່ລະໄລຍະ, ແນ່ໃສ່ນຳພາປະເທດຫລຸດພົ້ນອອກຈາກສະຖານະພາບປະເທດດ້ອຍພັດທະນາ, ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (ປພຍ) ແລະ ການກວດກູ້ລະເບີດບໍ່ທັນແຕກ ຢູ່ ສປປ ລາວ ພ້ອມທັງເຮັດໃຫ້ການພັດທະນາຂອງ ສປປ ລາວ ຄ່ອຍໆຍັບເຂົ້າໃກ້ລະດັບການພັດທະນາຂອງພາກພື້ນ ແລະ ສາກົນ. ຕອນທ້າຍນີ້, ທ່ານ ລັດຖະມົນຕີ ກໍ່​ຍັງ​ສະ​ແດງຄວາມ​ຂອບ​ໃຈ ພ້ອມ​ທັງ​ອວຍພອນ​ໃຫ້​ທ່ານ ນາງ ຊາຣາ ເຊເກັນເນັສ ໂທເຣັຟເຊັນ ​ຈົ່ງປະສົບ​ຜົນສຳ​ເລັດ​ໃນ​ການມາ​ປະຕິບັດ​ໜ້າ​ທີ່​ຂອງ​ທ່ານ ຢູ່ ສປປ ລາວ ໃນຄັ້ງນີ້.​

​          ໃນໂອກາດ​ດຽວ​ກັນ​ນີ້,​ ທ່ານ ນາງ ຊາຣາ ເຊເກັນເນັສ ໂທເຣັຟເຊັນ ກໍ່​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ການ​ຕ້ອນຮັບ​ອົບ​ອຸ່ນ​ຂອງ ທ່ານ ສະເຫລີມໄຊ ກົມມະສິດ, ​ລັດຖະມົນຕີ​ກະຊວງ​ການ​ຕ່າງປະ​ເທດ ​ແລະ ສະ​ແດງ​ຄວາມ​ຂອບ​ໃຈ​ມາ​ຍັງ​ລັດຖະບານ ​ແຫ່ງ ສປປ ລາວ ທີ່​ໄດ້​ອະນຸມັດ​ໃຫ້​ທ່ານ ມາ​ປະຕິບັດ​ໜ້າ​ທີ່ຢູ່ ສປປ ລາວ. ທ່ານ​ຍັງ​ໄດ້​ໃຫ້​ຄຳ​ໝັ້ນ​ສັນຍາ​ວ່າ​ ໃນນາມ UNRC ທ່ານຈະ​ສືບ​ຕໍ່ເພີ່ມ​ທະວີ​ບົດບາດຂອງຕົນໃນການປະສານງານ ແລະ ເປັນຂົວຕໍ່ໃຫ້ແກ່ການ​ຮ່ວມ​ມື ແລະ ເຮັດວຽກຢ່າງໃກ້ຊິດ ລະຫວ່າງ ອົງການເຄືອຄ່າຍ ສປຊ ແລະ ​ລັດຖະບານ ສປປ ລາວ ​ໃນ​ການຈັດ​ຕັ້ງ​ປະຕິບັດ​ແຜນງານຕ່າງໆ ທີ່ເປັນບູລິມະສິດຂອງ ສປປ ລາວ ​ໃຫ້​ໄດ້​ຮັບ​ໝາກຜົນທີ່​ດີ​ໃນຕໍ່ໜ້າ. ​ ​

ບົດຂ່າວອື່ນໆ

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
187428
ມື້ນີ້31
ມື້ວານ94
ອາທິດນີ້3
ເດືອນນີ້3288
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710