ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ສ.ເກົາຫລີ ຄັ້ງທີ 9 ແລະ ແມ່ນ້ຳຂອງ-ຍີ່ປຸ່ນ ຄັ້ງທີ 12

AMMDay5-0 AMMDay5-1 AMMDay5-2 AMMDay5-3

 

ໃນວັນທີ 3 ສິງຫາ 2019, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ສ.ເກົາ​ຫລີ ຄັ້ງທີ 9 ແລະ ຂອບ​ການ​ຮ່ວມ​ມືແມ່ນໍ້າຂອງ-ຍີ່​ປຸ່ນ ຄັ້ງທີ 12ທີ່ ບາງກອກ, ປະ​ເທດ ໄທ, ຊຶ່ງມີບັນດາລັດຖະມົນຕີ ແລະ ຄະນະຜູ້ແທນ ຈາກປະເທດແມ່ນໍ້າຂອງ (ກໍາປູເຈຍ, ລາວ, ມຽນມາ, ໄທ, ຫວຽດນາມ) ແລະ ບັນດາຄູ່ຮ່ວມພັດທະນາ (ສ. ເກົາ​ຫລີ ແລະ ຍີ່​ປຸ່ນ) ເຂົ້າ​ຮ່ວມ​ຢ່າງພ້ອມພຽງ.

ກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ສ. ເກົາຫຼີ ຄັ້ງທີ 9 ພາຍໃຕ້ການເປັນປະທານຮ່ວມລະຫວ່າງ ທ່ານລັດຖະມົນຕີຕ່າງປະເທດ ສ.ເກົາຫລີ ແລະ ລັດຖະມົນຕີຕ່າງປະເທດ ໄທ​. ກອງປະຊຸມໄດ້ທົບທວນຄືນຄວາມຄືບໜ້າການຈັດຕັ້ງປະຕິບັດ ແລະ ຜັນ​ຂະ​ຫຍາຍ ຖະແຫຼງການຮ່ວມ ກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ສ. ເກົາຫຼີ ຄັ້ງທີ 8 ແລະ ແຜນປະຕິບັດງານ ແມ່ນໍ້າຂອງ-ສ.ເກົາຫຼີ 2017-2020, ເປັນ​ຕົ້ນ​ແມ່ນ ການ​ຮ່ວມ​ມື​ໃນ 6 ຂະແໜງການ ບູລິມະສິດ ເຊັ່ນ: ເຕັກ​ໂນ​ໂລ​ຊີ, ຂໍ້​ມູນ​ຂ່າວ​ສານ ແລະ​ ການ​ສື່​ສານ, ການ​ປັບ​ປຸງ​ພື້ນ​ຖານ​ໂຄງ​ລ່າງ, ສິ່ງ​ແວດ​ລ້ອມ-ປ່າ​ໄມ້ ເພື່ອ​ເລັ່ງ​ໃສ່​ການ​ພັດ​ທະ​ນາ​ສີ​ຂຽວ, ຊັບ​ພະ​ຍາ​ກອນ​ນ້ຳ, ກະ​ສິ​ກຳ ແລະ ການ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ ເພື່ອ​ສະ​ໜັບ​ສະ​ໜູນ 3 ແຜນງານ​ຂອງ​ຂອບ​ການ​ຮ່ວມ​ມື​ດັ່ງ​ກ່າວ (ເສີມ​ຂະ​ຫຍາຍ​ການ​ເຊື່ອມ​ຈອດ​ອາ​ຊຽນ, ການ​ພັດ​ທະ​ນາ​ແບບ​ຍືນ​ຍົງ, ການ​ພັດ​ທະ​ນາ​ທີ່​ໃຊ້​ທ່າ​ແຮງ​ຂອງ​ຄົນ), ພ້ອມ​ດຽວ​ກັນ​ນີ້, ກອງ​ປະ​ຊຸມ​ຍັງ​ໄດ້ທົບ​ທວນ ຄວາມຄືບໜ້າການຈັດຕັ້ງປະຕິບັດໂຄງການ ແລະ ການ​ຮັບ​ຮອງ​ເອົາ​ໂຄງ​ການ​ໃໝ່​ ທີ່ໄດ້​ຮັບ​ການ​ຊ່ວຍເຫຼືອຈາກ ກອງທຶນແມ່ນໍ້າຂອງ-ສ. ເກົາຫຼີ ປີ 2019;      ສຳ​ລັບ ສປປ ລາວ ແມ່ນກຳລັງຈັດຕັ້ງປະຕິບັດຢູ່ 2 ໂຄງການ ມີມູນ​ຄ່າ 773.493 ໂດ​ລາ​ສະ​ຫະ​ລັດ ແລະ ອີກ 1 ໂຄງ​ການໄດ້​ຮັບ​ໃໝ່ ມູນ​ຄ່າ 490.000 ໂດ​ລາ​ສະ​ຫະ​ລັດ. ນອກ​ຈາກນີ້, ກອງປະຊຸມໄດ້ຮ່ວມກັນປືກສາຫາລື ແຜນການຮ່ວມມືໃນຕໍ່ໜ້າ ໂດຍສະເພາະ ແມ່ນ​ກະ​ກຽມ​ໃຫ້​ແກ່ ກອງປະຊຸມສຸດຍອດ ຄັ້ງ​ປະ​ຖົມ​ມະ​ລຶກ ໃນທ້າຍ​ເດືອນ ພະ​ຈິກ 2019 ທີ່ ສ.ເກົາ​ຫລີ ແລະ ໄດ້​ຮັບ​ຮອງເອົາຖະແຫຼງການຮ່ວມຂອງກອງປະຊຸມລັດຖະມົນຕີຕ່າງປະເທດແມ່ນໍ້າຂອງ - ສ. ເກົາຫຼີ ຄັ້ງທີ 9.

ໃນວັນດຽວກັນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ຍັງ​ໄດ້​ເຂົ້າ​ຮ່ວມກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ຍີ່​ປຸ່ນ​ ຄັ້ງທີ 12, ພາຍໃຕ້ການເປັນປະທານຮ່ວມລະຫວ່າງທ່ານລັດຖະມົນຕີຕ່າງປະເທດຍີ່ປຸ່ນ ແລະ ທ່ານລັດຖະມົນຕີຕ່າງປະເທດ ໄທ. ກອງປະຊຸມ ໄດ້ທົບທວນຄືນຄວາມຄືບໜ້າການຈັດຕັ້ງປະຕິບັດວຽກງານຕ່າງໆພາຍໃຕ້ຂອບການຮ່ວມມືດັ່ງກ່າວ ໃນໄລຍະ 1 ປີຜ່ານມາ ໂດຍສະເພາະແມ່ນການຈັດຕັ້ງປະຕິບັດບັນດາໂຄງການ ພາຍໃຕ້ ຍຸດທະສາດໂຕກຽວ 2018 ທີ່ບັນດາຜູ້ນຳໄດ້ຮັບຮອງເອົາໃນກອງປະຊຸມສຸດຍອດແມ່ນ້ຳຂອງ-ຍີ່ປຸ່ນ ຄັ້ງທີ 10 ໃນປີ 2018. ລາວ ໄດ້ສະແດງຄວາມຂອບໃຈຕໍ່ ຍີ່ປຸ່ນ ທີ່ໄດ້ໃຫ້ການຊ່ວຍເຫຼືອບັນດາໂຄງການການເຊື່ອມຈອດພື້ນຖານໂຄງລ່າງ ແລະ ໂຄງບົນ ເຊັ່ນ: ການພັດທະນາຊັບພະຍາກອນມະນຸດ, ການຊ່ວຍເຫຼືອດ້ານເຕັກນິກ ແລະ ການພັດທະນາພື້ນຖານໂຄງລ່າງຕາມແລວເສດຖະກິດຕາເວັນອອກ-ຕາເວັນຕົກ ແລະ ແລວເສດຖະກິດພາກໃຕ້. ນອກຈາກນີ້ ກອງປະຊຸມຍັງໄດ້ ສະແດງຄວາມຊົມເຊີຍຕໍ່ຂໍ້ລິເລີ່ມຄວາມເປັນຫຸ້ນສວ່ນ ຍີ່ປຸ່ນ-.ອາເມລິກາທີ່ໄດ້ປະກາດຈະໃຫ້ກາຊ່ວຍເຫຼືອມູນຄ່າ29,5 ລ້ານ ໂດລາສະຫະລັດ ໃຫ້ແກ່ ບັນດາປະເທດພາກພື້ນແມ່ນ້ຳຂອງ ເພື່ອພັດທະນາຂະແໜງການພະລັງງານ ແລະ ໂຄງລ່າງ. ພ້ອມດຽວກັນນີ້, ກອງປະຊຸມຍັງໄດ້ປຶກສາຫາລືແລກປ່ຽນຄຳຄິດເຫັນກ່ຽວກັບ ການຮ່ວມມືໃນອານາຄົດ, ການກະກຽມໃຫ້ແກ່ ກອງປະຊຸມສຸດຍອດແມ່ນ້ຳຂອງ-ຍີ່ປຸ່ນ ຄັ້ງທີ 11, ຊຶ່ງຈະຈັດຂຶ້ນໃນ ເດືອນພະຈິກ 2019 ທີ່ ປະເທດໄທ ແລະ ໄດ້ຮັບຮອງເອົາຖະ​ແຫຼງການ​​ປະທານຮ່ວມ ຂອງ ກອງ​ປະຊຸມ​ລັດຖະມົນຕີ​ຕ່າງປະ​ເທດ​ ແມ່ນ້ຳ​ຂອງ-ຍີ່​ປຸ່ນ ຄັ້ງ​ທີ 12.

 

 

ບົດຂ່າວອື່ນໆ

a
ແຈ້ງການ

* ນາຍົກລັດຖະມົນຕີ ພ້ອມດ້ວຍຄະນະ ຜູ້ແທນ ສປປ ລາວ ຈະເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
190187
ມື້ນີ້18
ມື້ວານ115
ອາທິດນີ້682
ເດືອນນີ້1519
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710