ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມສາມັນປະຈຳປີ ຄັ້ງທີ XXIX ຄະນະຜູ້ແທນຊາຍແດນ ລາວ-ຫວຽດນາມ

261219XDSLXa

 

261219XDSLXb

 

261219XDSLXc

 

ກອງປະຊຸມສາມັນປະຈຳປີ ຄັ້ງທີ 29 ລະຫວ່າງ ຄະນະຜູ້ແທນຊາຍແດນ ລາວ-ຫວຽດນາມໄດ້ຈັດຂຶ້ນ ໃນ​ວັນທີ 26 ທັນ​ວາ 2019, ທີ່ ນະຄອນຫຼວງ​ຮ່າໂນ້ຍ, ສສ. ຫວຽດນາມ. ຄະນະຜູ້ແທນຊາຍແດນຝ່າຍລາວ ນຳໂດຍ ສະຫາຍ ສະ​ເຫຼີ​ມ​ໄຊ ກົມມະ​ສິດ, ກຳມະການ​ສູນ​ກາງ​ພັກ, ລັດຖະມົນຕີກະຊວງການຕ່າງປະເທດ, ຫົວໜ້າຄະນະຜູ້ແທນຊາຍແດນ ລາວ-ຫວຽດນາມແລະ ຝ່າຍຫວຽດນາມ ນຳໂດຍ ສະຫາຍເລ ຮວ່າຈຸງ, ກຳມະການສູນກາງພັກ, ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະຜູ້​​ແທນຊາຍແດນ ຫວຽດນາມ-ລາວ. ​ຊຶ່ງມີ​​​ບັນດາຮອງເຈົ້າແຂວງຂອງຄູ່ແຂວງ ທີ່ມີຊາຍແດນຕິດຈອດກັນ ແລະ ຜູ້ຕາງໜ້າຂະແໜງການທີ່​ກ່ຽວຂ້ອງອ້ອມຂ້າງສູນກາງ ແລະ ທ້ອງຖິ່ນຂອງສອງປະເທດ ເຂົ້າ​ຮ່ວມ.

 

ກອງປະຊຸມຄັ້ງນີ້, ໄດ້ທົບທວນຄືນການຈັດຕັ້ງປະຕິບັດສັນຍາ, ອານຸສັນຍາວ່າດ້ວຍລະບຽບການຊາຍແດນ ແລະ ດ່ານຊາຍແດນປະເທດ ລາວ-ຫວຽດນາມ ທີ່ໄດ້ລົງນາມຮ່ວມກັນ ໃນປີ 2016 ແລະ ປະຕິບັດຕາມບົດບັນທຶກກອງປະຊຸມ ຄະນະຜູ້ແທນຊາຍແດນ ລາວ-ຫວຽດນາມ ຄັ້ງທີ 28 ໃນໜຶ່ງປີຜ່ານມາ, ສອງຝ່າຍ ໄດ້ສັງເກດຕີລາຄາຄືນດ້ານຕັ້ງໜ້າ ແລະ ດ້ານຫຍໍ້ທໍ້ຕ່າງໆ ກ່ຽວກັບ ການຮ່ວມມືວຽກງານການຄຸ້ມອງຊາຍແດນ ໃນ 01​ ປີ ຜ່ານມາ ແລະ ວາງແຜນການຮ່ວມມືໃນຕໍ່ໜ້າ, ສະຫຼຸບການຈັດຕັ້ງປະຕິບັດຂໍ້ຕົກລົງ ວ່າດ້ວຍ ການແກ້ໄຂບັນຫາຜູ້ຍົກຍ້າຍຕັ້ງພູມລຳເນົາຕາມລຳພັງໃຈແລະສ້າງຄອບຄົວບໍ່ຖືກລະບຽບຢູ່ຕາມບໍລິເວນຊາຍແດນ ລາວ-ຫວຽດນາມ, ​ສອງ​ຝ່າຍ ​ໄດ້​ຕີ​ລາ​ຄາ​ສູງຕໍ່​ການ​ປະ​ຕິ​ບັດ​ໜ້າ​ທີ່​ຂອງອົງການຊາຍແດນ ແລະ ​ເຈົ້າ​ໜ້າ​ທີ່​ຊາຍ​ແດນ ​ນັບ​ແຕ່​ຂັ້ນ​ສູນ​ກາງ​ລົງ​ຮອດ​ທ້ອງຖິ່ນ​ ທີ່ປະກອບສ່ວນ​​ເຂົ້າໃນວຽກ​ງານຄຸ້ມ​ຄອງຄວາມເປັນລະບຽບຮ້ອຍຢູ່ຕາມບໍລິເວນຊາຍແດນ ລະຫວ່າງສອງປະເທດ ແລະ ເຫັນດີເພີ່ມທະວີການສຶກສາອົບຮົມເຜີຍແຜ່ໃຫ້ປະຊາຊົນເຂົ້າໃຈ ກ່ຽວກັບ ລະບຽບການຊາຍແດນ, ຊຶ່ງໄດ້ເປັນການປະກອບສ່ວນຢ່າງຕັ້ງໜ້າ ເຂົ້າໃນການເພີ່ມທະວີສາຍພົວພັນມິດຕະພາບອັນຍິ່ງໃຫ່ຍທີ່ເປັນມູນເຊື້ອ, ຄວາມສາມັກຄີພິເສດແລະ ການຮ່ວມມືຮອບດ້ານ ລາວ-ຫວຽດນາມ. ທັງນີ້, ເພື່ອສ້າງຊາຍແດນຂອງສອງປະເທດ ໃຫ້ກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມືພັດທະນາ ແບບຍືນຍົງ​ຕະ​ຫຼອດ​ການ.

 

ພ້ອມກັນນັ້ນ, ສອງຝ່າຍ ​​ຍັງໄດ້ເປັນເອກະພາບ​ກັນ ​ວາງ​ທິດ​ທາງແຜນການຈັດຕັ້ງ​ປະຕິບັດ​ວຽກ​ງານໃນຕໍ່ໜ້າ ກ່ຽວກັບ ວຽກງານການຄຸ້ມຄອງຊາຍແດນ ລະຫວ່າງສອງປະເທດ,​ ໂດຍຈະສຸມໃສ່ວຽກງານ​ໂຄສະນາ​ເຜີຍ​ແຜ່​ລະບຽບ​ການຄຸ້ມຄອງຊາຍແດນ, ການ​ປົກ​ປັກ​ຮັກສາ​ຊາຍ​ແດນ ​ແລະ ຫຼັກໝາຍ​ຊາຍ​ແດນ​ປະ​ເທດ.​ ໃຫ້​ປະຊາຊົນ​ຢູ່​ຕາ​ມບໍລິ​ເວນ​ຊາຍ​ແດນເຂົ້າ​ໃຈ​ແຈ້ງ​ ກ່ຽວ​ກັບ ​ເຂດ​ອຳນາດ​ອະທິປະ​ໄຕ ​ແລະ ຜືນ​ແຜ່ນ​ດິນ​ອັບ​ຄົບ​ຖ້ວນ​ຂອງຊາດ. ສອງ​ຝ່າຍ ​ຈະເພີ່ມທະວີບັນດາມາດຕະການຊຸກຍູ້ໃຫ້​​ເສດຖະກິດ, ການຄ້າ, ວັດທະນະທຳ, ການທ່ອງທ່ຽວຢູ່ຕາມບໍລິເວນຊາຍແດນ ໃຫ້ມີການຂະຫຍາຍຕົວ,ຂຶ້ນແຜນ​ຍຸດ​ທະ​ສາດການຄຸ້ມຄອງພັດທະນາດ່ານ ແຕ່ນີ້​ຮອດ​ປີ 2030 ແລະ ວິ​ໃສ​ທັດ​ຮອດ​ປີ 2050, ກະກຽມການເປີດດ່ານ ແລະ ຍົກລະດັບດ່ານ ດາກຕະອ໊ອກ (ແຂວງເຊກອງ)-ນາມຢາງ (ແຂວງກວາງນາມ) ຂຶ້ນເປັນດ່ານສາກົນ ໃນໄຕມາດມາດທີ I ປີ 2020 ແລະ ດ່ານທ້ອງຖິ່ນປ່າຫ່າງ (ແຂວງຫົວພັນ)-ລອງເຊີບ (ແຂວງແທງຮວາ) ຂື້ນເປັນດ່ານສາກົນ ໃນປີ 2020, ກະກຽມຈັດກອງປະຊຸມສະຫຼຸບການຈັດຕັ້ງປະຕິບັດ ການເຮັດທົດລອງຮູບແບບການກວດກາ “ປະຕູດຽວຄັ້ງດຽວ” ຢູ່ຄູ່ດ່ານສາກົນແດນສະຫວັນ (ແຂວງສະຫວັນນະເຂດ)-ລາວບາວ (ກວາງນາມ).

 

ສອງຝ່າຍ ໄດ້ເປັນເອກະພາບກັນນຳເອົາເນື້ອໃນຈິດໃຈ ບົດບັນທຶກກອງປະຊຸມ ຄັ້ງທີ 29 ຂອງຄະນະຜູ້ແທນຊາຍແດນ ລາວ-ຫວຽດນາມ ນຳໄປຈັດຕັ້ງຜັນຂະຫຍາຍ ໃຫ້ໄດ້ຮັບປະສິດທິພາບສູງ.

 

ກອງປະຊຸມໄດ້ຈັດຂຶ້ນໃນທ່າມກາງບັນຍາກາດ​ ​ແຫ່ງ ສາຍພົວພັນມິດຕະພາບອັນຍິ່ງໃຫ່ຍ, ຄວາມສາມັກຄີແບບພິເສດແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດແລະ ປະຊາຊົນສອງຊາດໄດ້ຮັບການເພີ່ມພູນຄູນສ້າງແລະ ຂະຫຍາຍຕົວເຂົ້າສູ່ລວງເລິກ ແລະ ລວງກວ້າງ ຢ່າງບໍ່ຢຸດຢັ້ງ.

ບົດຂ່າວອື່ນໆ

a
ແຈ້ງການ

* ລັດຖະມົນຕີຕ່າງປະເທດ ແຫ່ງ ສປ ຈີນ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195374
ມື້ນີ້10
ມື້ວານ96
ອາທິດນີ້371
ເດືອນນີ້1948
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710