ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມພາກອະພິປາຍທົ່ວໄປຂອງສະມັດຊາໃຫຍ່ອົງການສະຫະປະຊາຊາດ ສະໄໝທີ 74

2019.9.26-UNGA

    ກອງປະຊຸມພາກອະພິປາຍທົ່ວໄປ ຂອງສະມັດຊາໃຫຍ່ອົງການສະຫະປະຊາຊາດ ສະໄໝທີ 74ໄດ້ໄຂຂຶ້ນຢ່າງເປັນທາງການ ໃນວັນທີ 24 ກັນຍາ 2019 ຜ່ານມາ ຢູ່ ສໍານັກງານໃຫຍ່ຂອງອົງການສະຫະປະຊາດ ທີ່ ນະຄອນນິວຢອກ, ສະຫະລັດ ອາເມລິກາ ພາຍໃຕ້ການເປັນປະທານຂອງ ທ່ານ ສາສະດາຈານ Tijjani Muhammad-Bande, ປະທານສະມັດຊາໃຫຍ່ ສປຊ ສະໄໝທີ 74 ຈາກປະເທດ ໄນຈີເຣຍ, ໂດຍມີຫົວໜ້າຄະນະຜູ້ແທນຂັ້ນປະມຸກລັດ, ຫົວໜ້າລັດຖະບານແລະຮອງປະທານປະເທດຈໍານວນ 149 ທ່ານ, ຂັ້ນຮອງນາຍົກລັດຖະມົນຕີແລະລັດຖະມົນຕີການຕ່າງປະເທດ 42 ທ່ານ ໄດ້ເຂົ້າຮ່ວມ ແລະ ຜັດປ່ຽນກັນຂຶ້ນກ່າວປາໄສ.

   ກອງປະຊຸມສະມັດຊາໃຫຍ່ຄັ້ງນີ້ ໄດ້ດໍາເນີນພາຍໃຕ້ຫົວຂໍ້ "ການເພີ່ມທະວີຄວາມພະຍາຍາມໃນການຮ່ວມມືຫຼາຍຝ່າຍ ເພື່ອລຶບລ້າງຄວາມທຸກຍາກ, ການສຶກສາທີ່ມີຄຸນນະພາບ, ການຮັບມືການປ່ຽນແປງດິນຟ້າອາກາດ ແລະ ການມີສ່ວນຮ່ວມຢ່າງທົ່ວເຖິງ (Galvanizing multilateral efforts for poverty eradication, quality education, climate action and inclusion), ຊຶ່ງເປັນເວທີສໍາລັບຜູ້ນໍາຂັ້ນສູງຈາກປະເທດຕ່າງໆ ຖະແຫຼງທັດສະນະຂອງປະເທດຕົນຕໍ່ກັບບັນຫາສຳຄັນຕ່າງໆຂອງໂລກ ເຊັ່ນ ບັນຫາສັນຕິພາບ ແລະ ຄວາມໝັ້ນຄົງສາກົນ, ການກໍ່ການຮ້າຍ,ຄວາມບໍ່ສະຫງົບຢູ່ຕາເວັນອອກກາງ, ການບໍ່ແຜ່ຜາຍອາວຸດນິວເຄຼຍ, ການປ່ຽນແປງດິນຟ້າອາກາດ, ໄພພິບັດທາງທຳມະຊາດ, ຂໍ້ຂັດແຍ່ງທາງດ້ານການຄ້າ, ອາຊະຍາກຳຂ້າມຊາດ, ການຄ້າຂາຍຢາເສບຕິດ, ການເຄື່ອນຍ້າຍຖິ່ນຖານ, ການລຶບລ້າງຄວາມທຸກຍາກ, ໄພອຶດຫິວ, ຄວາມສະເໝີພາບຍິງ-ຊາຍ, ການຈໍາແນກເຊື້ອຊາດຜິວພັນ ແລະ ບັນຫາອື່ນໆ ທີ່ຕິດພັນໂດຍກົງຕໍ່ການປົກປັກຮັກສາສັນຕິພາບໂລກ ແລະ ການພັດທະນາຂອງສາກົນ. ຜູ້ນຳຈາກຫຼາຍປະເທດຕ່າງກໍໄດ້ໃຫ້ຄຳໝັ້ນສັນຍາໃນການປະກອບສ່ວນເຂົ້າໃນການແກ້ໄຂສິ່ງທ້າທາຍຕ່າງໆທີ່ປະຊາຄົມໂລກພວມປະເຊີນໜ້າ ພ້ອມທັງຮຽກຮ້ອງໃຫ້ວົງຄະນະຍາດສາກົນເພີ່ມທະວີການຮ່ວມມືກັນໃຫ້ຫຼາຍຂື້ນເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ, ຄວາມໝັ້ນຄົງ ແລະ ສົ່ງເສີມການພັດທະນາແບບຍືນຍົງຢູ່ໃນໂລກນີ້ ບົນຫຼັກການແຫ່ງຄວາມສະເໝີພາບ ພາຍໃຕ້ກົດໝາຍສາກົນ. ປະທານສະມັດຊາໃຫຍ່ ຍັງໄດ້ຖະແຫລງ 5 ຂົງເຂດວຽກງານທີ່ເປັນບຸລິມະສິດຂອງຕົນ ເພື່ອເປັນທິດທາງໃຫ້ປະເທດສະມາຊິກຮ່ວມກັນປຶກສາຫາລື ແລະ ພ້ອມກັນແກ້ໄຂ ຄື: ການລຶບລ້າງຄວາມທຸກຍາກ, ການລຶບລ້າງໄພອຶດຫີວ, ການສົ່ງເສີມການສຶກສາທີ່ມີຄຸນນະພາບ, ການແກ້ໄຂບັນຫາການປ່ຽນແປງຂອງດິນຟ້າອາກາດ ໂດຍການມີສ່ວນຮ່ວມຂອງທຸກພາກສ່ວນໃນສັງຄົມ.​ ຄະນະຜູ້ແທນ ສປປ ລາວ ນໍາໂດຍ ທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ຈະຂຶ້ນກ່າວປາໄສໃນພາກອະພິປາຍທົ່ວໄປຂອງກອງປະຊຸມສະມັດຊາໃຫຍ່ ສປຊ ໃນຕອນບ່າຍຂອງວັນທີ 28 ກັນຍາ 2019.ຫລັງຈາກນັ້ນ, ກອງປະຊຸມດັ່ງກ່າວຈະສືບຕໍ່ດໍາເນີນໄປຈົນເຖິງວັນທີ 30 ກັນຍາ 2019.

  ໃນໂອກາດເຂົ້າຮ່ວມກອງປະຊຸມສະມັດຊາໃຫຍ່ຄັ້ງນີ້, ຄະນະຜູ້ແທນ ສປປ ລາວ ຍັງໄດ້ເຂົ້າຮ່ວມກອງປະຊຸມປິ່ນອ້ອມຈຳນວນໜຶ່ງ ເຊັ່ນ: ກອງປະຊຸມສຸດຍອດ ເພື່ອທົບທວນຄືນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ, ກອງປະຊຸມປຶກສາຫາລືລະດັບສູງ ວ່າດ້ວຍການເງິນເພື່ອການພັດທະນາ, ກອງປະຊຸມສຸດຍອດ ວ່າດ້ວຍການປ່ຽນແປງດິນຟ້າອາກາດ ຊຶ່ງເປັນກົນໄກທົບທວນຄົບຮອບ 4 ປີ ພາຍຫລັງທີ່ໄດ້ຮັບຮອງເອົາວາລະ 2030 ເພື່ອການພັດທະນາແບບຍືນຍົງ ໂດຍປະເທດສະມາຊິກ ສປຊ ໃນປີ 2015.

ບົດຂ່າວອື່ນໆ

a
ແຈ້ງການ

* ລັດ​ຖະ​ມົນ​ຕີ​ກະຊ​ວງ​ການ​ຕ່າງ​ປະ​ເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສາທາລະນະລັດ ກູບາ ຢ່າງເປັນທາງການ

*ກຳນົດການຈັດຕັ້ງປະຕິບັດ ປິດໜ່ວຍງານອອກວິຊາກັບດ່ານສາກົນ ຈຳນວນ 09 ດ່ານ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
196866
ມື້ນີ້21
ມື້ວານ99
ອາທິດນີ້668
ເດືອນນີ້2260
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710