ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຜົນການພົບປະສອງຝ່າຍ ໃນຮູບແບບທາງໄກ ລະຫວ່າງ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ສປ ຈີນ

 

Lao-China1

Lao-China2

Lao-china 3

 

ໃນຕອນບ່າຍຂອງວັນ​ທີ 09 ກັນຍາ 2021, ສະຫາຍ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະສອງຝ່າຍໃນຮູບແບບທາງໄກກັບ ສະຫາຍ ຫວັງ ອີ້, ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ເພື່ອເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ ລະຫວ່າງ ລາວ-ຈີນ ກໍຄື ການເປັນຄູ່ຮ່ວມມືຍຸດທະສາດຮອບດ້ານ, ໝັ້ນຄົງຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ.

ໃນການພົບປະດັ່ງກ່າວ, ສະຫາຍ ສະເຫຼີມໄຊ ກົມມະສິດ ໄດ້ສະແດງຄວາມຍິນດີ ທີ່ໄດ້ພົບປະກັບ ສະຫາຍ ຫວັງ ອີ້ ພາຍຫຼັງທີ່ໄດ້ພົບປະກັນ ຢູ່ ນະຄອນຊົງຊິ້ງ ໃນຕົ້ນເດືອນມິຖຸນາ ທີ່ຜ່ານມາ, ຊຶ່ງການພົບປະຄັ້ງນີ້ຖືເປັນໂອກາດທີ່ສໍາຄັນເປັນຢ່າງຍິ່ງ ໃນການແລກປ່ຽນຄຳຄິດຄໍາເຫັນຮ່ວມກັນ ແລະ ເປັນເອກະພາບກັນ ຕໍ່ການຮ່ວມມືສອງຝ່າຍ ກໍຄື ລະຫວ່າງ ສອງກະຊວງການຕ່າງປະເທດ ໃນໄລຍະທີ່ຜ່ານມາ ພາຍໃຕ້ສະພາບການລະບາດຂອງພະຍາດໂຄວິດ-19 ແລະ ສະພາບການຂອງສາກົນໃນປັດຈຸບັນ.

ໃນໂອກາດນີ້, ສອງຝ່າຍ ໄດ້ຕີລາຄາສູງຕໍ່ການພົວພັນແບບຄູ່ຮ່ວມມືຍຸດທະສາດຮອບດ້ານ ໝັ້ນຄົງຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກຳ ລາວ-ຈີນ, ຈີນ-ລາວ ລະຫວ່າງ ສອງພັກ, ສອງລັດ ກໍຄືປະຊາຊົນສອງຊາດ, ຊຶ່ງໄດ້ຮັບການເສີມຂະຫຍາຍຢ່າງມີໝາກຜົນຕົວຈິງຢ່າງຕໍ່ເນື່ອງ ແລະ ເປັນຍຸດທະສາດທີ່ບໍ່ສາມາດທັບມ້າງໄດ້ເຖິງແມ່ນວ່າສະພາບເງື່ອນໄຂໃນການພົບປະ ຈະບໍ່ເອື້ອອໍານວຍຄືໃນເມື່ອກ່ອນ ເນື່ອງຈາກການລະບາດຂອງພະຍາດໂຄວິດ-19, ແຕ່ການນໍາຂັ້ນສູງຂອງສອງປະເທດ ຍັງຮັກສາການແລກປ່ຽນພົວພັນນຳກັນ ດ້ວຍການພົບປະຜ່ານລະບົບທາງໄກ ຢ່າງເປັນປົກກະຕິ. ສອງຝ່າຍ ຍັງສະແດງຄວາມຍິນດີ ທີ່ເຫັນວ່າ ເເຜນແມ່ບົດການສ້າງຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ ແລະ ມີຜົນສຳເລັດເປັນຮູບປະທໍາຫຼາຍດ້ານ, ຍ້ອນການນໍາຂອງສອງພັກ-ສອງລັດ ໄດ້ເອົາໃຈໃສ່ຕິດຕາມຊີ້ນໍາຢ່າງໃກ້ຊິດ ແລະ ໄດ້ຖືເອົາແຜນແມ່ບົດດັ່ງກ່າວ ເປັນເອກະສານສໍາຄັນພື້ນຖານຂອງການຮ່ວມມືສອງຝ່າຍໃນໄລຍະໃໝ່. ສຳລັບປີ 2021 ນີ້ເປັນປີໜຶ່ງທີ່ມີຄວາມໝາຍຄວາມສໍາຄັນຂອງການພົວພັນຂອງສອງປະເທດ, ເພາະເປັນປີຄົບຮອບ 60 ປີ ແຫ່ງການສ້າງສາຍພົວພັນການທູດລະຫວ່າງສອງປະເທດ ໃນເດືອນເມສາທີ່ຜ່ານມາ ແລະ ກໍເປັນປີມິດຕະພາບ ລາວ-ຈີນ ແລະ ໃນວັນທີ 01 ກໍລະກົດ 2021 ຍັງເປັນປີ ຄົບຮອບ 100 ປີ ການສ້າງຕັ້ງພັກກອມມູນິດຈີນ ເປັນປີທີ່ີມີຄວາມໝາຍພິເສດຕໍ່ ສປ ຈີນ ໃນການບັນລຸຍຸດທະສາດການລົບລ້າງຄວາມທຸກຍາກ ໃນຂອບເຂດທົ່ວປະເທດ ແລະ ການບັນລຸເປົ້າ  ໝາຍໃນການສ້າງສັງຄົມອີ່ມໜຳສຳລານຂອງພັກກອມມູນິດຈີນ. ພ້ອມກັນນີ້, ສອງຝ່າຍ ກໍໄດ້ຕີລາຄາສູງຕໍ່ໝາກຜົນຂອງການຮ່ວມມືສອງຝ່າຍ ໃນດ້ານຕ່າງໆໂດຍສະເພາະພາຍໃຕ້ການຮ່ວມມືໜຶ່ງແລວ ໜຶ່ງເສັ້ນທາງໃນໄລຍະຜ່ານມາ ໄດ້ມີການເຄື່ອນໄຫວຢ່າງຫ້າວຫັນ ແລະ ເປັນຮູບປະທໍາຢ່າງໜ້າເພິ່ງພໍໃຈ, ຊຶ່ງໄດ້ເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ, ເວົ້າສະເພາະ ກໍ່ແມ່ນໂຄງການຮ່ວມມືສ້າງເສັ້ນທາງລົດໄຟ ລາວ-ຈີນ (ນະຄອນຫຼວງວຽງຈັນ-ນະຄອນຄຸນມິງ) ແລະທາງດ່ວນ (ວຽງຈັນ-ບໍ່ຫານ)ຊຶ່ງສອດຄ່ອງກັບນະໂຍບາຍຂອງ ສປປ ລາວ ໃນການຫັນຈາກປະເທດທີ່ບໍ່ມີຊາຍແດນຕິດຈອດກັບທະເລ ເປັນປະເທດເຊື່ອມຈອດກັບອະນຸພາກພື້ນ. ນອກນັ້ນ,ບັນດາຂະແໜງການກ່ຽວຂ້ອງຕ່າງໆຂອງ ສປປ ລາວ ກໍໄດ້ເຂົ້າຮ່ວມໃນບັນດາກົນໄກການຮ່ວມມືຕ່າງໆຂອງຂໍ້ລິເລີ່ມໜຶ່ງແລວ ໜຶ່ງເສັ້ນທາງ.

ສອງຝ່າຍ ຍັງໄດ້ປຶກສາຫາລື ແລະວາງທິດທາງແຜນການການຮ່ວມມືໃນຕໍ່ໜ້າຮ່ວມກັນ ເພື່ອຊຸກຍູ້ສົ່ງເສີມການຮ່ວມມືໃນດ້ານອື່ນໆ ເຊັ່ນ: ການສ້າງແລວທາງເສດຖະກິດ ລາວ-ຈີນ 2019-2030, ການຊ່ວຍເຫຼືອຢາວັກແຊັງປ້ອງກັນພະຍາດໂຄວິດ-19, ການຈັດຕັ້ງຜັນຂະຫຍາຍການຮ່ວມມື ລະຫວ່າງສອງກະຊວງການຕ່າງປະເທດ ແລະ ອື່ນໆ.

ນອກຈາກນີ້, ສອງຝ່າຍ ຍັງໄດ້ແລກປ່ຽນຄໍາຄິດເຫັນ ກ່ຽວກັບ ບັນຫາພາກພື້ນ ແລະ ສາກົນ ທີ່ທັງສອງຝ່າຍມີຄວາມສົນໃຈ ລວມທັງການຮັດແໜ້ນການພົວພັນຮ່ວມມືໃນຂອບອາຊຽນ, ແມ່ນໍ້າຂອງ-ແມ່ນໍ້າລ້ານຊ້າງ ແລະ ອື່ນໆ. ການພົບປະສອງຝ່າຍໃນຮູບແບບທາງໄກຄັ້ງນີ້, ໄດ້ດຳເນີນໄປດ້ວຍບັນຍາກາດອັນຈິງໃຈ ຖານສະຫາຍອ້າຍນ້ອງ ແລະ ໄດ້ຮັບໝາກຜົນຕາມລະດັບຄາດໝາຍ.

ຝ່າຍລາວໄດ້ສະແດງຄວາມຂອບໃຈເປັນຢ່າງສູງຕໍ່ການຊ່ວຍເຫຼືອອັນລໍ້າຄ່າຈາກພັກລັດຖະບານ ແລະ ປະຊາຊົນຈີນ ຕໍ່ພັກລັດຖະບານ ແລະ ປະຊາຊົນລາວ ຕະຫຼອດໄລຍະຜ່ານມາ ໂດຍສະເພາະແມ່ນການຊ່ວຍເຫລືອດ້ານອຸປະກອນການແພດຢາວັກແຊັງປ້ອງກັນໂຄວິດ-19 ແລະ ອື່ນໆ ແລະ ໃນການພົບປະຄັ້ງນີ້ ສະຫາຍ ຫວັງ ອີ້ ຍັງໄດ້ປະກາດໃຫ້ການຊ່ວຍເຫລືອວັກແຊັງເພີ່ມຕື່ມໃຫ້ແກ່ ສປປ ລາວ ເພື່ອຊ່ວຍ ສປປ ລາວ ບັນລຸເປົ້າໝາຍການສັກຢາວັກແຊງໃຫ້ພົນລະເມືອງໃນທົ່ວປະເທດໃຫ້ໄດ້ 50% ພາຍໃນປີ 2021.

ໃນຕອນທ້າຍ, ສະຫາຍ ສະເຫຼີມໄຊ ກົມມະສິດ ໄດ້ອວຍພອນໃຫ້ ສະຫາຍ ຫວັງ ອີ້ ຈົ່ງມີພະລານາໄມສົມບູນມີຄວາມຜາສຸກ ແລະ ປະສົບຜົນສໍາເລັດໃນພາລະກິດອັນມີກຽດຂອງສະຫາຍ ແລະ ອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຍຸດທະສາດຮອບດ້ານ ບົນພື້ນຖານ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນຈີນ-ລາວ ຈົ່ງໝັ້ນຄົງທະນົງແກ່ນຕະຫຼອດໄປ.

ບົດຂ່າວອື່ນໆ

ແຈ້ງການ

* (ໃໝ່) ບົດຄວາມ "ຊົມເຊີຍ ວັນສະຖາປະນາ ສປ ຈີນ ຄົບຮອບ 72 ປີ"

* (ໃໝ່) ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

* (ໃໝ່) ສານອວຍພອນຂອງ ລັດຖະມົນຕີກະຊວງການຕ່າງປະເທດ, ໃນໂອກາດ ວັນຄົບຮອບ 54 ປີ ແຫ່ງ ການສ້າງຕັ້ງອາຊຽນ ແລະ ຄົບຮອບ 24 ປີ ສປປ ລາວ ເຂົ້າເປັນສະມາຊິກອາຊຽນ.


#ຄຳສັ່ງ ວ່າດ້ວຍ ການເພີ່ມທະວີມາດຕະການສະກັດກັ້ນ, ຄວບຄູມ ແລະ ກຽມຄວາມພ້ອມຮອບດ້ານ ເພື່ອຕ້ານໂຄວິດ-19 (ວັນທີ 21 ເມສາ 2021)

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
300611
ມື້ນີ້32
ມື້ວານ95
ອາທິດນີ້591
ເດືອນນີ້2280