ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມສະເຫຼີມສະຫຼອງຄົບຮອບ 60 ປີ ຂອງກອງປະຊຸມຄັ້ງປະຖົມມະລຶກຂະບວນການບໍ່ຮ່ວມກຸ່ມ ໃນຮູບແບບທາງໄກ

 

20211011-12 FM-NAM-1

 

20211011-12 FM-NAM-2

 

20211011-12 FM-NAM-3

 

 

ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມ ແລະ ກ່າວບົດປາໄສແບບທາງໄກ ໃນກອງປະຊຸມສະເຫຼີມສະຫຼອງ ຄົບຮອບ 60 ປີ ຂອງກອງປະຊຸມຄັ້ງປະຖົມມະລຶກຂະບວນການບໍ່ຮ່ວມກຸ່ມ (Non-Aligned Movement - NAM) ໂດຍພາຍໃຕ້ການເປັນປະທານຮ່ວມຂອງ ທ່ານ Ilham Aliyev, ປະທານາທິບໍດີ ອາແຊັກໄບຊານ ແລະ ທ່ານ Aleksandar Vučić, ປະທານາທິບໍດີ ແຊັກບີ, ຊຶ່ງໄດ້ຈັດຂຶ້ນໃນວັນທີ 11 - 12 ຕຸລາ 2021, ທີ່ ນະຄອນຫຼວງແບນກາດ, ປະເທດແຊັກບີ.

 

ຈຸດປະສົງຂອງກອງປະຊຸມດັ່ງກ່າວ ແມ່ນເພື່ອລະລຶກຄືນເຖິງເຫດການປະຫວັດສາດ ຂອງການສ້າງຕັ້ງຂະບວນການບໍ່ຮ່ວມກຸ່ມ, ກໍ່ຄືການຈັດກອງປະຊຸມຄັ້ງປະຖົມມະລຶກ ທີ່ ເມືອງແບນກາດ, ອະດິດສະຫະພາບຢູໂກສະລາວີ ໃນປີ 1961. ໃນໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ໄດ້ກ່າວບົດປາໄສຢ້ຳຄືນເຖິງຄວາມສຳຄັນ ແລະ ບົດບາດຂອງຂະບວນການບໍ່ຮ່ວມກຸ່ມ ຕະຫລອດໄລຍະ 60 ປີ ໃນການນຳພາປະເທດສະມາຊິກຂ້າມຜ່ານບັນດາສິ່ງທ້າທາຍຕ່າງໆ ໂດຍການຍຶດຖືຫຼັກການຢູ່ຮ່ວມກັນໂດຍສັນຕິ, ຄວາມໝາຍໝັ້ນໃນການຍຶດຖືຫຼັກການພື້ນຖານຂອງກົດບັດສະຫະປະຊາຊາດ ແລະ ສົ່ງເສີມການຮ່ວມມືຫຼາຍຝ່າຍ ໂດຍສະເພາະແມ່ນການສະແດງຄວາມຊົມເຊີຍຜົນງານ ທາງປະຫວັດສາດຂອງກຸ່ມ ແລະ ຄວາມສຳຄັນຂອງຫຼັກການບັນດຸງທີ່ເປັນພື້ນຖານໃນການຮ່ວມມືກັນຂອງຂະບວນການບໍ່ຮ່ວມກຸ່ມ.

 

ພ້ອມດຽວກັນນີ້, ເພື່ອສະແດງເຖິງຄວາມເອົາໃຈໃສ່ຂອງ ສປປ ລາວ ໃນນາມທີ່ເປັນສະມາຊິກຂະບວນການບໍ່ຮ່ວມກຸ່ມ, ທ່ານ ລັດຖະມົນຕີກະຊວງການຕ່າງປະເທດ ໄດ້ແຕ່ງຕັ້ງ ທ່ານ ສີທົງ ຈິດໂຍທິນ, ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ ລາວ ປະຈຳປະເທດໂອຕຼິດ ໃຫ້ຕາງໜ້າເຂົ້າຮ່ວມແບບເຊິ່ງໜ້າໃນກອງປະຊຸມດັ່ງກ່າວ ລວມທັງກອງປະຊຸມລັດຖະມົນຕີ ຂອງກຸ່ມເພື່ອນມິດເພື່ອການປົກປ້ອງກົດບັດ ສປຊ ຄັ້ງທີ II ແລະ ຮັບຮອງຖະແຫຼງການທາງດ້ານການເມືອງ (Political Declaration) ເພື່ອສະແດງເຖິງເຈດຕະນາລົມທີ່ຢຶດໝັ້ນ ຕໍ່ຫຼັກການສາກົນອັນເປັນພື້ນຖານທີ່ກໍານົດໃນກົດບັດ ສປຊ ແລະ ຢໍ້າຄືນເຖິງຄວາມສຳຄັນ ໃນການສົ່ງເສີມລະບົບການຮ່ວມມືຫຼາຍຝ່າຍ ຮ່ວມກັບປະຊາຄົມສາກົນ ເພື່ອປົກປັກຮັກສາສັນຕິພາບ, ເຄົາລົບຕໍ່ຄວາມເປັນເອກະລາດແຫ່ງຊາດ ແລະ ຜືນແຜ່ນດິນອັນຄົບຖ້ວນ, ບໍ່ແຊກແຊງເຂົ້າກິດຈະການພາຍໃນ ແລະ ເພີ່ມທະວີຄວາມເຊື່ອໝັ້ນຕໍ່ພາລະບົດບາດຂອງ ອົງການ ສປຊ ໃນການແກ້ໄຂບັນຫາສິ່ງທ້າທາຍຂອງສາກົນຮ່ວມກັນ.

 

ຂະ​ບວນ​ການ​ບໍ່​ຮ່ວມ​ກຸ່ມ (Non-Aligned Movement – NAM) ໄດ້​ຮັບ​ການ​ສ້າງ​ຕັ້ງ​ຂື້ນໃນ​ປີ 1961 ​ໂດຍ​ບັນ​ດາ​ປະ​ເທດ​ກຳ​ລັງ​ພັດ​ທະ​ນາ ​ທີ່​ບໍ່​ຕ້ອງ​ການ​ຮ່ວມ​ກຸ່ມ ຫຼື ເປັນ​ປໍ​ລະ​ປັກ​ກັບ​ຝ່າຍ​ໃດ​ຝ່າຍໜຶ່ງໃນ​ໄລ​ຍະ​ສົງ​ຄາມ​ເຢັນ. ຈຸດ​ປະ​ສົງ​ຫຼັກ​ຂອງກຸ່ມ ແມ່ນ​ເພື່ອ​ຮັກ​ສາ​ຄວາມ​ເປັນ​ເອ​ກະ​ລາດ, ສະ​ຖ​ຽນ​ລະ​ພາບ, ອະ​ທິ​ປະ​ໄຕ ແລະ ຄວາມ​ໝັ້ນ​ຄົງ​ຂອງ​ປະ​ເທດ​ສະ​ມາ​ຊິກ ໂດຍ​ການ​ຮ່ວມ​ມື​ປະ​ຕິ​ບັດ​ຕາມ​ຫຼັກ​ການ​ບັນ​ດຸງ (Bandung Principle) ທີ່​ສົ່ງ​ເສີມ​ການ​ຮ່ວມ​ມື ແລະ ສັນ​ຕິ​ພາບ​ຂອງ​ໂລກ ເຊິ່ງ​ປັດ​ຈຸ​ບັນ​ມີ​ປະ​ເທດ​ສະ​ມາ​ຊິກ​ທັງ​ໝົດ 120 ປະ​ເທດ ແລະ 17 ປະເທດສັງເກດການ.

------------//----------

 

 

ບົດຂ່າວອື່ນໆ

ແຈ້ງການ

* (ໃໝ່) ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* (ໃໝ່) ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* (ໃໝ່) ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ


#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
305695
ມື້ນີ້5
ມື້ວານ100
ອາທິດນີ້176
ເດືອນນີ້688