ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ພິທີສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງ ສປປ ລາວ ແລະ ສ. ຕີມໍ-ເລສ໌ເຕ ຄົບຮອບ 20 ປີ.

 

2022 11 15 20th lao Timor 5

2022 11 15 20th lao Timor 3

2022 11 15 20th lao Timor 2

2022 11 15 20th lao Timor 4

2022 11 15 20th lao Timor 1

 

ໃນວັນທີ 15 ພະຈິກ 2022, ທີ່ ໂຮງແຮມ ເເລນມາກ, ນະຄອນຫຼວງວຽງຈັນ ພະນະທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ໃຫ້ກຽດເຂົ້າຮ່ວມເປັນແຂກກິດຕິມະສັກ ໃນງານລ້ຽງສະເຫຼີມສະຫຼອງວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວສາທາລະນະລັດ ຕີມໍ-ເລສ໌ເຕ ຄົບຮອບ 20 ປີ ແລະ ມີບັນດາລັດຖະມົນຕີກະຊວງຕ່າງໆຈຳນວນໜຶ່ງເຂົ້າຮ່ວມ.

     

ໃນ​ໂອກາດ​ດັ່ງກ່າວ, ທ່ານ ນາງ ມາເຣຍ ຣີນາຕາ ເດິ ການດາສ ຈີຊຸສ (Maria Renata de Jesus), ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສ.ຕີມໍ-ເລສ໌ເຕ ໄດ້​​ກ່າວ​ປາ​ໄສ ​ໂດຍ​ສະ​ແດງ​ໃຫ້​ເຫັນ​ເຖິງ​ສາຍ​ພົວພັນ​ອັນ​ດີງາມ​ ລະຫວ່າງ​ສອງ​ປະ​ເທດ ​ຕີມໍ-ເລສ໌ເຕ ​ແລະ ສປປ ລາວ ​ໃນ​ຕະຫຼອດໄລຍະ 20 ປີຜ່ານມາ ພ້ອມທັງ​ໄດ້ສະແດງຄວາມຂອບໃຈຢ່າງເລິກເຊິ່ງ ມາຍັງລັດຖະບານລາວ ແລະ ບັນດາປະເທດສະມາຊິກອາຊຽນ ທີ່ໄດ້ໃຫ້ການສະໜັບສະໜູນແກ່ ຕີມໍ-ເລສເຕ ຕະຫຼອດມາ ກໍ່ຄືການສະໜັບສະໜູນຂອງບັນດາຄູ່ຮ່ວມມືພາຍນອກ, ຊຶ່ງ ຕີມໍ-ເລສ໌ເຕ ​ຈະ​ສືບ​ຕໍ່​ເຮັດ​ວຽກ​ຢ່າງ​ຕັ້ງໜ້າ​ເພື່ອ​ຮັບປະກັນການເຂົ້າເປັນສະມາຊິກຂອງ ຕີ​ມໍ-​ເລັສ໌ເຕ ໃນອະນາຄົດ.​ ພ້ອມດຽວກັນນີ້, ສະຖານທູດ ຕີມໍ-ເລສ໌ເຕ ປະຈຳ ສປປ ລາວ ຈະສືບຕໍ່ສົມທົບກັບກະຊວງການຕ່າງປະເທດ ແລະ ບັນດາກະຊວງທີ່ກ່ຽວຂ້ອງ ໃນການປະສານງານ ແລະ ຕິດຕາມບັນດາບັນຫາດ້ານວິຊາການທີ່ພົ້ນເດັ່ນ ຮັດແໜ້ນການຮ່ວມມືໃນຂົງເຂດຕ່າງໆ ທີ່ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ ເປັນຕົ້ນເເມ່ນ ການຮ່ວມມືສອງ​ຝ່າຍ, ຫຼາຍ​ຝ່າຍ ​ແລະ​ ພາກ​ພື້ນ ເພື່ອເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນຍາວນານ ແລະ ການຮ່ວມມືທີ່ດີງາມລະຫວ່າງ ຕີມໍ-ເລສ໌ເຕ-ລາວ ໃຫ້ນັບມື້ນັບໄດ້ຮັບການພັດທະນາກ້າວຂຶ້ນ.     

      

ໃນໂອກາດດຽວກັນນີ້, ພະນະທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຕາງໜ້າລັດຖະບານລາວ ແລະ ປະຊາຊົນລາວ ສະແດງຄວາມຍິນດີ ແລະ ອວຍພອນໄຊອັນປະເສີດມາຍັງລັດຖະບານ ແລະ ປະຊາຊົນ ແຫ່ງ ສ. ຕີມໍ-ເລສເຕ ເນື່ອງໃນໂອກາດວັນປະກາດເອກະລາດ ຄົບຮອບ 47 ປີ, ພ້ອມທັງຊົມເຊີຍການພົວພັນຮ່ວມມືລະຫວ່າງ ລາວ ແລະ ຕີມໍ-ເລສ໌ເຕ ນັບເເຕ່ມີການລົງນາມໃນສັນຍາສ້າງຕັ້ງການພົວພັນທາງການທູດ ໃນວັນທີ 27 ກໍລະກົດ 2002, ຊຶ່ງຖືໄດ້ວ່າເປັນຂີດໝາຍປະຫວັດສາດໃນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຂອງພວກເຮົາທີ່ໄດ້ຕອບສະໜອງຄວາມມຸ່ງມາດປາດຖະໜາຂອງປະຊາຊົນສອງຊາດ, ຊຶ່ງຕະຫຼອດ 2 ທົດ​ສະ​ວັດ​ ແຫ່ງ​ການ​ພົວ​ພັນ​ລະ​ຫວ່າງ​​ສອງ​ປະ​ເທດ​ໄດ້​ເພີ່ມ​ທະ​ວີ​ການ​ພົວ​ພັນ​ມິດ​ຕະ​ພາບ​ຢ່າງ​ເລິກ​ເຊິ່ງ​ໃນ​ລະ​ດັບ​ຕ່າງໆ​ທັງ​ລັດ​ຖະ​ບານ ​ແລະ ​ປະ​ຊາ​ຊົນ​ຕໍ່​ປະ​ຊາ​ຊົນ. ການ​ແລກປ່ຽນ​ການ​ຢ້ຽມຢາມ​ທາງ​ລັດຖະກິດ​ລະດັບ​ສູງ​ຂອງ​ບັນດາ​ການນຳ ຊຶ່ງໄດ້​ສ້າງ​ເງື່ອນ​ໄຂ​ສະດວກ​ໃຫ້​ແກ່​ຄວາມ​ເຂົ້າ​ໃຈ, ຄວາມ​ໄວ້​ເນື້ອ​ເຊື່ອ​ໃຈ ​ແລະ ​ເພີ່ມ​ທະວີ​ການ​ຮ່ວມ​ມື​ລະຫວ່າງ​ສອງ​ປະ​ເທດ.

     

ເນື່ອງ​ໃນ​ໂອກາດ​ອັນ​ສະຫງ່າ​ລາສີ​ນີ້, ພະນະທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຍັງໄດ້ອວຍພອນ​ໃຫ້ ຕີມໍ-ເລສ໌ເຕ ປະສົບ​ຜົນສຳ​ເລັດ​ໃນ​ພາລະກິດ​ກະກຽມຂໍ້ມູນເຂົ້າເປັນສະມາຊິກ ASCC ​ແລະ AEC ທີ່​ນຳ​ໄປ​ສູ່​ການ​ຮັບຮອງ​ເອົາ​ຖະ​ແຫຼ​ງການ​ຂອງ​ບັນດາ​ຜູ້ນຳ​ອາ​ຊຽນ ທີ່​ກອງ​ປະຊຸມ​ສຸດ​ຍອດ​ຄັ້ງ​ທີ 40 ​ແລະ 41 ທີ່ ​ກຳປູ​ເຈຍ ກ່ຽວ​ກັບ​ການ​ຮັບຮອງເອົາ ຕີມໍ-ເລສ໌ເຕ ເຂົ້າເປັນສະມາຊິກ​ອາ​ຊຽນ ​ທີ່​ໄດ້​ເຫັນ​ດີ​ເປັນ​ເອກະສັນ​ກັນ​ໃນ​ຫຼັກການ​ອະນຸມັດ​ການ​ສະໝັກ​ເຂົ້າ​ເປັນສະມາຊິກ​ອາ​ຊຽນຂອງ ຕີມໍ-ເລສ໌ເຕ ເເລະ ສປປ ລາວ ພ້ອມ​ແລ້ວ​ທີ່​ຈະ​ສະໜັບສະໜຸນ ຕີ​ມໍ-​ເລັສ໌​ເຕ ​ເພື່ອ​ບັນລຸ​ການ​ເຂົ້າ​ເປັນ​ສະມາຊິກ​ອາ​ຊຽນຢ່າງ​ເຕັມ​ສ່ວນ​ໃນ​ອະນາຄົດ​ອັນ​ໃກ້ນີ້.  

     

ພ້ອມດຽວກັນນີ້, ພະນະທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ສະເຫຼີມໄຊ ກົມມະສິດຍັງໄດ້ຖືໂອກາດນີ້ສະແດງຄວາມຂອບໃຈ ມາຍັງລັດຖະບານ ແລະ ປະຊາຊົນ ຕີມໍ-ເລສ໌ເຕ ທີ່ໄດ້ໃຫ້ການຊ່ວຍເຫລືອ ເເລະ ການຮ່ວມມືທີ່ດີຕະຫຼອດມາ ພ້ອມທັງອວຍພອນໃຫ້ ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ແລະ ການ​ຮ່ວມ​ມື​ອັນ​ດີງາມ​ລະຫວ່າງ​ສອງ​ຊາດ​ລາວ ເເລະ ຕີ​ມໍ​-ເລ​ສ໌​ເຕ ​​ຈົ່ງສືບຕໍ່ຂະຫຍາຍຕົວຍິ່ງໆຂຶ້ນ.

                                                                                              ກົມການຂ່າວ

ພະເເນກໂຄສະນາ ເເລະ ປະຊາສຳພັນ

ບົດຂ່າວອື່ນໆ

ແຈ້ງການ

 

* ວາລະສານເອເລັກໂຕຣນິກ ການຕ່າງປະເທດ ສະບັບທຳອິດ ປະຈຳເດືອນ ຕຸລາ (ກົດເພື່ອດາວໂຫລດ)

 

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

 

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
395348
ມື້ນີ້71
ມື້ວານ338
ອາທິດນີ້317
ເດືອນນີ້1657